ಅಪ್ರಾಪ್ತೆಯನ್ನು ತಾಯಿಯನ್ನಾಗಿಸಿದ ಪಾದ್ರಿಯ ಬಂಧನ
ಪಾದ್ರಿಯಿಂದ ಲೈಂಗಿಕ ದೌರ್ಜನ್ಯಕ್ಕೊಳಗಾಗಿರುವ ಬಾಲಕಿಯು ಆಸ್ಪತ್ರೆಯಲ್ಲಿ ಮಗುವಿಗೆ ಜನ್ಮ ನೀಡಿದ ನಂತರವಷ್ಟೇ ಬೆಳಕಿಗೆ ಬಂದ ಪ್ರಕರಣ.
ತಿರುವನಂತರ ಪುರಂ, ಫೆಬ್ರವರಿ 28: ಅಪ್ರಾಪ್ತ ಬಾಲಕಿಯನ್ನು ಲೈಂಗಿಕವಾಗಿ ಬಳಸಿಕೊಂಡು ಆಕೆಯ ಕೈಗೆ ಮಗುವೊಂದನ್ನೂ ಕೊಟ್ಟಿರುವ ಆರೋಪದ ಮೇರೆಗೆ ಕಣ್ಣೂರಿನಲ್ಲಿರುವ ಕ್ಯಾಥೋಲಿಕ್ ಚರ್ಚ್ ನ ಕ್ರೈಸ್ತ ಪಾದ್ರಿಯನ್ನು ಬಂಧಿಸಲಾಗಿದೆ.
ಬಂಧಿತನನ್ನು ರಾಬಿನ್ ವಡಕ್ಕಂಚೆರಿಲ್ ಎಂದು ಪೊಲೀಸರು ತಿಳಿಸಿದ್ದು, ಈತ ಕಣ್ಣೂರಿನಲ್ಲಿರುವ ಸೇಂಟ್ ಸೆಬಾಸ್ಟಿಯನ್ ಚರ್ಚ್ ನಲ್ಲಿ ಪಾದ್ರಿಯಾಗಿ ಸೇವೆ ಸಲ್ಲಿಸುತ್ತಿದ್ದ ಎಂದು ಹೇಳಲಾಗಿದೆ.[ಲೈಂಗಿಕ ಕಿರುಕುಳ ಅನುಭವಿಸಿದ ಮಲಯಾಳಂ ನಟಿಯ ಸಂದರ್ಶನ]
ಈತನಿಂದ ಗರ್ಭಿಣಿಯಾದ ಬಾಲಕಿಯು ಕೆಲವು ವಾರಗಳ ಹಿಂದೆ ಕಣ್ಣೂರಿನ ಸ್ಥಳೀಯ ಆಸ್ಪತ್ರೆಯೊಂದರಲ್ಲಿ ಮಗುವಿಗೆ ಜನ್ಮ ನೀಡಿದ್ದಾಳೆ. ಆನಂತರವಷ್ಟೇ ಈ ವಿಚಾರ ಕೇರಳ ಸರ್ಕಾರದ ಮಕ್ಕಳ ಹೆಲ್ಪ್ ಲೈನ್ ಗೆ ಸುದ್ದಿ ತಿಳಿದಿದೆ.[ಆತ್ಯಾಚಾರಿಗಳಿಗೆ ಘೋರಶಿಕ್ಷೆಯಾಗಬೇಕು : ನಟ ಯಶ್]
ಆಗ, ಬಾಲಕಿಯ ನೆರವಿಗೆ ಆಗಮಿಸಿದ ಮಕ್ಕಳ ಹೆಲ್ಪ್ ಲೈನ್ ಸಿಬ್ಬಂದಿಯು, ಸ್ವಯಂ ಪ್ರೇರಿತವಾಗಿ ಪೊಲೀಸರಿಗೆ ದೂರು ನೀಡಿದ್ದರಿಂದಾಗಿ, ಈ ಪ್ರಕರಣದ ಬೆಳಕಿಗೆ ಬಂದಿದೆ. ಹಾಗಾಗಿ, ಫೆ. 27ರಂದು ಸಂಜೆ ಪಾದ್ರಿಯನ್ನು ಬಂಧಿಸಲಾಗಿದೆ. ಪಾದ್ರಿ ವಿರುದ್ಧ ಪೋಕ್ಸೋ ಕಾಯ್ದೆಯಡಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.[ಕಾರ್ಗಿಲ್ ಹುತಾತ್ಮ ಯೋಧನ ಪುತ್ರಿಗೆ ಅತ್ಯಾಚಾರದ ಬೆದರಿಕೆ!]