ಹುತಾತ್ಮ ಅಪ್ಪನ ಶವಪೆಟ್ಟಿಗೆ ಮೇಲೆ ಕಂದನ ಆಟ! ಒದ್ದೆಯಾಗದೇ ಕಣ್ಣಾಲಿ?
ಜೈಪುರ, ಜುಲೈ 16: 'ತಾನು ಹುತಾತ್ಮ ಅಪ್ಪನ ಶವಪೆಟ್ಟಿಗೆ ಮೇಲೆ ಕೂತಿದ್ದೇನೆ ಎಂಬ ಪರಿವೆಯೇ ಇಲ್ಲದೆ, ಐದು ತಿಂಗಳ ಪುಟ್ಟ ಮಗುವೊಂದು ಆಟವಾಡುತ್ತಿರುವ ದೃಶ್ಯ ಎಂಥವರ ಕಣ್ಣಾಲಿಯನ್ನೂ ಒದ್ದಾಯಾಗಿಸುತ್ತದೆ!
ಉಗ್ರರೊಂದಿಗೆ ಕಾದಾಟ: ಸೇನಾ ಕಮಾಂಡರ್ ಸಾವು, ಸೈನಿಕ ಗಾಯಾಳು
ಜುಲೈ 11 ರಂದು ಕಾಶ್ಮೀರದಲ್ಲಿ ಉಗ್ರರ ದಾಳಿಗೆ ಬಲಿಯಾದ 25 ವರ್ಷದ ಮುಕುಟ್ ಬಿಹಾರಿ ಮೀನಾ ಅವರ ಪಾರ್ಥೀವ ಶರೀರವನ್ನು ಅಂತ್ಯಸಂಸ್ಕಾರಕ್ಕಾಗಿ ರಾಜಸ್ಥಾನದ ಜೈಪುರದ ಅವರ ಊರಿಗೆ ತರಲಾಗಿತ್ತು. ಈ ಸಂದರ್ಭದಲ್ಲಿ ತ್ರಿವರ್ಣಧ್ವಜದಿಂದ ಸುತ್ತಿದ್ದ ಅವರ ಪಾರ್ಥೀವ ಶರೀರವಿದ್ದ ಶವಪೆಟ್ಟಿಗೆಯ ಮೇಲೆ ಹೂವನ್ನು ಚೆಲ್ಲಲಾಗಿತ್ತು. ಈ ಪೆಟ್ಟಿಗೆಯ ಮೇಲೆ ಅವರ ಐದು ತಿಂಗಳ ಪುಟ್ಟ ಕಂದ ಹೂವನ್ನೆಲ್ಲ ಹಿಡಿದು ಆಟವಾಡುತ್ತಿದ್ದ ದೃಶ್ಯ ಅಂತ್ಯಸಂಸ್ಕಾರಕ್ಕೆಂದು ಬಂದಿದ್ದವರ ಕಣ್ಣಾಲಿಗಳನ್ನು ಒದ್ದೆಯಾಗಿಸಿತ್ತು!
'Hum Jeeyenge aur Marenge ae Watan tere liye!'
— Apolina De (@apolina_de) July 16, 2018
A picture that'll break your heart & leave you teary eyed. A 5 month-old daughter of a martyr sitting on his Tricolour covered coffin instead of his lap.
A brave daughter to a brave father. Salute your sacrifices!
Jai Hind!🙏@adgpi pic.twitter.com/hZdcOFU6vM
ತಾನು ಕೂತಿರುವ ಪೆಟ್ಟಿಗೆಯೊಳಗಿರುವುದು ತನ್ನ ತಂದೆಯ ಶವ ಎಂಬ ಯಾವ ಅರಿವೂ ಇಲ್ಲದೆ ಆ ಮಗು ಆಟವಾಡುತ್ತಿತ್ತು. ಇದೇ ಕೊನೆ, ಇನ್ನೆಂದಗೂ ತನ್ನಪ್ಪನನ್ನು ತಾನು ನೋಡುವುದಕ್ಕೆ ಸಾಧ್ಯವೇ ಇಲ್ಲ ಎಂಬುದು ಪಾಪ, ಆ ಪುಟ್ಟ ಕಂದನಿಗೆ ಎಲ್ಲಿಂದ ತಿಳಿಯಬೇಕು?
ಜಮ್ಮು ಕಾಶ್ಮೀರದ ಶೋಪಿಯಾನ್ ನಲ್ಲಿ ಜು.10 ರ ರಾತ್ರಿಯಿಂದಲೇ ಆರಂಭವಾಗಿದ್ದ ಎನ್ ಕೌಂಟರ್ ದಾಳಿಯಲ್ಲಿ ಉಗ್ರರನ್ನು ಹಿಮ್ಮೆಟ್ಟಿಸಿದ್ದ ಭಾರತೀಯ ಸೇನೆಯ ಯೋಧರು ಗಾಯಾಳುವಾಗಿದ್ದರು. ಜು.11 ರಂದು ಸಹ ಈ ದಾಳಿ ಮುಂದುವರಿದು ಈ ಸಂದರ್ಭದಲ್ಲಿ ಕಮಾಂಡರ್ ಮುಕುಟ್ ಮೀನಾ ಹುತಾತ್ಮರಾಗಿದ್ದರು.