ಕಣಿವೆ ರಾಜ್ಯದಲ್ಲಿ ಹಿಂಸಾಚಾರ: ರಾಜನಾಥ್ ಭೇಟಿಯಾಗಲಿರುವ ಮೆಹಬೂಬಾ

ನವದೆಹಲಿ, ಜುಲೈ 15: ರಾಜಧಾನಿ ದೆಹಲಿಗೆ ಭೇಟಿ ನೀಡಿರುವ ಜಮ್ಮು-ಕಾಶ್ಮೀರದ ಮುಖ್ಯಮಂತ್ರಿ ಮೆಹಬೂಬಾ ಮಫ್ತಿ, ಇಂದು ಗೃಹಸಚಿವ ರಾಜನಾಥ್ ಸಿಂಗ್ ಅವರನ್ನು ಭೇಟಿ ಮಾಡಿ ಕಣಿವೆ ರಾಜ್ಯದಲ್ಲಿ ಇತ್ತೀಚೆಗೆ ಹೆಚ್ಚುತ್ತಿರುವ ಭಯೋತ್ಪಾದಕ ಚಟುವಟಿಕೆ ಮತ್ತು ಹಿಂಸಾಚಾರದ ಕುರಿತು ಚರ್ಚೆ ನಡೆಸಲಿದ್ದಾರೆ.

ಅಮರಾಥ್ ಯಾತ್ರಿಕರ ಮೇಲಾದ ಭಯೋತ್ಪಾದಕ ದಾಳಿಯಲ್ಲಿ 7 ಜನ ಮೃತರಾಗಿದ್ದು, ಸೈನಿಕರ ವೀರಮರಣ, ಕಾಶ್ಮೀರದಲ್ಲಿ ಡಿವೈಎಸ್ಪಿಯೊಬ್ಬರ ಹತ್ಯೆ, ಕಲ್ಲುತೂರಾಟದ ಘಟನೆಗಳು ಮುಂತಾದ ವಿಷಯಗಳ ಕುರಿತು ಇಬ್ಬರೂ ನಾಯಕರೂ ಚರ್ಚೆ ನಡೆಸಲಿದ್ದಾರೆ.

ಕಣಿವೆ ರಾಜ್ಯದಲ್ಲಿ ಅವ್ಯಾಹತವಾಗಿ ನಡೆಯುತ್ತಿರುವ ಹಿಂಸಾಚಾರ ಕೇಂದ್ರ ಮತ್ತು ಕಾಶ್ಮೀರ ರಾಜ್ಯ ಸರ್ಕಾರಕ್ಕೂ ತಲೆನೋವಾಗಿದ್ದು, ಈ ಮಾತುಕತೆ ಮಹತ್ವದ್ದೆನ್ನಿಸಿದೆ.

English summary

Mehbooba Mufti, Jammu and Kashmir Chief Minister , who is in the national capital, will meet Union Home Minister Rajnath Singh today(July 15th). They are expected to speak about recent violence in the Valley.