Click it and Unblock the Notifications
Just In
-
-
-
Don't Miss
-
ಬೆಂಗಳೂರು ಪ್ರವಾಸೋದ್ಯಮಕ್ಕಾಗಿ ವಿಶೇಷ ಆಟೋ ಸೇವೆ ಆರಂಭ, ವಿವರ -
IPL 2024: ಐಪಿಎಲ್ ಮಾತ್ರವಲ್ಲ, ಟಿ20 ಕ್ರಿಕೆಟ್ನಲ್ಲೇ ಇತಿಹಾಸ ಬರೆದ RCB vs SRH ಪಂದ್ಯ! -
ಕೊಟ್ಟಿಗೆಯಲ್ಲಿ ಸಿಕ್ಕಿಬಿತ್ತು ಮೈ ನಡುಗಿಸುವಷ್ಟು ದೈತ್ಯಾಕಾರದ ಹೆಬ್ಬಾವು...! -
ಸೆಮಿಕಂಡಕ್ಟರ್ ಪೂರೈಸಲು ಟಾಟಾದೊಂದಿಗೆ ಟೆಸ್ಲಾ ಒಪ್ಪಂದ.. ಕೆಲವೇ ದಿನದಲ್ಲಿ ಮೊದಲ ಶೋರೂಂ ಆರಂಭ? -
ಸಲ್ಮಾನ್ ಖಾನ್ ನಿವಾಸದ ಬಳಿ ಗುಂಡಿನ ದಾಳಿ ಪ್ರಕರಣ; ಇಬ್ಬರು ಶಂಕಿತರ ಬಂಧನ -
Oppo: ಒಪ್ಪೋ A3 ಪ್ರೊ ಸ್ಮಾರ್ಟ್ಫೋನ್ ಲಾಂಚ್! 67W ಫಾಸ್ಟ್ ಚಾರ್ಜಿಂಗ್ ಸೌಲಭ್ಯ... ಬೆಲೆ ಎಷ್ಟು? -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಲಸಿಕೆ ಅಭಾವ: ಮೋದಿಗೆ ಪ್ರಚಾರದ ಹುಚ್ಚು ಎಂದು ಕಾಂಗ್ರೆಸ್ ಸುಳ್ಳು ಮಾಹಿತಿ ನೀಡಿತೇ?
ಬನ್ನಿಬನ್ನಿ ಎಂದು ಗೋಗರೆದರೂ ಲಸಿಕೆ ಹಾಕಿಸಿಕೊಳ್ಳದ ಸಾರ್ವಜನಿಕರು ಈಗ ಕೊರೊನಾ ಎರಡನೇ ಅಲೆ ವ್ಯಾಪಕವಾಗಿ ಹರಿದಾಡುತ್ತಿರುವುದರಿಂದ ವ್ಯಾಕ್ಸಿನ್ ಹಾಕಿಸಿಕೊಳ್ಳಲು ಮುಂದಾಗಿದ್ದಾರೆ.
45ವರ್ಷದ ಮೇಲ್ಪಟ್ಟವರಿಗೂ ಏಪ್ರಿಲ್ ಒಂದರಿಂದ ಲಸಿಕೆ ಹಾಕಿಸಿಕೊಳ್ಳಲು ಕೇಂದ್ರ ಸರಕಾರ ಅನುಮತಿ ನೀಡಿದ್ದರಿಂದ, ದೇಶದ ವಿವಿದೆಡೆ ಲಸಿಕೆ ಅಭಾವ ಎದುರಾಗಿದೆ. ಆದರೆ, ಕೇಂದ್ರ ಸರಕಾರ ದೇಶದಲ್ಲಿ ಯಾವುದೇ ರೀತಿಯ ಅಭಾವ ಇಲ್ಲ ಎಂದು ಸ್ಪಷ್ಟ ಪಡಿಸಿದೆ.
ವಾಣಿಜ್ಯ ನಗರಿ ಮುಂಬೈನಲ್ಲಿ ಲಸಿಕೆ ಖಾಲಿಯಾಗಿದ್ದರಿಂದ 71 ಸೆಂಟರ್ ಗಳನ್ನು ಬಂದ್ ಮಾಡಲಾಗಿದೆ. ಲಸಿಕೆ ಹಂಚಿಕೆಯಲ್ಲೂ ಕೇಂದ್ರ ಸರಕಾರ ತಾರತಮ್ಯ ತೋರುತ್ತಿದೆ ಎಂದು ವಿರೋಧ ಪಕ್ಷಗಳು ದೂರಿವೆ. ಇದಕ್ಕೆ ಪ್ರತಿಯಾಗಿ, ಮುಂಬೈನಲ್ಲಿ ಲಕ್ಷಾಂತರ ಲಸಿಕೆಯನ್ನು ವೇಸ್ಟ್ ಮಾಡಲಾಗಿದೆ ಕೇಂದ್ರ ಸಚಿವ ಜಾವ್ಡೇಕರ್ ದೂರಿದ್ದಾರೆ.
ಈ ನಡುವೆ, ಲಸಿಕೆ ಅಭಾವ ದೇಶದಲ್ಲಿ ಎದುರಾಗಿದೆ ಎಂದು ಕಾಂಗ್ರೆಸ್ ಆರೋಪಿಸಿದೆ. ಇದಕ್ಕೆ ಕಾರಣ, ನರೇಂದ್ರ ಮೋದಿ ಸರಕಾರ ಪ್ರಚಾರದ ಬೆನ್ನ ಹಿಂದೆ ಬಿದ್ದಿರುವುದು ಎಂದು ಕೆಪಿಸಿಸಿ ಆರೋಪಿಸಿ, ಮೋದಿ ಸರಕಾರಕ್ಕೆ ಭಾರತೀಯರು ಮುಖ್ಯವಲ್ಲ ಎಂದಿದೆ.
ಕೇಂದ್ರ ಸರಕಾರ ತಾರತಮ್ಯ ಮಾಡುತ್ತಿದೆ ಎನ್ನುವ ಆರೋಪ
ದೇಶದ ವಿವಿದ ಕಡೆ ಲಸಿಕೆ ಅಭಾವ ಎದುರಾಗಿದೆ, ಕೇಂದ್ರ ಸರಕಾರ ತಾರತಮ್ಯ ಮಾಡುತ್ತಿದೆ ಎನ್ನುವ ಆರೋಪವು ವೇಗ ಪಡೆದುಕೊಂಡ ನಂತರ, ಕೇಂದ್ರ ಸರಕಾರ ಈ ಸಂಬಂಧ ಅಂಕಿಅಂಶ ಬಿಡುಗಡೆ ಮಾಡಿದೆ. ಅದರ ಪ್ರಕಾರ, ಇದುವರೆಗೆ 9.1 ಕೋಟಿ ಲಸಿಕೆಯನ್ನು ಭಾರತೀಯರು ಹಾಕಿಸಿಕೊಂಡಿದ್ದಾರೆ. ಮತ್ತು, 2.4 ಕೋಟಿ ಲಸಿಕೆ ಇನ್ನೂ ಸ್ಟಾಕ್ ನಲ್ಲಿದೆ.
|
ಭಾರತೀಯರನ್ನು ಮೋದಿ ಸರಕಾರ ಕಡೆಗಣಿಸಿತು ಎಂದು ಸುಳ್ಳು ಹೇಳಿತೇ ಕಾಂಗ್ರೆಸ್?
ಈ ನಡುವೆ ನಮಗೆ ಬೇಕಿದ್ದರೂ ವಿದೇಶಕ್ಕೆ ಲಸಿಕೆ ರಫ್ತು ಮಾಡಲಾಗಿದೆ ಎಂದು ಕೆಪಿಸಿಸಿ ಆರೋಪಿಸಿದೆ. ಈ ಬಗ್ಗೆ ಕಾಂಗ್ರೆಸ್ ಟ್ವೀಟ್ ಮಾಡಿದ್ದು ಹೀಗೆ, "ಈವರೆಗೆ ದೇಶದಲ್ಲಿ ನೀಡಿದ ವ್ಯಾಕ್ಸಿನ್ ಡೋಸ್‌ಗಳ ಸಂಖ್ಯೆ ಸುಮಾರು 9 ಕೋಟಿ, ಈವರೆಗೆ ವಿದೇಶಗಳಿಗೆ ರಫ್ತಾದ ಡೋಸ್‌ಗಳು ಸುಮಾರು 65 ಕೋಟಿ, @BJP4Karnataka ಹೇಳಿ, ದೇಶದ ನಾಗರಿಕರನ್ನು ಕಡೆಗಣಿಸಿದ್ದೇಕೆ?ನಿಮಗೆ ದೇಶ ಮೊದಲಲ್ಲ, ಪ್ರಚಾರ ಮೊದಲು ಅಲ್ಲವೇ?"ಎಂದು ಪ್ರಶ್ನಿಸಿದೆ.
ಭಾರತ ಇದುವರೆಗೆ ರಫ್ತು ಮಾಡಿದ ಲಸಿಕೆ 6.45 ಕೋಟಿ
ಜನವರಿ 25ನೇ ತಾರೀಕಿನಿಂದ ಏಪ್ರಿಲ್ ಆರರ ವರೆಗಿನ ಅಂಕಿ ಅಂಶದ ಪ್ರಕಾರ ಭಾರತ ಇದುವರೆಗೆ ರಫ್ತು ಮಾಡಿದ ಲಸಿಕೆ 6.45 ಕೋಟಿ. ಕಾಂಗ್ರೆಸ್ ಆಪಾದಿಸುತ್ತಿರುವಂತೆ 65 ಕೋಟಿ ಅಲ್ಲ. ಇದುವರೆಗೆ, ಭಾರತ ಲಸಿಕೆ ಅಭಿಯಾನದಲ್ಲಿ ಮಂಚೂಣಿಯಲ್ಲಿದ್ದು, ವಿಶ್ವಾದ್ಯಂತ ಇದು ಮೆಚ್ಚುಗೆಗೆ ಪಾತ್ರವಾಗಿದೆ. ವಿಶ್ವಸಂಸ್ಥೆ ಮತ್ತು ವಿಶ್ವ ಆರೋಗ್ಯ ಸಂಸ್ಥೆ (WHO) ಕೂಡಾ ಮೋದಿ ಸರಕಾರಕ್ಕೆ ಶಹಬ್ಬಾಸ್ ಗಿರಿಯನ್ನು ನೀಡಿತ್ತು.
1.5 ಕೋಟಿ ಲಸಿಕೆಯನ್ನು ಮೋದಿ ಸರಕಾರ ಉಚಿತವಾಗಿ ನೀಡಿದೆ
ಬಾಂಗ್ಲಾದೇಶಕ್ಕೆ ಮೊದಲು ಲಸಿಕೆಯನ್ನು ಮೋದಿ ಸರಕಾರ ಕಳುಹಿಸಿತ್ತು. ಇದಾದ ನಂತರ ನೇಪಾಳ, ಭೂತಾನ್, ಶ್ರೀಲಂಕಾ, ಬ್ರೆಜಿಲ್, ಗಲ್ಫ್ ರಾಷ್ಟ್ರಗಳು ಸೇರಿದಂತೆ ಇದುವರೆಗೆ 85 ರಾಷ್ಟ್ರಗಳಿಗೆ ಲಸಿಕೆ ರಫ್ತು ಮಾಡಲಾಗಿದೆ. ಇದರಲ್ಲಿ 1.5 ಕೋಟಿ ಲಸಿಕೆಯನ್ನು ಮೋದಿ ಸರಕಾರ ಉಚಿತವಾಗಿ ನೀಡಿದೆ.
