ಇಂದೋರ್ : ಸುಮಿತ್ರಾ ಮಹಾಜನ್ ಬದಲಿಗೆ ಲಾಲ್ವಾನಿಗೆ ಟಿಕೆಟ್
ನವದೆಹಲಿ, ಏಪ್ರಿಲ್ 22: ಲೋಕಸಭಾ ಚುನಾವಣೆಗಾಗಿ ಭಾರತೀಯ ಜನತಾ ಪಕ್ಷ ತನ್ನ ಅಭ್ಯರ್ಥಿಗಳ 23ನೇ ಪಟ್ಟಿಯನ್ನು ಭಾನುವಾರದಂದು ಪ್ರಕಟಿಸಿದೆ. ಹಿರಿಯ ಬಿಜೆಪಿ ನಾಯಕಿ, ಇಂದೋರ್ ಹಾಲಿ ಸಂಸದೆ, ಸ್ಪೀಕರ್ ಸುಮಿತ್ರಾ ಮಹಾಜನ್ ಅವರಿಗೆ ಟಿಕೆಟ್ ಸಿಕ್ಕಿಲ್ಲ
ಲೋಕಸಭಾ ಚುನಾವಣೆ 2019 : ವಿಶೇಷ ಪುಟ | ಗ್ಯಾಲರಿ
ಸ್ಪೀಕರ್ ಸುಮಿತ್ರಾ ಮಹಾಜನ್ ಅವರ ಬದಲಿಗೆ ಇಂದೋರ್ನಿಂದ ಈ ಬಾರಿ ಶಂಕರ್ಲಾಲ್ವಾನಿ ಅವರನ್ನು ಲೋಕಸಭಾ ಅಭ್ಯರ್ಥಿಯಾಗಿ ಬಿಜೆಪಿ ಘೋಷಿಸಿದೆ. ಲಾಲ್ವಾನಿ ಅವರ ಹೆಸರನ್ನು ಸುಮಿತ್ರಾ ಅವರೇ ಶಿಫಾರಸು ಮಾಡಿದ್ದರು ಎಂಬು ವಿಶೇಷ.
ಚುನಾವಣೆಗೆ ಸ್ಪರ್ಧೆ ಮಾಡುವುದಿಲ್ಲ : ಸುಮಿತ್ರಾ ಮಹಾಜನ್
1989ರಿಂದ ಇಂದೋರ್ ಕ್ಷೇತ್ರವನ್ನು ಪ್ರತಿನಿಧಿಸುತ್ತಾ ಬಂದಿದ್ದ , 8 ಬಾರಿ ಸಂಸದೆ ಸುಮಿತ್ರಾ ಅವರು ಇತ್ತೀಚೆಗೆ ಚುನಾವಣಾ ಕಣಕ್ಕಿಳಿಯುವುದಿಲ್ಲ ಎಂದು ಘೋಷಿಸಿದ್ದರು.
75 ವರ್ಷ ಮೇಲ್ಪಟ್ಟವರಿಗೆ ಅಧಿಕಾರ, ಚುನಾವಣೆ ಸ್ಪರ್ಧೆಗೆ ಬಿಜೆಪಿ ತಡೆ ನೀಡುವ ಕ್ರಮ ಮುಂದುವರೆದಿದೆ. ಸೂಪರ್ ಸೀನಿಯರ್ ಮುಖಂಡರ ಸ್ಪರ್ಧೆಗೆ ಯಾವುದೆ ನಿರ್ಬಂಧ ವಿಧಿಸಿಲ್ಲ ಎಂದು ಬಿಜೆಪಿ ಹೈಕಮಾಂಡ್ ಹೇಳಿದ್ದರೂ, ಈ ಅಘೋಷಿತ ನಿಯಮ ಮುಂದುವರೆದಿದ್ದು, ಎಲ್ ಕೆ ಅಡ್ವಾಣಿ, ಮುರಳಿ ಮನೋಹರ್ ಜೋಶಿ ಅವರ ಸಾಲಿಗೆ 76 ವರ್ಷ ವಯಸ್ಸಿನ ಸುಮಿತ್ರಾ ಮಹಾಜನ್ ಸೇರಿದ್ದಾರೆ.
Madhya Pradesh: BJP MP candidate from Indore, Shankar Lalwani meets sitting MP from Indore Sumitra Mahajan at her residence. pic.twitter.com/QydtXDBOJl
— ANI (@ANI) April 21, 2019
ಇಂದೋರ್ನ ಇನ್ನೊಂದು ಬಣ ಕೈಲಾಶ್ ವಿಜಯ್ವರ್ಗಿಯ ಮತ್ತು ಅವರ ಆಪ್ತ ಇಂದೋರ್ನ ಶಾಸಕ ರಮೇಶ್ ಮೆಂಡೋಲ ಅವರ ಹೆಸರು ಕೇಳಿ ಬಂದಿತ್ತು. ಕೊನೆಗೆ ಸಿಂಧಿ ಸಮುದಾಯದ ಲಾಲ್ವಾನಿ ಅವರಿಗೆ ಟಿಕೆಟ್ ಕೊಡಿಸುವಲ್ಲಿ ಸುಮಿತ್ರಾ ಅವರು ಯಶಸ್ವಿಯಾಗಿದ್ದಾರೆ.