ಭಾರತೀಯ ವಿಜ್ಞಾನಿಗಳಿಂದ ಆ್ಯಂಟಿ ವೈರಲ್ ಫೇಸ್‌ ಮಾಸ್ಕ್ ಸಂಶೋಧನೆ

| Updated: Saturday, February 5, 2022, 9:26 [IST]

ನವದೆಹಲಿ, ಫೆಬ್ರವರಿ 4: ಭಾರತೀಯ ವಿಜ್ಞಾನಿಗಳು ಆ್ಯಂಟಿ ವೈರಲ್ ಫೇಸ್‌ ಮಾಸ್ಕ್‌ ಅನ್ನು ಸಂಶೋಧಿಸಿದ್ದಾರೆ.

ಕೊರೊನಾ ಸೋಂಕಿನಿಂದಾಗಿ ಸಾರ್ವಜನಿಕ ಸ್ಥಳಗಳಲ್ಲಿ ಮಾಸ್ಕ್ ಕೋವಿಡ್ ರೋಗಕ್ಕೆ ಕಾರಣವಾಗುವ ಸಾರ್ಸ್ ಕೋವ್ 2 ವೈರಸ್ ಹರಡುವಿಕೆಯನ್ನು ಕಡಿಮೆ ಮಾಡಲು ಪರಿಣಾಮಕಾರಿಯಾದ ವಿಧಾನವಾಗಿದೆ. ಸಾರ್ಸ್ ಕೋವ್ 2 ವೈರಸ್‌ನ ಪ್ರಸರಣ ವಿಧಾನವು ಮುಖ್ಯವಾಗಿ ವಾಯುಗಾಮಿಯಾಗಿರುವ ಉಸಿರಾಟದ ಕಣಗಳ ಮೂಲಕ ಆಗುತ್ತದೆ. ಅದನ್ನು ತಡೆಗಟ್ಟುವಲ್ಲಿ ಈ ಮಾಸ್ಕ್ ಪರಿಣಾಮಕಾರಿಯಾಗಿದೆ.

ಉಸಿರಾಟಕ್ಕೆ ಅನುಕೂಲಕರ ಮತ್ತು ತೊಳೆಯಬಹುದಾದ ಮಾಸ್ಕ್ ಇದಾಗಿದ್ದು, ಕೊರೊನಾ ಸೋಂಕು ಮತ್ತು ಹಲವು ಇತರೆ ವೈರಲ್ ಮತ್ತು ಬ್ಯಾಕ್ಟೀರಿಯಾದ ಸೋಂಕುಗಳ ವಿರುದ್ಧ ಹೆಚ್ಚು ಪರಿಣಾಮಕಾರಿಯಾಗಿದೆ.

ಈ ಫೇಸ್ ಮಾಸ್ಕ್‌ ಅನ್ನು ಬಳಸಿಕೊಂಡು ಉತ್ತಮ ಕಾಟನ್ ಬಟ್ಟೆಯ ಮೇಲೆ ಈ ನ್ಯಾರೊ ಲೇಪಿತದ ಏಕರೂಪದ ಪದರವನ್ನು ರಚಿಸಲಾಗಿದೆ. ಈ ನ್ಯಾರೊ ಕೋಟಿಂಗ್ ಬಟ್ಟೆಯು ಬ್ಯಾಕ್ಟೀರಿಯಾದ ವಿರುದ್ಧ ಶೇ.99.9ರಷ್ಟು ಪರಿಣಾಮಕಾರಿಯಾಗಿದೆ.

ಈ ಪರಿಸ್ಥಿತಿಯಲ್ಲಿ ಕೊರೊನಾ ವೈರಸ್ ರೂಪಾಂತರಗಳ ವೇಗ ಹೆಚ್ಚಾಗುತ್ತಿದೆ, ಹಾಗಾಗಿ, ಕಡಿಮೆ ವೆಚ್ಚದ ಆ್ಯಂಟಿವೈರಲ್ ಮಾಸ್ಕ್ ಅನ್ನು ಅಭಿವೃದ್ಧಿಪಡಿಸುವುದು ಇಂದಿನ ತುರ್ತು ಅಗತ್ಯವಾಗಿದೆ.

ಈ ನಿಟ್ಟಿನಲ್ಲಿ, ವಿಜ್ಞಾನಿಗಳು ಸ್ವಯಂ ಸೋಂಕು ನಿವಾರಕ ತಾಮ್ರ ಆಧಾರಿತ ನ್ಯಾನೊಪಾರ್ಟಿಕಲ್ ಲೇಪಿತ ಮಾಸ್ಕ್ ಅನ್ನು ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆ ಪ್ರಾಯೋಜಿತ ನ್ಯಾನ ಮಿಷನ್ ಯೋಜನೆಯಲ್ಲಿ ಅಭಿವೃದ್ಧಿಪಡಿಸಲಾಗಿದೆ.

ಈ ಫೇಸ್‌ ಮಾಸ್ಕ್ ಅನ್ನು ಪೌಡರ್ ಮೆಟಲರ್ಜಿ ಮತ್ತು ಮ್ಯೂ ಮೆಟೀರಿಯಲ್ಸ್ ಅಂತಾರಾಷ್ಟ್ರೀಯ ಸಂಶೋಧನಾ ಸಂಸ್ಥೆಯ ವಿಜ್ಞಾನಿಗಳು, ಭಾರತ ಸರ್ಕಾರದ ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆ ಮತ್ತು ಬೆಂಗಳೂರು ಮೂಲದ ಸೆಂಟರ್ ಫಾರ್ ಸೆಲ್ಯುಲರ್ ಮಾಲಿಕ್ಯುಲರ್ ಬಯಾಲಜಿ ಸಹಯೋಗದೊಂದಿಗೆ ಅಭಿವೃದ್ಧಿಪಡಿಸಲಾಗಿದೆ.