ಡಾಲರ್ ಎದುರು ಕುಸಿತ ಕಂಡ ರೂಪಾಯಿ, ಇಂಧನ ಬೆಲೆ ಹೆಚ್ಚಳ ಸಾಧ್ಯತೆ
ನವ ದೆಹಲಿ, ಜೂನ್ 27: ಡಾಲರ್ ಎದುರು ರೂಪಾಯಿ ಮೌಲ್ಯ ಕುಸಿತ ಕಂಡಿದ್ದು, ಬುಧವಾರ ಬೆಳಿಗ್ಗೆ ಮಾರುಕಟ್ಟೆ ಪ್ರಾರಂಭವಾದಾಗ 19 ಪೈಸೆ ಕುಸಿದಿದೆ. 19 ತಿಂಗಳಿನಲ್ಲಿಯೇ ಕಂಡ ಅತಿ ದೊಡ್ಡ ಕುಸಿತ ಇದಾಗಿದೆ.
ನಿನ್ನೆ ಸಂಜೆ ಮಾರುಕಟ್ಟೆ ಮುಕ್ತಾಯವಾದಾಗ ಡಾಲರ್ ಎದುರು ರೂಪಾಯಿ ಬೆಲೆಯು 68.24 ರೂಪಾಯಿ ಇತ್ತು. ಬುದವಾರ ಬೆಳಿಗ್ಗೆ ಮಾರುಕಟ್ಟೆ ಪ್ರಾರಂಭವಾದಾಗ 68.43 ಇದೆ. ಆ ಮೂಲಕ 19 ತಿಂಗಳಿನಲ್ಲೇ ಅತಿ ದೊಡ್ಡ ಮೌಲ್ಯ ಕುಸಿತ ಉಂಟಾಯಿತು. ಡಿಸೆಂಬರ್ 2016ರಲ್ಲಿ ರೂಪಾಯಿ ಮೌಲ್ಯವು ಡಾಲರ್ ಎದುರು ಇಷ್ಟೇ ಪ್ರಮಾಣದಲ್ಲಿ ಕುಸಿದಿತ್ತು.
ರಾಜ್ಯ ಚುನಾವಣೆ ಫಲಿತಾಂಶ: ರೂಪಾಯಿ ಮೌಲ್ಯ ಕುಸಿತ
ಇರಾನ್ ಜೊತೆಗೆ ಯಾವುದೇ ತೈಲ ವ್ಯವಹಾರಿಕ ಸಂಬಂಧವನ್ನು ಮುಂದುವರೆಸುವುದಿಲ್ಲವೆಂದು ಅಮೆರಿಕ ಮತ್ತು ಮಿತ್ರ ರಾಷ್ಟ್ರಗಳು ಘೋಷಿಸಿರುವ ಕಾರಣ ಈ ಏರುಪೇರು ಕಂಡು ಬಂದಿದೆ ಎನ್ನಲಾಗಿದೆ.
ಡಾಲರ್ ಎದುರು ರೂಪಾಯಿಯು ಇನ್ನು 35 ಪೈಸೆ ಕುಸಿದಲ್ಲಿ ಅಂದರೆ ಡಾಲರ್ ಒಂದಕ್ಕೆ 68.85 ರೂಪಾಯಿ ಆದಲ್ಲಿ ಅದು ಸಾರ್ವಕಾಲಿಕ ಮೌಲ್ಯ ಕುಸಿತ ಎನಿಸಿಕೊಳ್ಳಲಿದೆ. ಡಾಲರ್ ಎದುರು ರೂಪಾಯಿ ಮೌಲ್ಯ ಕುಸಿದಿರುವ ಪರಿಣಾಮ ಈಗಲೇ ಹೆಚ್ಚಿರುವ ಇಂಧನ ಬೆಲೆ ಇನ್ನಷ್ಟು ಹೆಚ್ಚು ಭೀತಿ ಇದೆ.