ವಿಡಿಯೋ: ಹಡಗಿನಲ್ಲಿ ಬೆಂಕಿ, 22 ಮಂದಿ ರಕ್ಷಣೆ
ಬೆಂಗಳೂರು, ಜೂನ್ 14: ಎಂವಿ ಎಸ್ಎಸ್ಎಲ್ ಕೋಲ್ಕತ್ತಾ, ದೇಶಿ ಮರ್ಚೆಂಟ್ ಕಂಟೈನರ್ ಹಡಗಿನಲ್ಲಿ ಬೆಂಕಿ ಕಾಣಿಸಿಕೊಂಡಿದೆ. ತ್ವರಿತ ಕಾರ್ಯಾಚಾರಣೆ ನಡೆಸಿದ ಕೋಸ್ಟ್ ಗಾರ್ಡ್ ಪಡೆ, ಹಡಗಿನಲ್ಲಿ ಸಿಲುಕಿದ್ದ 22ಕ್ಕೂ ಅಧಿಕ ಮಂದಿಯನ್ನು ರಕ್ಷಿಸಿದ್ದಾರೆ.
ಭಾರತೀಯ ಕೋಸ್ಟ್ ಗಾರ್ಡ್ (ICG) ರಕ್ಷಣಾ ಕಾರ್ಯ ಮುಂದುವರೆದಿದೆ. ಈ ಪಶ್ಚಿಮ ಬಂಗಾಳದ ಹಲ್ದಿಯಾದಿಂದ ಹೊರಟ್ಟಿದ್ದ ಹಡಗಿನಲ್ಲಿ ಮೊದಲಿಗೆ 11 ಜನ ಸಿಲುಕಿರುವ ಮಾಹಿತಿ ಸಿಕ್ಕಿತು. ನಂತರ ಹೆಚ್ಚಿನ ಮಂದಿ ಸಿಲುಕಿರುವ ಬಗ್ಗೆ ತಿಳಿಯಿತು. ರಕ್ಷಣಾ ಕಾರ್ಯಕ್ಕೆ ಹಡಗುಗಳನ್ನು ಹಲ್ದಿಯಾ, ಪರಡಿಪ್ ಮತ್ತು ವಿಶಾಖಪಟ್ಟಣಂಗೆ ಕಳುಹಿಸಲಾಯಿತು.
#Fire onboard #MVSSLKolkata; 11 crew members rescued as of 1248hrs pic.twitter.com/nuGh7VAbTl
— Manu Kaushik (@ManuKaushik01) June 14, 2018
ಮರ್ಚಂಟ್ ಹಡಗು ನಳಿನಿ ಯಲ್ಲಿ ಬುಧವಾರದಂದು ಬೆಂಕಿ ಅನಾಹುತ ಸಂಭವಿಸಿದ ಬೆನ್ನಲ್ಲೇ ಈ ದುರ್ಘಟನೆ ನಡೆದಿದೆ. ನಳಿನಿ ಹೆಸರಿನ ಹಡಗಿನಲ್ಲಿ ಸಿಬ್ಬಂದಿಗಳಿಗೆ ತೀವ್ರಗಾಯಗಳಾಗಿತ್ತು. ಈಗ ಶ್ರೇಯಸ್ ಹೆಸರಿನ ಈ ಹಡಗಿನಲ್ಲಿದ್ದ 22 ಮಂದಿಯನ್ನು ರಕ್ಷಿಸಲಾಗಿದ್ದು, ಒಬ್ಬರು ಶೇ80ರಷ್ಟು ಸುಟ್ಟಗಾಯಗಳಿಂದ ನರಳುತ್ತಿದ್ದು, ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗಿದೆ.