ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಕೊರೊನಾ: ಚೀನಾಗೆ ಹೊರಟ ಭಾರತೀಯ ವಾಯುಪಡೆಯ ವಿಮಾನ

|
Google Oneindia Kannada News

ನವದೆಹಲಿ, ಫೆ 26: ದಿನದಿಂದ ದಿನಕ್ಕೆ ಕೊರೊನಾ ವೈರಸ್ ಸೋಂಕಿತರ ಪಟ್ಟಿ ಏರುತ್ತಲೇ ಇದ್ದು, ಚೀನಾ ಹೊರತಾಗಿ ದಕ್ಷಿಣ ಕೊರಿಯಾದಲ್ಲೂ ಇದುವರೆಗೆ 893 ಪ್ರಕರಣಗಳು ದಾಖಲಾಗಿವೆ.

ಈ ನಡುವೆ, ಭಾರತೀಯ ವಾಯುಪಡೆಯ ವಿಮಾನ, ಚೀನಾದ ವುಹಾನ್ ನಗರಕ್ಕೆ, ಹದಿನೈದು ಟನ್ ಮೆಡಿಸಿನ್ ಹೊತ್ತು ಹೊರಟಿದೆ. ಇದರ ಜೊತೆಗೆ C-17 ಮಿಲಿಟರಿ ಯುದ್ದ ವಿಮಾನ, ಅಲ್ಲಿ ಸಿಲುಕಿಕೊಂಡಿರುವರನ್ನು ಸ್ವದೇಶಕ್ಕೆ ವಾಪಸ್ ಕರೆತರಲಿದೆ.

ಆರೋಗ್ಯ ಸಚಿವರಿಗೇ ಕೊರೊನಾ ವೈರಸ್ ಸೋಂಕುಆರೋಗ್ಯ ಸಚಿವರಿಗೇ ಕೊರೊನಾ ವೈರಸ್ ಸೋಂಕು

ಸರಕಾರದ ಮೂಲಗಳ ಪ್ರಕಾರ, ಎಂಬತ್ತು ಭಾರತೀಯರು ಮತ್ತು ಪಕ್ಕದ ದೇಶದ ನಲವತ್ತು ನಾಗರೀಕರನ್ನು,ಈ ವಿಮಾನ ವಾಪಸ್ ಕರೆದುಕೊಂಡು ಬರಲಿದೆ.

Indian Airforce Flights Leaves To China With 15 Tonnes Of Medical Supplies

ಕಳೆದ ವಾರ, ಕೊರೊನಾ ಪೀಡಿತ ವುಹಾನ್ ನಗರಕ್ಕೆ ಪ್ರವೇಶಿಸಲು ನಮ್ಮ ವಿಮಾನಗಳಿಗೆ ಅನುಮತಿ ನೀಡಲು ಚೀನಾ ವಿಳಂಬ ಮಾಡುತ್ತಿದೆ ಎಂದು ಕೇಂದ್ರ ಸರಕಾರ ದೂರಿತ್ತು. ಇದು ಸುಳ್ಳು ಆಪಾದನೆ ಎಂದು ಚೀನಾ ಪ್ರತಿಕ್ರಿಯೆ ನೀಡಿತ್ತು.

"ವಿಶ್ವ ಆರೋಗ್ಯ ಸಂಘಟನೆ, ಕೊರೊನಾ ವೈರಸ್ ಸೋಂಕಿತರನ್ನು, ಸಾರ್ವಜನಿಕ ಆರೋಗ್ಯ ಎಮರ್ಜೆನ್ಸಿ ಎಂದು ಘೋಷಿಸಿರುವುದರಿಂದ, ಹದಿನೈದು ಟನ್ ಲಸಿಕೆ ಮತ್ತು ವೈದ್ಯಕೀಯ ಉಪಕರಣಗಳನ್ನು ಚೀನಾಗೆ ಕಳುಹಿಸಲು ನಿರ್ಧರಿಸಲಾಗಿದೆ" ಎಂದು ಕೇಂದ್ರ ವಿದೇಶಾಂಗ ಇಲಾಖೆಯ ಅಧಿಕಾರಿಗಳು ಹೇಳಿದ್ದಾರೆ.

"ಗ್ಲೌವ್ಸ್, ಮಾಸ್ಕ್, ಮೆಡಿಸಿನ್ ಮುಂತಾದವುಗಳನ್ನು ಹೊತ್ತ ವಿಮಾನ ಚೀನಾಗೆ ಈಗಾಗಲೇ ಹೊರಟಿದೆ" ಎಂದು ವಿದೇಶಾಂಗ ಸಚಿವಾಲಯ ಹೇಳಿದೆ.

ಈ ಭಯಾನಕ ಸೋಂಕಿನಿಂದ ಇದುವರೆಗೆ ಚೀನಾದಲ್ಲಿ 2,715 ಜನ ಮೃತ ಪಟ್ಟಿದ್ದರೆ, ಸುಮಾರು, 78 ಸಾವಿರ ಜನರಿಗೆ ಕೊರೊನಾ ಸೋಂಕು ಹರಡಿರುವುದು ಧೃಡಪಟ್ಟಿದೆ.

English summary
Indian Airforce Flights Leaves To China With 15 Tonnes Of Medical Supplies.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X