ರಫೆಲ್ ಒಪ್ಪಂದ ವಿಳಂಬಕ್ಕೆ ಮೋದಿಯೇ ಕಾರಣ: ರಾಹುಲ್ ಗಾಂಧಿ

ನವದೆಹಲಿ, ಮಾರ್ಚ್ 03: ಪುಲ್ವಾಮಾದಲ್ಲಿ ಉಗ್ರರ ದಾಳಿಗೆ ಪ್ರತೀಕಾರವಾಗಿ ವೈಮಾನಿಕ ದಾಳಿ ನಡೆಸಿದ ಭಾರತೀಯ ವಾಯುಸೇನೆ ಬಳಿ ರಫೆಲ್ ಯುದ್ಧ ವಿಮಾನ ಇದ್ದಿದ್ದರೆ ಇನ್ನಷ್ಟು ಹೆಚ್ಚಿನ ಬಲ ಸಿಗುತ್ತಿತ್ತು ಎಂದು ಪ್ರಧಾನಿ ಮೋದಿ ಅವರು ಹೇಳಿದ್ದಾರೆ.

ಮೋದಿ ಹೇಳಿಕೆಯನ್ನು ಖಂಡಿಸಿರುವ ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಅವರು, ರಫೆಲ್ ಒಪ್ಪಂದ ವಿಳಂಬವಾಗಲು ನೀವೇ ಮುಖ್ಯ ಕಾರಣ. ನಮ್ಮ ದೇಶದಲ್ಲಿ ರಫೇಲ್​ ಇಲ್ಲದಿರುವುದರ ಪರಿಣಾಮ ಈಗ ಅರಿವಾಗಿದೆ. ರಫೇಲ್ ಇದ್ದಿದ್ದರೆ ಏನೆಲ್ಲಾ ಸಾಧ್ಯವಾಗುತ್ತಿತ್ತು ಎಂದು ಇಡೀ ದೇಶ ಒಕ್ಕೋರಲಿನಿಂದ ಮಾತನಾಡಿಕೊಳ್ಳುತ್ತಿದೆ. ಸ್ವಾರ್ಥಪರ ಹಿತಾಸಕ್ತಿ, ರಾಜಕಾರಣದಿಂದಾಗಿ ರಫೇಲ್​ ಇಲ್ಲದಿರುವ ಪರಿಣಾಮವನ್ನು ದೇಶ ಎದುರಿಸುತ್ತಿದೆ ಎಂದು ಮೋದಿ ಹೇಳಿದ್ದರು.

ಪ್ರತಿಪಕ್ಷಗಳಿಗೆ ಟಾಂಗ್​ ನೀಡಿದ್ದ ಪ್ರಧಾನಿ ಮೋದಿ, ನೀವು ಮೋದಿಯನ್ನು ಬೇಕಾದರೆ ಟೀಕಿಸಿ. ಸರ್ಕಾರದ ಯೋಜನೆಗಳಲ್ಲಿ ಹುಳುಕು ಹುಡುಕಿ. ಇದನ್ನು ನಾವು ಸ್ವಾಗತಿಸುತ್ತೇವೆ. ಆದರೆ ದೇಶದ ಹಿತಾಸಕ್ತಿಯನ್ನು ಟೀಕಿಸಿಬೇಡಿ. ಇದರಿಂದ ಮಸೂದ್​ ಅಜರ್​ ಹಾಗೂ ಹಫೀಜ್​ ಸೈಯದ್​ನಂತಹ ಉಗ್ರರಿಗೆ ಬೆಂಬಲ ನೀಡಿದಂತಾಗುತ್ತದೆ ಎಂದು ಅಣಕಿಸಿದ್ದರು.

ಡಿಯರ್ ಪಿಎಂ, ನಿಮಗೆ ನಾಚಿಕೆಯಾಗುವುದಿಲ್ಲವೇ?

ಪ್ರಧಾನಿ ಮೋದಿ ಅವರ ಸಚಿವಾಲಯದ ಅಧಿಕೃತ ಟ್ವಿಟ್ಟರ್ ಖಾತೆಯಿಂದ ಈ ಬಗ್ಗೆ ಬಂದ ಹಿಂದಿ ಭಾಷೆಯಲ್ಲಿರುವ ಎರಡು ಟ್ವೀಟ್ ಗಳಿಗೆ ಪ್ರತಿಯಾಗಿ ರಾಹುಲ್​ ಗಾಂಧಿ ಅವರು ಇಂಗ್ಲೀಷ್ ನಲ್ಲಿ ಟ್ವೀಟ್ ಮಾಡಿ, ಡಿಯರ್ ಪಿಎಂ, ನಿಮಗೆ ನಾಚಿಕೆಯಾಗುವುದಿಲ್ಲವೇ? ಈಗಾಗಲೇ 30 ಸಾವಿರ ಕೋಟಿ ಹಣವನ್ನು ಕದ್ದು, ನಿಮ್ಮ ಗೆಳೆಯ ಅನಿಲ್ ಅಂಬಾನಿಗೆ ನೀಡಿದ್ದೀರಿ ಎಂದು ರಾಹುಲ್ ಗಾಂಧಿ ಟೀಕಿಸಿದ್ದಾರೆ.

Dear PM,

Have you no shame at all?

YOU stole 30,000 Cr and gave it to your friend Anil.

YOU are solely responsible for the delay in the arrival of the RAFALE jets.

YOU are WHY brave IAF pilots like Wing Cdr. Abhinandan, are risking their lives flying outdated jets. https://t.co/BrzAuFTlFu

— Rahul Gandhi (@RahulGandhi) March 2, 2019

ಯೋಧರ ಜೀವದ ಜತೆ ಆಟವಾಡುತ್ತಿದ್ದೀರಾ

ರಫೇಲ್​ವಿಮಾನ ಪೂರೈಕೆ ತಡವಾಗಲು ನೀವೇ ಕಾರಣ. ವಿಂಗ್​ ಕಮ್ಯಾಂಡರ್ ಅಭಿನಂದನ್​ರಂಥ ಅಧಿಕಾರಿಗಳಿಗೆ ಹಳೆಯ ಔಟ್ ಡೇಟೆಡ್ ಜೆಟ್​ಗಳನ್ನು ನೀಡಿ, ಅವರ ಜೀವದ ಜೊತೆ ಆಟವಾಡ್ತಿದ್ದೀರಾ ಎಂದು ಕುಟುಕಿದ್ದಾರೆ.

मोदी विरोध करना हो तो जरूर करिए, हमारी योजनाओं में कमियां निकालिए, आपका हमेशा स्वागत है, लेकिन देश के सुरक्षा हितों का, देश के हित का विरोध मत करिए।

आप ये ध्यान रखिए कि मोदी विरोध की इसी जिद में मसूद अजहर और हाफिज सईद जैसे आतंकियों को, आतंक के सरपरस्तों को सहारा न मिल जाए: PM

— PMO India (@PMOIndia) March 2, 2019

ದೇಶದ ಹಿತಾಸಕ್ತಿಯನ್ನು ಟೀಕಿಸಿಬೇಡಿ-ಮೋದಿ

ದೇಶದ ಹಿತಾಸಕ್ತಿಯನ್ನು ಟೀಕಿಸಿಬೇಡಿ. ಇದರಿಂದ ಮಸೂದ್​ ಅಜರ್​ ಹಾಗೂ ಹಫೀಜ್​ ಸೈಯದ್​ನಂತಹ ಉಗ್ರರಿಗೆ ಬೆಂಬಲ ನೀಡಿದಂತಾಗುತ್ತದೆ ಎಂದು ಛೇಡಿಸಿದ್ದ ಪ್ರಧಾನಿ ಮೋದಿ.

राफेल की कमी आज देश ने महसूस की है। आज हिंदुस्तान एक स्वर में कह रहा है कि अगर हमारे पास राफेल होता, तो क्या होता?

राफेल पर पहले स्वार्थनीति के कारण और अब राजनीति के कारण देश का बहुत नुकसान हुआ है: PM

— PMO India (@PMOIndia) March 2, 2019

ರಫೆಲ್ ಬಗ್ಗೆ ಒಕ್ಕೊರಲಿನಿಂದ ಬೇಡಿಕೆ

ನಮ್ಮ ದೇಶದಲ್ಲಿ ರಫೇಲ್​ ಇಲ್ಲದಿರುವುದರ ಪರಿಣಾಮ ಈಗ ಅರಿವಾಗಿದೆ. ರಫೇಲ್ ಇದ್ದಿದ್ದರೆ ಏನೆಲ್ಲಾ ಸಾಧ್ಯವಾಗುತ್ತಿತ್ತು ಎಂದು ಇಡೀ ದೇಶ ಒಕ್ಕೊರಲಿನಿಂದ ಮಾತನಾಡಿಕೊಳ್ಳುತ್ತಿದೆ ಎಂದ ಮೋದಿ

English summary

The country felt the absence of Rafale jets, Prime Minister Narendra Modi on Saturday said, adding that the nation suffered "a big loss" due to the swaarthneeti (policy of self-interest) and the politics surrounding the deal with France. Rahul Gandhi, who said PM Modi was responsible for the delay in the arrival of Rafale jets.