ರೈಲ್ವೆ ರಿಸರ್ವೇಷನ್ ಚಾರ್ಟ್ ಆನ್ ಲೈನ್ ನಲ್ಲೇ ನೋಡಿ

ನವದೆಹಲಿ, ಜನವರಿ 12: ಅನ್​ಲೈನ್ ಮೂಲಕ ರೈಲ್ವೆ ಟಿಕೆಟ್​ ಕಾಯ್ದಿರಿಸುವ ಸೌಲಭ್ಯಕ್ಕೆ ಇನ್ನಷ್ಟು ಮಾಹಿತಿಯನ್ನು ಸೇರಿಸಲಾಗಿದೆ. ಈಗ ಭಾರತೀಯ ರೈಲ್ವೇಯು ಹೊಸ ಅನುಕೂಲತೆಯನ್ನು ಪ್ರಯಾಣಿಕರು ಬಳಸಿಕೊಳ್ಳುವಂತೆ ರೈಲ್ವೆ ಸಚಿವ ಪಿಯೂಷ್ ಗೊಯೆಲ್ ಟ್ವೀಟ್ ಮಾಡಿದ್ದಾರೆ.

ಐಆರ್​ಸಿಟಿಸಿ ಮೂಲಕ ಟಿಕೆಟ್ ಬುಕ್ ಮಾಡಿಸುವ ಪ್ರಯಾಣಿಕರು ಇನ್ಮುಂದೆ ವೆಬ್​ ಮತ್ತು ಮೊಬೈಲ್​ಗಳಲ್ಲಿ ರಿಸರ್ವೇಷನ್ ಚಾರ್ಟ್ ಗಳನ್ನು ಸುಲಭವಾಗಿ ಪಡೆದುಕೊಳ್ಳಬಹುದು. ಇದರಿಂದ ಟಿಕೆಟ್​ ಬುಕ್​ ಮಾಡಿದ ಪ್ರಯಾಣಿಕರಿಗೆ ಖಾಲಿ ಇರುವ ಬರ್ತ್​ಗಳ ಮಾಹಿತಿ ದೊರೆಯಲಿದೆ.

ರೈಲ್ವೆ ಸಚಿವ ಪಿಯೂಷ್​ ಗೋಯಲ್​ ಟ್ವೀಟ್: ಇನ್ನು ಕಿರಿಕಿರಿ ರಹಿತ ಪ್ರಯಾಣ. ಪ್ರಯಾಣಿಕರು ಖಾಲಿ ಇರುವ, ಬುಕ್​ ಆಗಿರುವ ಸೀಟುಗಳ ಮಾಹಿತಿ ಇರುವ ಚಾರ್ಟ್​ನ್ನು ನೋಡಬಹುದು ಎಂದು ಟ್ವೀಟಿಸಿದ್ದಾರೆ.

ರೈಲು ಹೊರಡುವ ನಾಲ್ಕು ತಾಸುಗಳ ಮೊದಲು ಚಾರ್ಟ್​ ಸಿದ್ಧವಾಗಲಿದೆ. ಕೊನೆಯ ಚಾರ್ಟ್​ನ್ನು ರೈಲು ಹೊರಡುವ ಮೂವತ್ತು ನಿಮಿಷಗಳ ಮೊದಲು ಅಂತಿಮಗೊಳಿಸಲಾಗುತ್ತದೆ. ಹೀಗಾಗಿ, ಎರಡು ಪಟ್ಟಿಯನ್ನು ವೀಕ್ಷಿಸಬಹುದು.

Hassle-Free Train Travel: Passengers can now access information on vacant, booked and partially booked train berths after preparation of the reservation chart, at the click of a button.

To check, visit: https://t.co/LpRtTDSHnt pic.twitter.com/W7KScvuzAz

— Piyush Goyal (@PiyushGoyal) January 6, 2020

ಆನ್ ಲೈನ್ ನಲ್ಲಿ ರಿಸರ್ವೇಷನ್ ಚಾರ್ಟ್ ಪರಿಶೀಲಿಸುವುದು ಹೇಗೆ?

* ಐಆರ್​ಸಿಟಿಸಿ ಅಧಿಕೃತ ವೆಬ್ ಸೈಟಿಗೆ ಭೇಟಿ ನೀಡಿ ಲಾಗಿನ್​ ಆಗಿ. ಚಾರ್ಟ್​/ವೆಕೆನ್ಸಿ ಆಯ್ಕೆ ಮಾಡಿಕೊಂಡರೆ ಇನ್ನೊಂದು ​ಪುಟ ತೆರೆಯುತ್ತದೆ.
* ನಿಮ್ಮ ಪ್ರಯಾಣದ ವಿವರ ಅಂದರೆ, ಟ್ರೈನ್ ಸಂಖ್ಯೆ, ಪ್ರಯಾಣದ ದಿನಾಂಕ, ಇಳಿಯುವ ಸ್ಥಳಗಳನ್ನು ನೀಡಿದರೆ ನಿಮಗೆ Get Train Chart ವಿವರ ದೊರೆಯುತ್ತದೆ.
*ನಿಮ್ಮ ಪ್ರಯಾಣದ ಪಟ್ಟಿ ಕಂಡ ತಕ್ಷಣ, ಅದರಲ್ಲಿ ಯಾವ ಕ್ಲಾಸ್​, ಕೋಚ್​ ನಂಬರ್​ಗಳ ವಿವರಗಳನ್ನು ಪಡೆದುಕೊಳ್ಳಬಹುದು, ಇದರಲ್ಲಿ ಖಾಲಿ ಇರುವ ಬರ್ತ್ ಕೂಡಾ ಸಿಗಲಿದೆ.
* ನಿಮಗೆ ನಿಗದಿಗೊಳಿಸಿದ ಕೋಚ್​ ನಂಬರ್​ ಮೇಲೆ ಕ್ಲಿಕ್​ ಮಾಡಿದರೆ ಅಲ್ಲಿನ ಎಲ್ಲ ವಿವರಗಳು ಸಿಗಲಿದೆ.

English summary

How to check your train reservation chart online. This will help passengers get information about any vacant berths that are available on the train after the chart is prepared