ವಿಶ್ವದ 12 ಮಹಿಳಾ ರಕ್ಷಣಾ ಸಚಿವರು ಇವರು

| Updated: Monday, September 4, 2017, 16:46 [IST]

ನವದೆಹಲಿ, ಸೆಪ್ಟೆಂಬರ್ 4: ನಿರ್ಮಲಾ ಸೀತಾರಾಮನ್ ಅವರನ್ನು ಭಾರತದ ರಕ್ಷಣಾ ಸಚಿವರನ್ನಾಗಿ ಆರಿಸುತ್ತಿದ್ದಂತೆಯೇ ಇಂದಿರಾ ಗಾಂಧಿಯವರ ನಂತರ ಈ ಹೆಗ್ಗಳಿಕೆಗೆ ಪಾತ್ರರಾದ ಮೊದಲ ಮಹಿಳೆ ಎಂಬ ಕೀರ್ತಿಗೆ ಅವರು ಪಾತ್ರರಾಗಿದ್ದಾರೆ.

ಸೆಪ್ಟೆಂಬರ್ 3 ರಂದು ನಡೆದ ಸಚಿವ ಸಂಪುಟ ವಿಸ್ತರಣೆಯಲ್ಲಿ ನಿರ್ಮಲಾ ಸೀತಾರಾಮನ್ ಅವರಿಗೆ ರಕ್ಷಣಾ ಇಲಾಖೆಯ ಹೊಣೆ ವಹಿಸಲಾಯಿತು.

ದೇಶದ ಪ್ರಪ್ರಥಮ ಮಹಿಳಾ ರಕ್ಷಣಾ ಸಚಿವರಾಗಿ ನಿರ್ಮಲಾ ಸೀತಾರಾಮನ್ ದೇಶದ ಪ್ರಪ್ರಥಮ ಮಹಿಳಾ ರಕ್ಷಣಾ ಸಚಿವರಾಗಿ ನಿರ್ಮಲಾ ಸೀತಾರಾಮನ್

ವಿಶ್ವದ ಹಲವು ರಾಷ್ಟ್ರಗಳು ಮಹಿಳೆಯರಿಗೆ ರಕ್ಷಣಾ ಕ್ಷೇತ್ರದ ಜವಾಬ್ದಾರಿಯನ್ನು ನೀಡಿದ್ದವು. ಆ ಜವಾಬ್ದಾರಿಯನ್ನು ಮಹಿಳೆಯರು ಸಮರ್ಥವಾಗಿಯೇ ನಿಭಾಯಿಸಿದ್ದಾರೆ ಕೂಡ. 1960 ರಲ್ಲಿ ಶ್ರೀಲಂಕಾದ ಸಿರಿಮಾವೋ ಭಂಡಾರನಾಯಿಕೆ ಈ ಹುದ್ದೆಯನ್ನು ಪಡೆದ ಮೊದಲ ಮಹಿಳೆ ಅನ್ನಿಸಿದರು. ಇದೀಗ ಭಾರತ ನಿರ್ಮಲಾ ಸೀತಾರಾಮನ್ ಸಹ ಅದೇ ಹುದ್ದೆಗೆ ಆಯ್ಕೆಯಾಗಿದ್ದಾರೆ. ಈ ಸಂದರ್ಭದಲ್ಲಿ ರಕ್ಷಣಾ ಕ್ಷೇತ್ರದ ಹೊಣೆಹೊತ್ತ ಪ್ರಮುಖ ಮಹಿಳೆಯರ ಹೆಸರು ಇಲ್ಲಿದೆ.

ಸಿರಿಮಾವೋ ಬಂಡಾರನಾಯಿಕೆ

ಶ್ರೀಲಂಕದ ಸಿರಿಮಾವೋ ರಾಟ್ವಟ್ಟೆ ಬಂಡಾರನಾಯಿಕೆ 1960-65 ಮತ್ತು 1970-77 ರಲ್ಲಿ ಈ ಹುದ್ದೆ ಅಲಂಕರಿಸಿದ್ದರು. ಆಸ್ಟ್ರೇಲಿಯಾದ ರಾಸ್ ಕೆಲ್ಲಿ 1987 -88ರವರೆಗೆ ರಕ್ಷಣಾ ಖಾತೆಯ ಜವಾಬ್ದಾರಿ ಹೊತ್ತಿದ್ದರು.

ಬೆನಿಜಿರ್ ಬುಟ್ಟೊ

ಪಾಕಿಸ್ತಾನದ ಬೆನೆಜಿರ್ ಬುಟ್ಟೋ 1988-90ರವರೆಗೆ ರಕ್ಷಣಾ ಸಚಿವೆಯಾಗಿದ್ದರು. ಕೆನಡಾದ ಮೇರಿ ಕಾಲಿನ್ಸ್ 1989-93ರವರೆಗೆ ಈ ಉನ್ನತ ಗೌರವ ಪಡೆದಿದ್ದರು.

ಎಲಿಸಬೆತ್ ರೆಹ್ನ್

ಫಿನ್ಲೆಂಡ್ ನ ಎಲಿಸಬೆತ್ ರೆಹ್ನ್ 1990-95ರವರೆಗೆ ರಕ್ಷಣಾ ಸಚಿವರಾಗಿದ್ದರು.

ಖಾಲಿದಾ ಜಿಯಾ

ಬಾಂಗ್ಲಾದೇಶದ ಬೇಗಂ ಖಾಲಿದಾ ಜಿಯಾ 1991-96 ಮತ್ತು 2001-06ರವರೆಗೆ ಈ ಆಯಕಟ್ಟಿನ ಹುದ್ದೆ ಹೊಂದಿದ್ದರು.

ಕ್ರಿಸ್ಟಿನ್ ಕ್ರೋಹ್ನ್

ನಾರ್ವೇಯ ಕ್ರಿಸ್ಟಿನ್ ಕ್ರೋಹ್ನ್ 2001-05ರಿಂದ ಈ ಹುದ್ದೆ ಪಡೆದಿದ್ದರೆ. ಫ್ರಾನ್ಸ್ನ ಮೈಕೆಲ್ ಎಲಿಯಟ್ ಮೆರಿ 2002-07ರವರೆಗೆ, ಕೊಲಂಬಿಯಾದ ಮಾರ್ತಾ ಲುಸಿಯಾ ರಾಮಿರೆಜ್ ದಿ ರಿಂಕಾನ್ 2002-03 ವರೆಗೆ, ಸ್ವೀಡನ್ ನ ಲೆನಾ ಜೆಲ್ಮ್ ವಾಲೆನ್ 2002 ರಲ್ಲಿ ಈ ಹುದ್ದೆ ಪಡೆದಿದ್ದರು.