#Rain

ಮಳೆಯಲ್ಲಿ ಸಿಲುಕಿಕೊಂಡಿದ್ದ ಕುಸ್ತಿ ಪಟುಗಳು: ಒಲಿಂಪಿಕ್ಸ್‌ ಕೋಟಾ ಕನಸಿಗೆ ಪೆಟ್ಟು ಸಾಧ್ಯತೆ
#Rain

Bengaluru Rain: ಸುದೀರ್ಘ ಕಾಯುವಿಕೆ ಅಂತ್ಯ: ಬೆಂಗಳೂರಿಗೆ ಎಂಟ್ರಿ ಕೊಟ್ಟ ಮಳೆ; ವಿಡಿಯೋ ನೋಡಿ
#Rain

Heavy Rain: ಭಾರೀ ಗಾಳಿ, ಮಳೆಗೆ ಧರೆಗುರುಳಿದ ಮರಗಳು, ವಿದ್ಯುತ್ ಕಂಬಗಳು: ಸಿಡಿಲು ಬಡಿದು 25 ಮೇಕೆಗಳ ಸಾವು
#Rain

Bengaluru Rain: ಮಳೆ ನೋಡಲಿದೆ ನಾಲ್ಕು ತಿಂಗಳು ಬಿಸಿಲಿನಿಂದ ಬೆಂದ ಬೆಂಗಳೂರು ನಗರ!
#Rain

ಕರ್ನಾಟಕದ ಹಲವು ಜಿಲ್ಲೆಗಳಲ್ಲಿ ಮುಂದುವರೆದ ಮಳೆ ಅಬ್ಬರ; ಶಿವಮೊಗ್ಗದಲ್ಲಿ ಮರ ಬಿದ್ದು ಓರ್ವ ಸಾವು
#Rain

India weather: ಈ ಭಾಗಗಳಲ್ಲಿ ಮುಂದಿನ ಐದು ದಿನ ಗುಡುಗು, ಮಿಂಚು ಸಹಿತ ಬಿರುಗಾಳಿ ಮಳೆ ಮುನ್ಸೂಚನೆ

ವರುಣನ ರುದ್ರನರ್ತನಕ್ಕೆ ನಲುಗಿದ ಶ್ರೀಕೃಷ್ಣನ ಮಥುರಾ ನಗರಿ

By Nayana

| Published: Saturday, July 28, 2018, 11:57 [IST]

ಮಥುರಾ, ಜು.28: ವರುಣನ ರೌದ್ರಾವತಾರಕ್ಕೆ ಕೃಷ್ಣನ ಮಧುರಾ ನಗರಿ ನಲುಗಿ ಹೋಗಿದೆ, ಕಳೆದ ಒಂದು ತಿಂಗಳಿನಿಂದ ನಿರಂತರವಾಗಿ ಮಳೆಯಾಗುತ್ತಿದ್ದು, ಹಲವು ಕಟ್ಟಗಳು ಕುಸಿದಿವೆ.

ಎರಡು ದಿನಗಳಿಂದ ಉತ್ತರ ಪ್ರದೇಶದಲ್ಲಿ ಮಳೆ ಎತೇಚ್ಛವಾಗಿದ್ದು, 33 ಕ್ಕೂ ಹೆಚ್ಚು ಮಂದಿ ಪ್ರಾಣ ಕಳೆದುಕೊಂಡಿದ್ದಾರೆ.ಆಗ್ರಾದಲ್ಲಿ 6 ಮಂದಿ, ಮುಜಾಫರ್‌ನಗರದಲ್ಲಿ 3 ಮಂದಿ, ಕಸ್‌ಗಂಜ್‌ನಲ್ಲಿ 3, ಮೀರತ್‌ನಲ್ಲಿ 4, ಮೈನ್‌ಪುರಿನಲ್ಲಿ 4, ಬರೇಲಿಯಲ್ಲಿ 2 ಮಂದಿ ಕೇವಲ ಎರಡು ದಿನದಲ್ಲಿ ಸಾವನ್ನಪ್ಪಿದ್ದಾರೆ.

ಭಾರತೀಯ ಹವಾಮಾನ ಇಲಾಖೆಯ ಮುನ್ಸೂಚನೆ ಪ್ರಕಾರ ಉತ್ತರ ಪ್ರದೇಶದ ರಾಜ್ಯಾದ್ಯಂತ ಹೀಗೆಯೇ ಮಳೆ ಮುಂದುವರೆಯಲಿದೆ. ಮೀರತ್‌ನಲ್ಲಿ ಭಾರಿ ಮಳೆಗೆ ಮನೆಗಳು ಕುಸಿದಿದ್ದು ಇಬ್ಬರು ಮಕ್ಕಳು ಒಳಗೊಂಡಂತೆ ಐದು ಮಂದಿ ಮೃತಪಟ್ಟಿದ್ದಾರೆ. ರಾತ್ರಿ ಸಮಯವಾದ್ದರಿಂದ ಗಾಢನಿದ್ರೆಯಲ್ಲಿದ್ದರು ಹಾಗಾಗಿ ಮನೆ ಕುಸಿಯುತ್ತಿರುವ ಕುರಿತು ಸುಳಿವು ಅವರಿಗೆ ದೊರೆತಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.

ಬಿಸಿಗಾಳಿ-ವಿಪರೀತ ಉಷ್ಣಾಂಶ: ಹೆದ್ದಾರಿಯಲ್ಲೇ ಧಗಧಗನೆ ಉರಿದ ಕಾರುಗಳು ಬಿಸಿಗಾಳಿ-ವಿಪರೀತ ಉಷ್ಣಾಂಶ: ಹೆದ್ದಾರಿಯಲ್ಲೇ ಧಗಧಗನೆ ಉರಿದ ಕಾರುಗಳು

ಮಧುರಾ, ಕಸ್‌ಗಂಜ್‌ ಪ್ರದೇಶದಲ್ಲಿ 19 ಹಾಗೂ 18 ಸೆಂ.ಮೀ ಮಳೆಯಾಗಿದೆ. ಅಲಿಗಢದಲ್ಲಿ 13 ಸೆಂ.ಮೀ ಮಳೆಯಾಗಿದೆ. 33 ಕ್ಕೂ ಹೆಚ್ಚುಮಂದಿ ಮೃತಪಟ್ಟಿದ್ದು, 12ಕ್ಕೂ ಹೆಚ್ಚು ಮಂದಿಗೆ ಗಂಭೀರ ಗಾಯಗಳಾಗಿದ್ದು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಕೆಲವೊಂದು ಪ್ರದೇಶಗಳು ಸಂಪೂರ್ಣವಾಗಿ ಜಲಾವೃತವಾಗಿದ್ದು, ಗುತ್ತಿಗೆಯವರೆಗೂ ನೀರು ನಿಂತಿದೆ. ಯಮುನಾ ನದಿಯು ಅಪಾಯಮಟ್ಟವನ್ನು ದಾಟಿರುವುದರಿಂದ ದೆಹಲಿ ಸರ್ಕಾರ ಕೂಡ ಹೈ ಅಲರ್ಟ್‌ ಘೋಷಿಸಿದೆ.

ಅಜ್ಜಿ ಹೆದರಬೇಡಿ, ಸುರಕ್ಷಿತವಾಗಿ ಮನೆಗೆ ತಲುಪಿಸ್ತೀನಿ

ಮಥುರಾದಲ್ಲಿ ಕಳೆದ ಎರಡು ದಿನಗಳಿಂದ ಸುರಿಯುತ್ತಿರುವ ಮಳೆಗೆ ಅಲ್ಲಿನ ಜನತೆ ಆತಂಕಗೊಂಡಿದ್ದು, ಸೊಂಟದವರೆಗೆ ನೀರು ನಿಂತಿದ್ದು ರಸ್ತೆಯಲ್ಲಿ ನಡೆದಾಡದ ಪರಿಸ್ಥಿತಿ ನಿರ್ಮಾಣವಾಗಿದೆ. ಅಜ್ಜಿಯೊಬ್ಬರು ಎಂಥಾ ಮಳೆ ಹುಷಾರಾಗಿ ಮನೆಗೆ ಬಿಟ್ಟುಬಿಡಪ್ಪಾ ಎಂದು ರಿಕ್ಷಾ ಚಾಲಕನ ಬಳಿ ಹೇಳುತ್ತಿರುವ ದೃಶ್ಯ ನೀವು ನೋಡಬಹುದು.

ಮೀರತ್‌ನಲ್ಲಿ ಭಾರಿ ಮಳೆಗೆ ಮನೆ ಕುಸಿತ, ಐವರು ಸಾವು

ಮೀರತ್‌ನಲ್ಲಿ ಭಾರಿ ಮಳೆಯಿಂದಾಗಿ ಮನೆ ಕುಸಿದಿದ್ದು ಇಬ್ಬರು ಮಕ್ಕಳು ಸೇರಿ ಐವರು ಮೃತಪಟ್ಟಿದ್ದಾರೆ, ಒಬ್ಬರು ಗಂಭೀರವಾಗಿ ಗಾಯಗೊಂಡಿದ್ದು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇದೇ ರೀತಿ ಮಳೆ ಮುಂದುವರೆಯಲಿದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ.

ನದಿಯಂತಾದ ರಸ್ತೆಗಳು, ಇಂಥಾ ಮಳೆ ನೋಡಿದ್ದೀರಾ

ಮೀರತ್‌ನಲ್ಲಿ ಸುರಿದ ಮಳೆಗೆ ರಸ್ತೆಗಳು ಸಂಪೂರ್ಣ ಜಲಾವೃತವಾಗಿದ್ದು, ನದಿಯಂತೆ ಗೋಚರಿಸುತ್ತಿದೆ. ನದಿಯಲ್ಲಿಯೇ ಚಲಿಸುತ್ತಿದ್ದೇವೆನೋ ಎಂದು ಭಾಸವಾಗುವುದು ಖಚಿತ, ನೀರು ತುಂಬಿರುವ ರಸ್ತೆ, ಅಂಗಡಿ ಮುಗ್ಗಟ್ಟುಗಳನ್ನೊಮ್ಮೆ ನೋಡಿ.