Click it and Unblock the Notifications
Just In
-
-
-
Don't Miss
-
Infinix: ಭಾರತದಲ್ಲಿಂದು ಇನ್ಫಿನಿಕ್ಸ್ ನೋಟ್ 40 ಪ್ರೊ 5G ಮೊದಲ ಸೇಲ್: ಬೆಲೆ, ಫೀಚರ್ಸ್ ಪರಿಶೀಲಿಸಿ -
"ದಪ್ಪ ಇದ್ದೀಯಾ ಅಂದ್ರೆ ದಿನ ಯಾರೊಂದಿಗೋ ಇದ್ದೀಯಾ ಅನ್ನೂ ಕೆಟ್ಟ ಮನ:ಸ್ಥಿತಿಯಿದೆ"; ನಟಿ ನೀತು -
ಎಳ ನೀರು ಹಾಕಿ ಮಾಡುವ 2 ದೋಸೆ ರೆಸಿಪಿ: ರುಚಿ ಸೂಪರ್, ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು -
GT vs DC: ಡೆಲ್ಲಿ ವಿರುದ್ಧದ ಹೀನಾಯ ಸೋಲಿಗೆ ಇವರೇ ಕಾರಣ; ಶುಭ್ಮನ್ ಗಿಲ್ ಗರಂ -
Kia: ಬಹುನಿರೀಕ್ಷಿತ ಕಿಯಾ ಕ್ಲಾವಿಸ್ ಮೈಕ್ರೋ ಎಸ್ಯುವಿ ಶೀಘ್ರದಲ್ಲೇ ಬಿಡಗಡೆ -
Bullet train: ಮೇಡ್ ಇನ್ ಇಂಡಿಯಾ ಬುಲೆಟ್ ಟ್ರೈನ್ಗೆ ಶೀಘ್ರ ಚಾಲನೆ, ಗಂಟೆಗೆ 250 ವೇಗ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಗೂಗಲ್ ನಲ್ಲಿ ಸೌತ್ ಇಂಡಿಯನ್ ಮಸಾಲಾ ಎಂದು ಟೈಪಿಸಿ ನೋಡಿ
ಬೆಂಗಳೂರು, ಜುಲೈ 07 : ಯಾವುದೇ ಮಾಹಿತಿ, ಫೋಟೋ, ವಿಳಾಸ ಬೇಕಿದ್ದರೆ ಗೂಗಲ್ ಮಾಡಿ ಅನ್ನುವಂಥ ಕಾಲವಿದು. ಅಂಥದ್ದರಲ್ಲಿ, ಕೇಳುತ್ತಿರುವುದು ಒಂದು ಗೂಗಲ್ ತೋರಿಸುತ್ತಿರುವುದು ಇನ್ನೊಂದು ಆದರೆ ಗತಿಯೇನು? ಅಥವಾ ಗೂಗಲ್ 'ಅರ್ಥ' ಮಾಡಿಕೊಳ್ಳುವುದೇ ಹೀಗೆಯೆ?
ಹೀಗೊಂದು ಸ್ವಾರಸ್ಯಕರ ಜಿಜ್ಞಾಸೆ ಇಂಟರ್ನೆಟ್ಟಿನಲ್ಲಿ ಆರಂಭವಾಗಿದೆ. ನೀವು ಅಡುಗೆ ಮಾಡುವುದರಲ್ಲಿ ಭಾರೀ ಆಸಕ್ತಿಯಿದೆ ಎಂದು ತಿಳಿದುಕೊಳ್ಳಿ, ಅದರಲ್ಲೂ ದಕ್ಷಿಣ ಭಾರತದ ಸ್ವಾದಿಷ್ಟ ತಿನಿಸುಗಳ ಬಗ್ಗೆ, ಮಸಾಲಾಗಳ ಬಗ್ಗೆ ತಿಳಿದುಕೊಳ್ಳಬೇಕೆಂದು ಗೂಗಲ್ಲಿಗೆ ಬರುತ್ತೀರಾ.
ಗೂಗಲ್ ನಲ್ಲಿ ಆಂಗ್ಲ ಭಾಷೆಯಲ್ಲಿ ಸೌತ್ ಇಂಡಿಯನ್ ಮಸಾಲಾ ಎಂದು ಟೈಪ್ ಮಾಡಿದರೆ ಬೆಚ್ಚಿ ಬೀಳುವ ಸಂಗತಿ ನಿಮ್ಮದಾಗುತ್ತದೆ. ಅಥವಾ ನೀವು ಮಹಾನ್ ರಸಿಕರಾಗಿದ್ದರೆ ಥರಹೇವಾರಿ ತನಿಸಿನ ಬದಲಾಗಿ ಅಲ್ಲಿ ಕಾಣುವ ರಂಗ್ ಬಿರಂಗಿ ಸಿನೆಮಾ ತಾರೆಯರ ಚಿತ್ರಗಳನ್ನು ನೋಡಿ ಮನಸ್ಸು ನವಿಲಾಗುತ್ತದೆ.
ಮಸಾಲಾ ಪುಡಿ, ಮಸಾಲೆ ದೋಸೆ, ಚಿಕನ್, ಮಸಾಲಾ, ಗರಂ ಮಸಾಲಾ ಬದಲಿಗೆ, ಸೊಂಟ ಕುಣಿಸುತ್ತಿರುವ ಅನುಷ್ಕಾ ಶೆಟ್ಟಿ, ನೀರಲ್ಲಿ ಒದ್ದೆಮುದ್ದೆಯಾಗಿರುವ ಮೇಘನಾ ನಾಯ್ಡು, ಹೊಕ್ಕಳು ತೋರುತ್ತಿರುವ ತಮನ್ನಾ ಭಾಟಿಯಾ, ವೈಯಾರದಿಂದ ನುಲಿಯುತ್ತಿರುವ ತ್ರಿಷಾ ಕೃಷ್ಣನ್!
ರಂಭೆ, ಊರ್ವಶಿ, ಮೇನಕೆ, ತಿಲೋತ್ತಮೆ
ಸೌತ್ ಇಂಡಿಯನ್ ಮಸಾಲಾ ಎಂದು ಕುಟ್ಟಿಸಿದರೆ ನಿಮಗೆ ಸಿಗುವುದು ದಕ್ಷಿಣ ಭಾರತದ ಸಿನೆಮಾ ರಂಗದ ರಂಭೆ, ಊರ್ವಶಿ, ಮೇನಕೆ, ತಿಲೋತ್ತಮೆಯರು. ಮಾದಕತೆಯೇ ಮೈವೆತ್ತಂತಿರುವ ಅಪ್ಸರೆಯರು, ಕಾಮೋತ್ತೇಜಕ ರೂಪಸಿ ರಂಭೆಯರ ಚಿತ್ರಗಳು ಧಾರಾಳವಾಗಿ ಕಾಣಸಿಗುತ್ತವೆ.
ಅರ್ಥೈಸಿಕೊಳ್ಳುವಾಗ ಏನಾದರೂ ಅನರ್ಥ?
ಗೂಗಲ್, ಸೌತ್ ಇಂಡಿಯನ್ ಮಸಾಲಾ ಎಂದರೆ ಅರ್ಥೈಸಿಕೊಳ್ಳುವುದು ಈ ರೀತಿಯೆ? ಅಥವಾ ಸೌತ್ ಇಂಡಿಯನ್ ಮಸಾಲಾಗೆ ದಕ್ಷಿಣ ಭಾರತದ ಸಿನೆಮಾ ಸುಂದರಿಯರು ಅನ್ವರ್ಥಕ ರೂಪಕವಾಗಿದ್ದಾರಾ? ಅಥವಾ ಗೂಗಲ್ ಅರ್ಥೈಸಿಕೊಳ್ಳುವಾಗ ಏನಾದರೂ ಅನರ್ಥವಾಗಿದೆ? ಅಥವಾ ಇದೊಂದು ಕುಚೋದ್ಯವೆ?
ಬಾಯಲ್ಲಿ ನೀರೂರಿಸುವಂಥ ತಿನಿಸುಗಳು
ಆದರೆ, ನೀವು ನಾರ್ತ್ ಇಂಡಿಯನ್ ಮಸಾಲಾ ಎಂದು ಟೈಪಿಸಿದರೆ, ಉತ್ತರ ಭಾರತದ ರೂಪಸಿ ರಂಭೆಯರ ಚಿತ್ರಗಳ ಬದಲಾಗಿ ಬಾಯಲ್ಲಿ ನೀರೂರಿಸುವಂಥ ನಾನಾ ಬಗೆಯ ಅಡುಗೆಯ ಚಿತ್ರಗಳು ಕಣ್ಣಿಗೆ ಹಬ್ಬವನ್ನುಂಟು ಮಾಡುತ್ತವೆ. ನಾರ್ತ್ ಇಂಡಿಯನ್ ಮಸಾಲಾ ಎಂದರೆ ಉತ್ತರ ಭಾರತದ ಬೆಡಗಿಯರ ಚಿತ್ರಗಳು ಬರಬಾರದೇಕೆ?
ಸಿನೆಮಾ ತಾರೆಯರೆಂದರೆ ಅಷ್ಟು ಕೀಳಾ?
ಗೂಗಲ್ಲಿಗೆ ದಕ್ಷಿಣ ಭಾರತದ ಸಿನೆಮಾ ತಾರೆಯರೆಂದರೆ ಅಷ್ಟು ಕೀಳಾಗಿ ಹೋದರೆ? ಉತ್ತರ ಭಾರತ ಮತ್ತು ದಕ್ಷಿಣ ಭಾರತವೆಂಬ ತಾರತಮ್ಯ ಏಕೆ? ಸೌತ್ ಇಂಡಿಯನ್ ಮಸಾಲಾ ಎಂದರೆ ಅಪ್ಪಿತಪ್ಪಿ ಕೂಡ ಒಂದೇ ಒಂದು ಮಸಾಲಾ ದೋಸೆಯ ಚಿತ್ರ ಕೂಡ ನಿಮಗೆ ಕಾಣಸಿಗುವುದಿಲ್ಲ. ಅಲ್ಲಿರುವವರು ಅಶ್ಲೀಲವಾಗಿ ಬಟ್ಟೆಯುಟ್ಟ ತ್ರಿಪುರ ಸುಂದರಿಯರೆ.
