ಅಪ್ಪಂದಿರ ದಿನಕ್ಕೆ ಆಕರ್ಷಕ ಡೂಡ್ಲ್ ರಚಿಸಿದ ಗೂಗಲ್!
ಬೆಂಗಳೂರು, ಜೂನ್ 17: ಸರ್ಚ್ ಇಂಜಿನ್ ದೈತ್ಯ ಗೂಗಲ್ ತನ್ನ ಮುಖಪುಟದಲ್ಲಿ ಇಂದು (ಜೂನ್ 17) ಅಪ್ಪಂದಿರ ದಿನಾಚರಣೆಗಾಗಿ ಆಕರ್ಷಕ ಡೂಡ್ಲ್ ಪ್ರದರ್ಶಿಸಿದೆ. ವಿಶ್ವದೆಲ್ಲೆಡೆ ವಿವಿಧ ರೀತಿಯಲ್ಲಿ ಅಪ್ಪಂದಿರ ದಿನವನ್ನು ಸಂಭ್ರಮದಿಂದ ಆಚರಿಸಲಾಗುತ್ತಿದೆ.
ಮದರ್ಸ್ ಡೇ, ಸೋದರ/ರಿಯರ ದಿನ, ಅಜ್ಜ ಅಜ್ಜಿಯರ ದಿನಾಚರಣೆ ಹೀಗೆ ಕುಟುಂಬದ ಎಲ್ಲಾ ಸದಸ್ಯರಿಗೂ ಒಂದೊಂದು ದಿನ ಮೀಸಲಾಗಿದೆ. ಉತ್ತರ ಅಮೆರಿಕದಲ್ಲಿ ಆರಂಭವಾ ಈ ಪದ್ಧತಿಯಂತೆ, ಜೂನ್ ತಿಂಗಳ ಮೂರನೇ ಭಾನುವಾರದಂದು ಫಾದರ್ಸ್ ಡೇ ಆಚರಿಸಲಾಗುತ್ತದೆ.
109 ವರ್ಷಗಳ ಇತಿಹಾಸವುಳ್ಳ ಫಾದರ್ಸ್ ಡೇ ಆಚರಣೆ ಅಂಗವಾಗಿ ಗೂಗಲ್ ತನ್ನ ಮುಖಪುಟದಲ್ಲಿ ಡೂಡ್ಲ್ ಮಾಡಿ, ಹಾಕಿದೆ. ಈ ಡೂಡ್ಲ್ ನಲ್ಲಿ ಹಸ್ತದ ಚಿತ್ರಗಳಿದ್ದು, ಡೈನೋಸರಾಸ್ ನ ವಿನ್ಯಾಸ ಇದಾಗಿದ್ದು, ಬಣ್ಣಗಳು ಗೂಗಲ್ ಲೋಗೋವಿನ ಮೂಲ ಬಣ್ಣವನ್ನು ಪ್ರತಿನಿಧಿಸುತ್ತವೆ.
ಡೂಡ್ಲ್ ಚಿತ್ರ: ಭಾರತ ಸೇರಿದಂತೆ ವಿಶ್ವದ ಅನೇಕ ವಿದ್ಯಮಾನಗಳು, ಐತಿಹಾಸಿಕ ದಿನಗಳು, ಹಬ್ಬ ಹರಿದಿನಗಳು, ಆಚರಣೆಗಳ ಸಂದರ್ಭದಲ್ಲಿ ಗೂಗಲ್ ತನ್ನ ಡೂಡ್ಲ್ ರೇಖಾಚಿತ್ರದ ಮೂಲಕ ಸಾಧಕರನ್ನು ಸ್ಮರಿಸುವ ಪ್ರಕ್ರಿಯೆಯನ್ನು ಮುಂದುವರೆಸಿಕೊಂಡು ಬಂದಿದೆ.
ಗೂಗಲ್ ನಕ್ಷೆಯಲ್ಲಿ ಕನ್ನಡ ಡಿಂಡಿಮ: ನಿಮ್ಮೂರ ಹೆಸರೀಗ ಮಾತೃಭಾಷೆಯಲ್ಲಿ!
ಗೂಗಲ್ ಲೋಗೋವನ್ನು ಕಲಾತ್ಮಕವಾಗಿ ರೂಪಿಸುವುದಕ್ಕೆ ಡೂಡಲ್ಸ್ ಎನ್ನಲಾಗುತ್ತದೆ. ಪ್ರತಿ ವರ್ಷ ಶಾಲಾ ಮಕ್ಕಳಿಗೆ ಡೂಡ್ಲ್ ರಚನೆ ಸ್ಪರ್ಧೆ ಏರ್ಪಡಿಸಲಾಗುತ್ತದೆ.