ಉದ್ಯೋಗ ಸೃಷ್ಟಿ ಬಿಟ್ಟಾಕಿ, ಇರುವ ಉದ್ಯೋಗವೇ ಕಡಿಮೆಯಾಗುತ್ತಿದೆ!
ಮುಂಬೈ, ಮಾರ್ಚ್ 29: ನಿರುದ್ಯೋಗ ಸಮಸ್ಯೆ ಭಾರತದಲ್ಲಿ ಹಿಂದೆಂದಿಗಿಂತಲೂ ಹೆಚ್ಚಾಗಿದೆ. ಇದಕ್ಕೆ ಅಂಕಿ ಸಂಖ್ಯೆಗಳ ಸಮೇತ ಈ ವರದಿ ಕನ್ನಡಿ ಹಿಡಿಯುತ್ತಿದೆ.
2015-16ನೇ ಆರ್ಥಿಕ ವರ್ಷದಲ್ಲಿ ಭಾರತದಲ್ಲಿ ಇರುವ ಉದ್ಯೋಗ ಶೇಕಡಾ 0.1 ಕಡಿಮೆಯಾಗಿದೆ ಮತ್ತು 2014-15ರಲ್ಲಿ ಶೇಕಡಾ 0.2 ಕಡಿಮೆಯಾಗಿದೆ ಎಂದು 'ಕ್ಲೆಮ್ಸ್ ಇಂಡಿಯಾ' (KLEMS India) ಹೇಳಿದೆ.
2 ಸಾವಿರ ಕೋಟಿ ರು. ಹೂಡಿಕೆ, 14 ಸಾವಿರ ಉದ್ಯೋಗ ಸೃಷ್ಟಿ
ಭಾರತದ ಆರ್ಥಿಕತೆಯ ಉತ್ಫಾದನೆಯನ್ನು ಅಳೆಯಲು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಕ್ಷೆಮ್ಸ್ ಇಂಡಿಯಾ ಸಂಸ್ಥೆಯನ್ನು ನೇಮಕ ಮಾಡಿತ್ತು. ಇದೀಗ ಸಂಸ್ಥೆ ಈ ಅಂಕಿ ಅಂಶಗಳನ್ನು ಹೊರಹಾಕಿದೆ. ಆರ್.ಬಿ.ಐ ವೆಬ್ಸೈಟ್ ನಲ್ಲಿ ಈ ಅಂಕಿ ಅಂಶಗಳು ಲಭ್ಯ ಇದೆ.
ಕೃಷಿ, ಅರಣ್ಯ, ಮೀನುಗಾರಿಕೆ, ಗಣಿಗಾರಿಕೆ, ಆಹಾರ ಉತ್ಪಾದನಾ ಕ್ಷೇತ್ರ, ಜವಳಿ, ಚರ್ಮೋದ್ಯಮ, ಪೇಪರ್, ಸಾರಿಗೆ ಸಲಕರಣೆ ಮತ್ತು ವ್ಯಾಪಾರ ಕ್ಷೇತ್ರದಲ್ಲಿ ಉತ್ಪಾದನೆ ಕುಸಿತವಾಗಿದೆ.
ವಿಶೇಷ ಎಂದರೆ 2014-15ರಲ್ಲಿ ಶೇಕಡಾ 7.4 ಮತ್ತು 2015-16ರಲ್ಲಿ ಶೇಕಡಾ 8.2 ಜಿಡಿಪಿ ಬೆಳವಣಿಗೆ ಇದ್ದಾಗಲೂ ಉದ್ಯೋಗ ಕಡಿತವಾಗಿದೆ.
ಇದೇ ವೇಳೆ ಕೃಷಿ ಬಿಟ್ಟವರು ಎಲ್ಲಿ ಉದ್ಯೋಗ ಕಂಡುಕೊಳ್ಳುತ್ತಾರೆ ಎಂಬ ಪ್ರಶ್ನೆಯೂ ಉದ್ಭವಿಸಿದೆ. ಇವರಲ್ಲಿ 2015-16ರಲ್ಲಿ ಶೇಕಡಾ 70ರಷ್ಟು ಜನರು ನಿರ್ಮಾಣ ಕ್ಷೇತ್ರದಲ್ಲಿ ಉದ್ಯೋಗ ಕಂಡುಕೊಂಡಿದ್ದಾರೆ ಎಂಬ ಮಾಹಿತಿಯನ್ನು ಇದು ನೀಡುತ್ತಿದೆ.
726 ಹುದ್ದೆಗಳನ್ನು ಭರ್ತಿ ಮಾಡಲು ಆರ್ಜಿ ಆಹ್ವಾನಿಸಿದ ಕೆಎಸ್ಆರ್ಟಿಸಿ
ಇನ್ನು ಭಾರತದ ಯಾವ ವಲಯವೂ ಹೆಚ್ಚಿನ ಉದ್ಯೋಗದಾತ ಕ್ಷೇತ್ರವಾಗಿಯೇ ಇಲ್ಲ. 2015-16ರವರೆಗೆ ಕಳೆದ 10 ವರ್ಷಗಳಲ್ಲಿ ಉದ್ಯೋಗ ಪ್ರಮಾಣ ಕೇವಲ ಶೇಕಡಾ 0.53 ಹೆಚ್ಚಳವಾಗಿದೆ ಆಷ್ಟೆ. ಆದರೆ ಇದೀಗ ಕುಸಿತ ಕಂಡಿರುವುದು ಮತ್ತಷ್ಟು ಆತಂಕವನ್ನು ಹೊರಹಾಕಿದೆ.
2015-16ಲ್ಲೇ ಪರಿಸ್ಥಿತಿ ಹೀಗಿದ್ದರೆ 2017-18ರಲ್ಲಿ ಪರಿಸ್ಥಿತಿ ಏನಾಗಿರಬಹುದು ಎಂಬ ಮತ್ತಷ್ಟು ಆತಂಕ ಈ ವರದಿಯಲ್ಲಿ ಕಾಣಿಸಿಕೊಂಡಿದೆ.