ಮಹಾರಾಷ್ಟ್ರ ಸೇನಾ ಡಿಪೋದಲ್ಲಿ ಸ್ಫೋಟ: ಆರು ಮಂದಿ ಬಲಿ

ವಾರ್ಧಾ(ಮಹಾರಾಷ್ಟ್ರ), ನವೆಂಬರ್ 20: ಮಹಾರಾಷ್ಟ್ರದ ವಾರ್ಧಾದ ಪುಲ್ಗಾಂವ್ ಸೇನಾ ಡಿಪೋವೊಂದರಲ್ಲಿ ನಡೆದ ಸ್ಫೋಟದಲ್ಲಿ ಆರು ಜನ ಮೃತರಾಗಿದ್ದಾರೆ. ಹಲವರು ಗಾಯಗೊಂಡಿದ್ದಾರೆಂದು ಮೂಲಗಳು ತಿಳಿಸಿವೆ.

ವಾರ್ಧಾದ ಮಿಲಿಟರಿ ಫೈರಿಂಗ್ ರೇಂಜ್ ಪ್ರದೇಶದಲ್ಲಿ ಈ ಘಟನೆ ನಡೆದಿದ್ದು, ಹಳೆಯ ಸ್ಫೋಟಕಗಳನ್ನು ವಿಲೇವಾರಿ ಮಾಡುವ ಸಂದರ್ಭದಲ್ಲಿ ಈ ಅವಘಡ ನಡೆದಿದೆ ಎನ್ನಲಾಗಿದೆ.

23 ಮಿಮಿ ಯ ಶೆಲ್ ಅನ್ನು ವಿಲೇವಾರಿಗೆಂದು ಕೊಂಡೊಯ್ಯುವ ವೇಳೆಯಲ್ಲಿ ಅದು ಸಿಡಿದ ಪರಿಣಾಮ ಈ ಘಟನೆ ನಡೆದಿದೆ. ನಾಗ್ಪುರದಿಂದ 80 ಕಿಮೀ ದೂರದಲ್ಲಿರುವ ಡಿಪೋದ ಬಯಲೊಂದರಲ್ಲಿ ಘಟನೆ ನಡೆದಿದೆ. ಇದೇ ಪುಲ್ಗಾಂವ್ ಡಿಪೋದಲ್ಲಿ 2016 ರಂದು ನಡೆದಿದ್ದ ಇಂಥದೇ ಸ್ಫೋಟದಲ್ಲಿ 16 ಜನ ಮೃತರಾಗಿದ್ದರು.

ಘಟನೆ ಕುರಿತು ಹೆಚ್ಚಿನ ಮಾಹಿತಿ ಲಭ್ಯವಾಗಬೇಕಿದೆ.

English summary

Six people have been killed in an explosion in Maharashtra's Wardha in a Military firing range in the area. As per reports, the explosion occurred while disposing of explosives at the Army ammunition depot.