Click it and Unblock the Notifications
Just In
-
-
-
Don't Miss
-
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಫೇಸ್‌ಬುಕ್ ಬಳಕೆಯಲ್ಲಿನ ಭಾರತದ ಅನುಭವ ಅಮೆರಿಕ ಚುನಾವಣೆಗೆ ನೆರವು: ಜುಕರ್‌ಬರ್ಗ್
ನವದೆಹಲಿ, ಅಕ್ಟೋಬರ್ 30: ಭಾರತ ಸೇರಿದಂತೆ ಜಗತ್ತಿನಾದ್ಯಂತ ಸುಮಾರು 200 ವಿಭಿನ್ನ ಚುನಾವಣೆಗಳ ಸಂದರ್ಭದಲ್ಲಿ ಅನುಸರಿಸಿದ ಹೆಜ್ಜೆಗಳು ಸಮಗ್ರತೆಯನ್ನು ರಕ್ಷಿಸಲು ಸಹಾಯ ಮಾಡಿದ್ದು, ಅಮೆರಿಕ ಚುನಾವಣೆಗೂ ಮುನ್ನ ನಿಂದನೆಗಳನ್ನು ತಡೆಯಲು ಮಹತ್ವದ ಪಾತ್ರ ವಹಿಸಿದೆ ಎಂದು ಫೇಸ್‌ಬುಕ್ ಸಿಇಒ ಮಾರ್ಕ ಜುಕರ್‌ಬರ್ಗ್ ತಿಳಿಸಿದ್ದಾರೆ.
ಅಮೆರಿಕ ಚುನಾವಣೆ ನಡೆಯಲಿರುವ ಮುಂದಿನ ವಾರ ಫೇಸ್‌ಬುಕ್‌ಗೆ ದೊಡ್ಡ ಅಗ್ನಿಪರೀಕ್ಷೆ ಎಂದಿರುವ ಅವರು, ಪ್ರಜಾಪ್ರಭುತ್ವ ಪ್ರಕ್ರಿಯೆಯಲ್ಲಿನ ಸಮಗ್ರತೆಯನ್ನು ರಕ್ಷಿಸಲು ಹೋರಾಟವನ್ನು ಮುಂದವರಿಸುವುದಾಗಿ ಹೇಳಿದ್ದಾರೆ.
'ನಾವು ಕಳೆದ ನಾಲ್ಕು ವರ್ಷಗಳಲ್ಲಿ ಈ ಎಲ್ಲ ಬದಲಾವಣೆಗಳನ್ನು ಮಾಡಿದ್ದೇವೆ. ಹಾಗೆಯೇ ಅವು ನಮಗೆ ಯುರೋಪ್, ಭಾರತ ಮತ್ತು ಇಂಡೋನೇಷ್ಯಾ ಸೇರಿದಂತೆ ಜಗತ್ತಿನ 200ಕ್ಕೂ ಹೆಚ್ಚು ವಿಭಿನ್ನ ಚುನಾವಣೆಗಳಲ್ಲಿ ಸಮಗ್ರತೆ ಕಾಪಾಡಲು ನೆರವು ನೀಡಿವೆ. ಹಾಗೆಯೇ ಅವು ಮುಖ್ಯವಾಗಿ ಅಮೆರಿಕದ ಮುಂದಿನ ಚುನಾವಣೆಗೂ ಮುನ್ನ ನಡೆಯುವ ಸಾಮಾಜಿಕ ಜಾಲತಾಣದ ದುರ್ಬಳಕೆಯನ್ನು ತಡೆದಿದೆ' ಎಂದು ಹೇಳಿದ್ದಾರೆ.
ಮತದಾರರ ಶೋಷಣೆಯಂತಹ ಸಮಸ್ಯೆಗಳ ಬಗ್ಗೆ ಕಂಪೆನಿ ಗಮನ ಹರಿಸಿದ್ದು, ನಾಗರಿಕ ಹಕ್ಕು ನಾಯಕರು ಸೇರಿದಂತೆ ಪರಿಣತರ ಮೂಲಕ ಅವುಗಳನ್ನು ಸೂಕ್ಷ್ಮವಾಗಿ ಗಮನಿಸಲಾಗುತ್ತಿದೆ. ಫೇಸ್‌ಬುಕ್‌ನ ಭದ್ರತಾ ತಂಡಗಳು ನಾಲ್ಕು ವರ್ಷಗಳ ಹಿಂದೆ ಹ್ಯಾಕಿಂಗ್‌ನಂತಹ ಸಾಂಪ್ರದಾಯಿಕ ಬೆದರಿಕೆಗಳ ಬಗ್ಗೆ ಗಮನ ಹರಿಸುತ್ತಿದ್ದವು. ಆದರೆ ಈಗ ಹೊಸತನ್ನು ನೋಡಲಾಗುತ್ತಿದೆ. ನಕಲಿ ಖಾತೆಗಳ ಬಳಕೆ, ಸಂಯೋಜಿತ ಮಧ್ಯಪ್ರವೇಶದ ಪ್ರಚಾರಗಳು, ಸುಳ್ಳು ಮಾಹಿತಿಗಳ ರವಾನೆ ಮುಂತಾದವು ಪ್ರಮುಖ ಸವಾಲಾಗಿವೆ ಎಂದಿದ್ದಾರೆ.
ಈ ರೀತಿಯ ಬೆದರಿಕೆಗಳನ್ನು ಪತ್ತೆಹಚ್ಚಿ ತೆಗೆದುಹಾಕುವ ಸಲುವಾಗಿ ಮತ್ತಷ್ಟು ಅತ್ಯಾಧುನಿಕ ವ್ಯವಸ್ಥೆಯನ್ನು ನಿರ್ಮಿಸಿದ್ದೇವೆ. ಕಳೆದ ಒಂದು ವರ್ಷದಲ್ಲಿ ರಷ್ಯಾ, ಇರಾನ್, ಚೀನಾ ಸೇರಿದಂತೆ ವಿವಿಧೆಡೆಗಳಿಂದ ನೂರಾರು ನೆಟ್‌ವರ್ಕ್‌ಗಳನ್ನು ತೆಗೆದುಹಾಕಿದ್ದೇವೆ. ಪ್ರತಿ ದಿನ ಲಕ್ಷಾಂತರ ನಿಂದನಾತ್ಮಕ ಖಾತೆಗಳನ್ನು ತೆಗೆದುಹಾಕುತ್ತಿದ್ದೇವೆ ಎಂದು ತಿಳಿಸಿದ್ದಾರೆ.
