ಅಹ್ಮದ್ ಪಟೇಲ್ ಆಪ್ತರ ಮನೆಗಳ ಮೇಲೆ 'ಇಡಿ' ದಾಳಿ

ನವದೆಹಲಿ, ನವೆಂಬರ್ 30: ಕಾಂಗ್ರೆಸ್ ನಾಯಕ ಅಹ್ಮದ್ ಪಟೇಲ್ ಆಪ್ತರ ಮನೆಗಳ ಮೇಳೆ ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ.

ಪಟೇಲ್ ಆಪ್ತ ಸಂಜೀವ್ ಮಹಾಜನ್ ಮತ್ತು ಇತರ ಉದ್ಯಮಿಗಳ ಮನೆ ಮತ್ತು ಕಚೇರಿಗಳ ಮೇಲೆ ದಾಳಿ ಮಾಡಲಾಗಿದೆ. ಸಂದೇಸಾರಾ ಗ್ರೂಪ್ ಗೆ ಸಂಬಂಧಿಸಿದ ಮನಿ ಲಾಂಡರಿಂಗ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ಈ ದಾಳಿಗಳನ್ನು ನಡೆಸಲಾಗಿದೆ.

ಮಹಾಜನ್ ಗೆ ಸೇರಿದ ಮಯೂರ್ ವಿಹಾರ್ ಫೇಸ್ 1 ಮತ್ತು ಬಾಬರ್ ರಸ್ತೆಯ ಸ್ಥಳಗಳ ಮೇಲೆ ದಾಳಿ ನಡೆಸಲಾಗಿದೆ. ಘನಶ್ಯಾಮ್ ಪಾಂಡೆಯವರಿಗೆ ಸೇರಿದ ದ್ವಾರಕಾ, ಲಕ್ಷ್ಮೀ ಚಂದ್ ಗುಪ್ತಾರಿಗೆ ಸೇರಿದ ಲಕ್ಷ್ಮೀ ನಗರ, ಅರವಿಂದ್ ಗುಪ್ತಾರಿಗೆ ಸೇರಿದ ಗಾಜಿಯಾಬಾದ್ ನ ಪ್ರದೇಶಗಳಲ್ಲಿ ಪರಿಶೀಲನೆ ನಡೆಸಲಾಗಿದೆ ಎಂದು 'ಇಡಿ' ವಕ್ತಾರರು ಹೇಳಿದ್ದಾರೆ.

ಚೇತನ್ ಮತ್ತು ನಿತಿನ್ ಸಂದೇಸಾರಾಗೆ ಸೇರಿದ ಸಂದೇಸಾರಾ ಗ್ರೂಪ್ ನ ಅಕ್ರಮ ಚಟುವಟಿಕೆಗಳಿಗೆ ಸಂಬಂಧಿಸಿದಂತೆ ಈ ದಾಳಿ ನಡೆಸಲಾಗಿದೆ. ರೂ. 5,383 ಕೋಟಿ ಮೊತ್ತದ ಅನುಮಾನಾಸ್ಪದ ಹಣ ವರ್ಗಾವಣೆ ಪ್ರಕರಣ ಇದಾಗಿದೆ.

ಸಂದೇಸಾರಾ ಗ್ರೂಪ್ ಮಾಲಿಕರು 300ಕ್ಕೂ ಹೆಚ್ಚು ಬೇನಾಮಿ ಆಸ್ತಿಗಳನ್ನು ಹೊಂದಿರಬಹುದು ಎಂದು ಅಂದಾಜಿಸಲಾಗಿದೆ.

English summary

The Enforcement Directorate on Thursday said its officials were searching the houses and other premises of Sanjeev Mahajan, a close aide of Congress leader Ahmed Patel, and other businessmen in an alleged money laundering case involving the Sandesara Group of companies.