• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಆರೆಸ್ಸೆಸ್ ಗೆ ಪ್ರಣಬ್ ಕನ್ನಡಿ ಹಿಡಿದಿದ್ದಾರೆ: ಕಾಂಗ್ರೆಸ್ ವಿಶ್ಲೇಷಣೆ

By Sachhidananda Acharya
|

ನವದೆಹಲಿ, ಜೂನ್ 7: "ಆರ್.ಎಸ್.ಎಸ್ ಕೇಂದ್ರ ಕಚೇರಿಗೆ ಇಂದು ಮಾಜಿ ರಾಷ್ಟ್ರಪತಿ ಡಾ. ಪ್ರಣಬ್ ಮುಖರ್ಜಿ ನೀಡಿದ ಭೇಟಿ ವ್ಯಾಪಕವಾದ ಚರ್ಚೆಯನ್ನು ಹುಟ್ಟುಹಾಕಿದೆ. ಇವತ್ತು ಪ್ರಣಬ್ ಮುಖರ್ಜಿ ತಮ್ಮ ಕೇಂದ್ರ ಕಚೇರಿಯಲ್ಲೇ ಆರ್.ಎಸ್.ಎಸ್ ಗೆ ಕನ್ನಡಿಯನ್ನು ತೋರಿಸಿದ್ದಾರೆ. ಅವರು ಬಹುತ್ವ, ಸಹಿಷ್ಣುತೆ ಮತ್ತು ಬಹುಸಂಸ್ಕೃತಿಯ ಬಗ್ಗೆ ಮಾತನಾಡಿದ್ದಾರೆ," ಎಂದು ಕಾಂಗ್ರೆಸ್ ವಿಶ್ಲೇಷಿಸಿದೆ.

ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಕಾಂಗ್ರೆಸ್ ನಾಯಕ ರಣದೀಪ್ ಸುರ್ಜೇವಾಲಾ, "ಅತಿಥಿಯಾಗಿ ಪ್ರಣಬ್ ಮುಖರ್ಜಿ ಹೇಳಿದ ವಿಚಾರಗಳು ಚರ್ಚೆಯಾಗಬೇಕು ಮತ್ತು ಪ್ರಾಮುಖ್ಯತೆಯನ್ನು ಪಡೆಯಬೇಕು. ಅದಕ್ಕೆ ಬದಲಾಗಿ ಔಪಚಾರಿಕವಾಗಿ ನಡೆದ ಕ್ರಮಗಳು ಚರ್ಚೆಯಾಗಬಾರದು," ಎಂದು ಅವರು ಹೇಳಿದ್ದಾರೆ. ಕೆಬಿ ಹೆಡಗೇವಾರ್ 'ತಾಯಿ ಭಾರತಾಂಬೆಯ ಮಹಾನ್ ಮಗ' ಎಂದು ಅತಿಥಿಗಳ ಪುಸ್ತಕದಲ್ಲಿ ಮುಖರ್ಜಿ ಬರೆದಿದ್ದರ ಬಗ್ಗೆ ಅವರು ಈ ಪ್ರತಿಕ್ರಿಯೆ ನೀಡಿದ್ದಾರೆ.

"ಪ್ರಣಬ್ ಮುಖರ್ಜಿ ಅವರು ಭಾರತದ ಇತಿಹಾಸವನ್ನು ಆರ್.ಎಸ್.ಎಸ್ ಗೆ ನೆನಪಿಸಿದ್ದಾರೆ. ಅವರು ಭಾರತದ ಸೌಂದರ್ಯವು ಭಿನ್ನಾಭಿಪ್ರಾಯಗಳು, ಧರ್ಮಗಳು ಮತ್ತು ಭಾಷೆಗಳ ಬಗ್ಗೆ ಸಹಿಷ್ಣುತೆ ಹೊಂದುವುದರಲ್ಲಿದೆ ಎಂಬುದನ್ನು ಆರ್.ಎಸ್.ಎಸ್ ಗೆ ಕಲಿಸಿದರು. ಆರ್.ಎಸ್.ಎಸ್ ಇದನ್ನು ಕೇಳಲು ಸಿದ್ಧವಾಗಿದೆಯೇ?," ಎಂದು ಪ್ರಶ್ನಿಸಿದ್ದಾರೆ.

ವಿವಿಧತೆಯಲ್ಲಿ ಏಕತೆ ನಮ್ಮ ದೊಡ್ಡ ಶಕ್ತಿ: ಆರೆಸ್ಸೆಸ್ ಕಾರ್ಯಕ್ರಮದಲ್ಲಿ ಪ್ರಣಬ್

ಪ್ರಣಬ್ ಮುಖರ್ಜಿ ಭೇಟಿ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಮತ್ತೋರ್ವ ಕಾಂಗ್ರೆಸ್ ನಾಯಕ ಆನಂದ್ ಶರ್ಮಾ, "ಆರ್.ಎಸ್.ಎಸ್ ಕೇಂದ್ರ ಕಚೇರಿಯಲ್ಲಿ ತ್ರಿವರ್ಣ ಧ್ವಜ ಏರಿದ್ದಾಗಲೀ ಅಥವಾ ರಾಷ್ಟ್ರ ಗೀತೆ ಹಾಡಿದ್ದಾಗಲೀ ಎಂದೂ ನಾವು ನೋಡಿಲ್ಲ. ಪ್ರಣಬ್ ಮುಖರ್ಜಿ ಅವರ ಅಭಿವ್ಯಕ್ತಿ ಮತ್ತು ವಿಷಯವನ್ನು ಮನವರಿಕೆ ಮಾಡಿಕೊಡುವ ಸಾಮರ್ಥ್ಯದ ಬಗ್ಗೆ ಯಾವುದೇ ಸಂದೇಹವೂ ಇಲ್ಲ. ಆದರೆ ಮಾತುಕತೆಗೆ ಇನ್ನೊಂದು ಕಡೆಯವರು ಕೇಳಬೇಕು ಮತ್ತು ಬದಲಾಗಬೇಕು. ಆರ್.ಎಸ್.ಎಸ್ ಅದನ್ನು ಮಾಡುತ್ತದೆ ಎಂದು ನಂಬೋಣ," ಎಂದು ಹೇಳಿದ್ದಾರೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Former president, Dr. Pranab Mukherjee's visit to the RSS HQ had led to a wide range of discussions and concerns. Today Pranab Mukherjee has shown the mirror to RSS at their HQ. He talked of plurality, tolerance and multiculturalism said Congress leader Randeep Surjewala.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more