ಮಗಳ ಸಾಧನೆ, ಅಪ್ಪನ ಖುಷಿ: ಸೋಷಿಯಲ್ ಮೀಡಿಯಾದಲ್ಲಿ ಸಡಗರ
ಇಂಫಾಲ, ಮೇ 11: ಪೊಲೀಸ್ ಅಧಿಕಾರಿಯಾಗಿ ಸಮವಸ್ತ್ರ ತೊಟ್ಟು ಬಂದ ಮಗಳು... ಆಕೆಯನ್ನು ನೋಡಿ ಖುಷಿಯಾದ ತಂದೆ... ಕುತೂಹಲದಲ್ಲಿ ಆಕೆಯ ಸ್ಟಾರ್ ನೋಡಿದರು... ಅದೇ ಸಮಯದಲ್ಲಿ ಈ ಭಾವನಾತ್ಮಕ ಸಂದರ್ಭ ಫೋಟೋದಲ್ಲಿ ಸೆರೆಯಾಯ್ತು.
ರಟ್ಟನಾ ನ್ಗಾಸೆಪ್ಪಮ್ ಮಣಿಪುರದ ಇಂಫಾಲ್ನ ಉಪ ಪೊಲೀಸ್ ವರಿಷ್ಟಾಧಿಕಾರಿಯಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ತಮ್ಮ ತಂದೆಯ ಆಸೆಯನ್ನು ರಟ್ಟನಾ ಪೂರೈಸಿದ್ದಾರೆ. ಮಗಳನ್ನು ನೋಡಿದ ತಂದೆ ತುಂಬ ಸಂತಸಪಟ್ಟಿದ್ದಾರೆ. ಈ ತಂದೆ ಮಗಳ ಫೋಟೋ ಈಗ ಸೋಷಿಯಲ್ ಮೀಡಿಯಾದಲ್ಲಿ ದೊಡ್ಡ ಮಟ್ಟದಲ್ಲಿ ವೈರಲ್ ಆಗಿದೆ.
ಅನಾಥ ಶವಗಳಿಗೆ ಮುಕ್ತಿದಾತ ಚಾಮರಾಜನಗರದ ಈ ಪೊಲೀಸ್ ಅಧಿಕಾರಿ
ನೆಟ್ಟಿಗರು ಅಪ್ಪ ಮಗಳ ಸುಂದರ ಫೋಟೋಗೆ ಲೈಕ್ ನೀಡುತ್ತಿದ್ದಾರೆ. ಎಂತಹ ಅದ್ಭುತ ಸಂದರ್ಭ ಎಂದು ಹಾಡಿ ಹೊಗಳುತ್ತಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಇಂದು ಈ ಫೋಟೋ ದೊಡ್ಡ ಜನಪ್ರಿಯತೆ ಪಡೆದಿದೆ.
ಬಾಲಿವುಡ್ ನಟಿ ರವೀನಾ ಟಂಡನ್ ಸಹ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಈ ಫೋಟೋ ಹಂಚಿಕೊಂಡಿದ್ದಾರೆ. #proudindianwomen ಎಂದು ರಟ್ಟನಾ ಸಾಧನೆಗೆ ಭೇಷ್ ಎಂದಿದ್ದಾರೆ.
#proudindianwomen🇮🇳🙏🏻 https://t.co/E91HoSfedL
— Raveena Tandon (@TandonRaveena) May 7, 2020
ರಟ್ಟನಾ ಅವರ ಈ ಫೋಟೋವನ್ನು ಕೆಲವು ತಿಂಗಳ ಹಿಂದೆ ಕ್ಲಿಕ್ ಮಾಡಲಾಗಿದೆ. ಕಳೆದ ಗುರುವಾರ ಟ್ವಿಟ್ಟರ್ ಖಾತೆಯಲ್ಲಿ ಅಪ್ ಲೋಡ್ ಆದ ಫೋಟೋ ವೈರಲ್ ಆಗಲು ಶುರುವಾಗಿದೆ.