• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಸಿವೋಟರ್ ಸಮೀಕ್ಷೆ : ಜರ್ರನೆ ಏರಿದ ನರೇಂದ್ರ ಮೋದಿ ಜನಪ್ರಿಯತೆ ಸೂಚ್ಯಂಕ

|
      Lok Sabha Elections 2019: ಸಿವೋಟರ್ ಸಮೀಕ್ಷೆ: ಜನಪ್ರಿಯತೆ ಸೂಚ್ಯಂಕ | Oneindia Kannada

      ನವದೆಹಲಿ, ಮಾರ್ಚ್ 20 : ಲೋಕಸಭೆ ಚುನಾವಣೆಯ ಕಾವು ಏರುತ್ತಿದ್ದ ಹಾಗೆ ಪ್ರಧಾನಿ ನರೇಂದ್ರ ಮೋದಿ ಅವರು ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಅವರ ವಿರುದ್ಧ ಮತ್ತೊಂದು ಚುನಾವಣಾ ಸಮೀಕ್ಷೆಯಲ್ಲಿ ದಿಗ್ವಿಜಯ ಸಾಧಿಸಿದ್ದಾರೆ.

      ಸಿವೋಟರ್ ಸಂಸ್ಥೆಯೊಂದಿಗೆ ರಿಪಬ್ಲಿಕ್ ನಡೆಸಿದ ಜಂಟಿ ಚುನಾವಣಾ ಸಮೀಕ್ಷೆ, ಪ್ರಧಾನಿ ನರೇಂದ್ರ ಮೋದಿ ಮತ್ತು ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಅವರ ನಡುವೆ ಯಾರು ಅತ್ಯಂತ ಜನಪ್ರಿಯತೆ ಗಳಿಸಿದ್ದಾರೆ ಎಂಬುದರತ್ತ ಬೆಳಕು ಚೆಲ್ಲಿದೆ.

      ಟೈಮ್ಸ್ ನೌ ಸಮೀಕ್ಷೆ: ಮೋದಿ ಅಲೆ ಭಾರತದೆಲ್ಲೆಡೆ ಎನ್ಡಿಎ ಜಯಭೇರಿ

      2019ರ ಫೆಬ್ರವರಿ 1ರಿಂದ ಮಾರ್ಚ್ 7ರೊಳಗೆ, ಬಾಲಕೋಟ್ ದಾಳಿಯ ನಂತರ ನಡೆಸಿದ ಸಮೀಕ್ಷೆ, ಇಬ್ಬರು ಉನ್ನತ ನಾಯಕರ ಜನಪ್ರಿಯತೆಯಲ್ಲಿ ಯಾವ ರೀತಿಯ ಬದಲಾವಣೆಯಾಗಿದೆ ಎಂಬುದರ ಬಗ್ಗೆ ಅಚ್ಚರಿಯ ಅಂಕಿಸಂಖ್ಯೆಗಳನ್ನು ಹೊರಹಾಕಿದೆ.

      ಬಾಲಕೋಟ್ ನಲ್ಲಿ ಉಗ್ರರ ನೆಲೆಗಳ ಮೇಲೆ ಭಾರತೀಯ ವಾಯು ಸೇನೆ ನಡೆಸಿದ ನಂತರ ನರೇಂದ್ರ ಮೋದಿಯವರ ಜನಪ್ರಿಯತೆಯ ಸೂಚ್ಯಂಕ ಮೇಲೇರಿದೆ. ಆದರೆ, ಅದೇ ಸಮಯದಲ್ಲಿ ನರೇಂದ್ರ ಮೋದಿ ಮೇಲೆ ವಾಗ್ದಾಳಿ ನಡೆಸುತ್ತಿರುವ ರಾಹುಲ್ ಗಾಂಧಿ ಅವರ ಜನಪ್ರಿಯತೆಯ ಸೂಚ್ಯಂಕ ಜರ್ರನೆ ಇಳಿದಿದೆ.

      ನರೇಂದ್ರ ಮೋದಿಯವರೇ ಪ್ರಧಾನಿಯಾಗಲಿ

      ನರೇಂದ್ರ ಮೋದಿಯವರೇ ಪ್ರಧಾನಿಯಾಗಲಿ

      ಮಾರ್ಚ್ 7ರ ಹೊತ್ತಿಗೆ 5079 ಜನರಿಂದ ಅಭಿಪ್ರಾಯಗಳನ್ನು ಸಂಗ್ರಹಿಸಲಾಗಿದ್ದು, ಶೇ.64.3ರಷ್ಟು ಜನರು ನರೇಂದ್ರ ಮೋದಿಯವರು ಮತ್ತೆ ಪ್ರಧಾನಿಯಾಗಲೇಬೇಕು ಎಂದು ಅಭಿಪ್ರಾಯ ಹೇಳಿದ್ದಾರೆ. ಆದರೆ, ಶೇ.26.6ರಷ್ಟು ಜನರು ಮಾತ್ರ ರಾಹುಲ್ ಗಾಂಧಿ ಅವರು ಪ್ರಧಾನಿಯಾಗಬಹುದು ಎಂದಿದ್ದಾರೆ. ಶೇ.9.1ರಷ್ಟು ಜನರು ಮಾತ್ರ ಬೇರೆ ಯಾರಾದರೂ ಪ್ರಧಾನಿಯಾಗಲಿ ಎಂದು ಅನಿಸಿಕೆ ವ್ಯಕ್ತಪಡಿಸಿದ್ದಾರೆ ಅಥವಾ ಯಾವುದೇ ಅಭಿಪ್ರಾಯ ಹೇಳಿಲ್ಲ. ಬಾಲಕೋಟ್ ಏರ್ ಸ್ಟ್ರೈಕ್ ನಡೆದಿದ್ದು ಫೆಬ್ರವರಿ 26ರಂದು.

      ಮೋದಿ ನಂತರದ ಸ್ಥಾನದಲ್ಲಿ ರಾಹುಲ್

      ಮೋದಿ ನಂತರದ ಸ್ಥಾನದಲ್ಲಿ ರಾಹುಲ್

      ಇದಕ್ಕೂ ಮೊದಲು, ಅಂದರೆ ಬಾಲಕೋಟ್ ಏರ್ ಸ್ಟ್ರೈಕ್ ದಾಳಿಗೂ ಮುಂಚೆ ನಡೆಸಿದ್ದ ಸಮೀಕ್ಷೆಯಲ್ಲಿ, ಸಂಗ್ರಹಿಸಲಾಗಿದ್ದ 4506 ಜನರ ಅಭಿಪ್ರಾಯಗಳಲ್ಲಿ, ಶೇ.53ರಷ್ಟು ಜನರು ನರೇಂದ್ರ ಮೋದಿ ಅವರು ಪ್ರಧಾನಿಯಾಗಲಿ ಎಂದಿದ್ದರು. ಅವರ ಹಿಂದಿರುವ ರಾಹುಲ್ ಗಾಂಧಿ ಅವರು ಪ್ರಧಾನಿಯಾಗಲಿ ಎಂದು ಆಗ ಶೇ.36.2ರಷ್ಟು ಜನರು ಅಭಿಪ್ರಾಯ ವ್ಯಕ್ತಪಡಿಸಿದ್ದರು. ಇವರಿಬ್ಬರೂ ಆಗುವುದು ಬೇಡ ಎಂದು ಅಂದವರು ಶೇ.4.2ರಷ್ಟು ಜನ ಮಾತ್ರ. ಹಳೆಯ ಸಮೀಕ್ಷೆಗೂ ನಂತರ ನಡೆಸಿದ ಸಮೀಕ್ಷೆಗೂ ಭಾರೀ ವ್ಯತ್ಯಾಸ ಕಂಡುಬಂದಿದೆ.

      ನ್ಯೂಸ್ ನೇಷನ್ ಸಮೀಕ್ಷೆ: ಮಧ್ಯಪ್ರದೇಶದಲ್ಲಿ ಬಿಜೆಪಿಗೆ ಮೋದಿ ಬಲ

      ಏರ್ ಸ್ಟ್ರೈಕ್ ನಂತರ ಜರ್ರನೆ ಏರಿದ ಜನಪ್ರಿಯತೆ

      ಏರ್ ಸ್ಟ್ರೈಕ್ ನಂತರ ಜರ್ರನೆ ಏರಿದ ಜನಪ್ರಿಯತೆ

      ಮಧ್ಯಂತರ ಬಜೆಟ್ ಮಂಡಿಸಿದ ಸಮಯದಲ್ಲಿ ನರೇಂದ್ರ ಮೋದಿ ಮತ್ತು ರಾಹುಲ್ ಗಾಂಧಿ ಅವರ ನಡುವಿನ ಜನಪ್ರಿಯತೆಯ ಸೂಚ್ಯಂಕದ ವ್ಯತ್ಯಾಸ ಶೇ.16.8ರಷ್ಟು ಮಾತ್ರವಿತ್ತು. ಆದರೆ, ಪಾಕ್ ಆಕ್ರಮಿತ ಕಾಶ್ಮೀರದಲ್ಲಿ ನರೇಂದ್ರ ಮೋದಿ ನೇತೃತ್ವದಲ್ಲಿ ನಡೆಸಿದ ಭರ್ಜರಿ ಏರ್ ಸ್ಟ್ರೈಕ್ ನಂತರ ಮೋದಿಯವರ ಜನಪ್ರಿಯತೆಯ ಸೂಚ್ಯಂಕ ರಾಹುಲ್ ಗಾಂಧಿ ಅವರ ಜನಪ್ರಿಯತೆಗಿಂತ ಶೇ.37.7ರಷ್ಟು ಹೆಚ್ಚಾಗಿದೆ.

      ಫಲಿತಾಂಶ ಮೇ 23ರಂದು ತಿಳಿದುಬರಲಿದೆ

      ಫಲಿತಾಂಶ ಮೇ 23ರಂದು ತಿಳಿದುಬರಲಿದೆ

      ಚುನಾವಣೆಯ ದಿನಾಂಕ ಹತ್ತಿರ ಬರುತ್ತಿದ್ದಂತೆ ನರೇಂದ್ರ ಮೋದಿ ಮತ್ತು ರಾಹುಲ್ ಗಾಂಧಿ ಭರ್ಜರಿ ಪ್ರಚಾರ ನಡೆಸುತ್ತಿದ್ದಾರೆ. ಚುನಾವಣೆಯ ಕಾವು ಏರುತ್ತಿದೆ. ಇಬ್ಬರೂ ನಾಯಕರು 272 ಸಂಖ್ಯೆಯ ಬೆನ್ನತ್ತಿದ್ದಾರೆ. ಯಾವ ಪಕ್ಷಕ್ಕೆ ಈ ಸಂಖ್ಯೆ ಒಲಿಯಲಿದೆ ಎಂಬುದು ಏಳು ಹಂತಗಳ ಚುನಾವಣೆಯ ನಂತರ ಮೇ 23ರಂದು ತಿಳಿದುಬರಲಿದೆ. ಆದರೆ, ಈಗ ಹೊರಬಂದಿರುವ ಚುನಾವಣಾ ಸಮೀಕ್ಷೆ ಕಾಂಗ್ರೆಸ್ಸಿಗೆ ತುಸು ಗಲಿಬಿಲಿ ತಂದಿದ್ದರೂ ಅಚ್ಚರಿಯಿಲ್ಲ.

      ಏರ್ ಸ್ಟ್ರೈಕ್ ನಂತರ ಉತ್ತರ ಪ್ರದೇಶದಲ್ಲಿ ಬದಲಾಗಲಿದೆಯೆ ಬಿಜೆಪಿ ಲಕ್ಕು?

      lok-sabha-home

      ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

      English summary
      Republic-CVoter opinon poll survey : Narendra Modi's popularity index raises, it has gone higher than Rahul Gandhi, who is in the second position.

      Oneindia ಬ್ರೇಕಿಂಗ್ ನ್ಯೂಸ್,
      ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

      Notification Settings X
      Time Settings
      Done
      Clear Notification X
      Do you want to clear all the notifications from your inbox?
      Settings X
      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more