Click it and Unblock the Notifications
Just In
-
-
-
Don't Miss
-
ಅಯೋಧ್ಯೆಯಲ್ಲಿ ಓಲಾ ಕ್ಯಾಬ್ ಸೇವೆ ಆರಂಭ -
'KGF-2' ಚಿತ್ರದಿಂದ ಸಿಕ್ಕಿದ್ದು 200 ಕೋಟಿ ರೂ.; 'ಟಾಕ್ಸಿಕ್', 'ರಾಮಾಯಣ'ಕ್ಕೆ ಯಶ್ 50-50 ಡೀಲ್! -
CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ -
ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ -
ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ -
Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್.. -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಈ ಜೈಲಿನಲ್ಲಿ ಲಕ್ಷಗಟ್ಟಲೆ ಸುರಿದರೆ ಮಾತ್ರ ಕೈದಿಗಳಿಗೆ ಐಶಾರಾಮಿ ಜೀವನ
ಅರ್ಥೂರ್ ರೋಡ್ ಜೈಲಿನಲ್ಲಿ ಕೈದಿಗಳ ವಿಲಾಸಿ ಜೀವನಕ್ಕಾಗಿಯೇ ಪ್ರತ್ಯೇಕ ಬರಾಕ್ ಗಳನ್ನು ನಿರ್ಮಿಸಲಾಗಿದೆ. ಇಲ್ಲಿ ಭ್ರಷ್ಟಾಚಾರ ನಡೆಯುತ್ತಿದೆ ಎಂಬುದು ಕೈದಿಯೊಬ್ಬನ ವಾದ.
ಮುಂಬೈ, ಏಪ್ರಿಲ್ 7: ಮುಂಬೈನ ಅತಿ ಹಳೆಯ ಜೈಲು ಎಂದೆನಿಸಿರುವ ಅರ್ಥೂರ್ ರೋಡ್ ಜೈಲಿನಲ್ಲಿ ಪೊಲೀಸರು ಕೈದಿಗಳಿಗೆ ಐಶಾರಾಮಿ ಜೀವನ ನಡೆಸಲು ಬೇಕಾದ ಸೌಕರ್ಯಗಳನ್ನು ನೀಡುತ್ತಾರಲ್ಲದೆ, ಈ ಸೌಕರ್ಯಗಳಿಗಾಗಿ ತಿಂಗಳಿಗೆ 5 ಲಕ್ಷ ರು. ಹಣ ದೋಚುತ್ತಿದ್ದಾರೆಂದು ವಿಲಾಸ್ ಭಾರತಿ ಎಂಬ ಭೂಗತ ಪಾತಕಿ ಬಾಂಬೆ ಹೈಕೋರ್ಟ್ ಗೆ ದೂರು ಸಲ್ಲಿಸಿದ್ದಾನೆ.
ಈ ವಿಲಾಸ್ ಭಾರತಿ, ಕುಖ್ಯಾತ ಭೂಗತ ಪಾತಕಿ ಛೋಟಾ ರಾಜನ್ ನ ಗುಂಪಿನವನು. ಸುಲಿಗೆ ಹಾಗೂ ಕೊಲೆ ಪ್ರಕರಣಗಳಲ್ಲಿ ಬಂಧಿತನಾಗಿ ವಿಚಾರಣೆ ಎದುರಿಸುತ್ತಿದ್ದಾನೆ.
ಈತ ಹೇಳುವುದೇನೆಂದರೆ, ಅರ್ಥೂರ್ ರೋಡ್ ಜೈಲಿನಲ್ಲಿ ಕೈದಿಗಳ ವಿಲಾಸಿ ಜೀವನಕ್ಕಾಗಿಯೇ ಪ್ರತ್ಯೇಕ ಬರಾಕ್ ಗಳನ್ನು ನಿರ್ಮಿಸಲಾಗಿದೆ. ಇವು ಮೊಟ್ಟೆಯಾಕಾರದಲ್ಲಿರುವುದರಿಂದ ಇವಕ್ಕೆ ಅಂಡಾ ಸೆಲ್ ಎಂದು ಕರೆಯಲಾಗುತ್ತದೆ.
ಈ ಸೆಲ್ ಗಳಿಗೆ ಭಾರೀ ಭದ್ರತೆ ಇರುವುದರ ಜತೆಗೆ, ವಿಲಾಸೀ ಜೀವನಕ್ಕೆ ಏನು ಬೇಕೋ ಅದೆಲ್ಲವನ್ನೂ ನಿಗದಿಗೊಳಿಸಲಾಗಿದೆ. ಉದಾಹರಣೆಗೆ, ಇಲ್ಲಿ ಮಾಸಿಕವಾಗಿ 2 ಲಕ್ಷ, 5 ಲಕ್ಷ ಹಾಗೂ 10 ಲಕ್ಷ ರು. ಬಾಡಿಗೆ ದರ ಇರುವ ಮೂರು ಬಗೆಯ ಸೆಲ್ ಗಳಿವೆ. ಇವುಗಳಲ್ಲಿ ಕೈದಿಗಳು ತಮ್ಮ ಆರ್ಥಿಕ ಶಕ್ತಿಗೆ ತಕ್ಕಂತೆ ಯಾವ ಸೆಲ್ ಗಳನ್ನು ಆರಿಸಿಕೊಳ್ಳುತ್ತಾರೋ ಅಂಥ ಸೆಲ್ ಗಳಲ್ಲಿ ವಾಸ್ತವ್ಯ ಹೂಡಲು ಅವಕಾಶ ಸಿಗುತ್ತದೆ. ಈ ಎಲ್ಲವೂ ನಿಗದಿತ ದರಕ್ಕಿಂತ ದುಬಾರಿಯಾಗಿದ್ದು ಇದನ್ನು ಜೈಲು ಸಿಬ್ಬಂದಿ ದಂಧೆಯಾಗಿ ಬಳಸಿಕೊಳ್ಳುತ್ತಿದ್ದಾರೆಂದು ಭಾರತಿ ಆರೋಪಿಸಿದ್ದಾರೆ.
ತಾನು 5 ಲಕ್ಷ ರು. ಬಾಡಿಗೆಯ ಅಂಡಾ ಸೆಲ್ ನಲ್ಲಿ ಕಳೆದ 38 ತಿಂಗಳಿಂದ ಇದ್ದಿದ್ದಾಗಿ ಹೇಳಿಕೊಂಡಿರುವ ಭಾರತಿ, ಮನೆಯಲ್ಲಿ ತಯಾರಾದ ಅಡುಗೆ, ವೇಳೆಗೆ ತಕ್ಕಂತೆ ತಿಂಡಿ, ಕಾಫಿ, ಟೀ ಸಿಗುತ್ತದೆ. ಓದಲು ಮ್ಯಾಗಜೀನ್, ಪತ್ರಿಕೆಗಳು, ಟಿವಿ ಸೌಕರ್ಯ, ಇಸ್ಪೀಟ್ ಕಾರ್ಡುಗಳು, ಕೇರಂ ಬೋರ್ಡ್, ಟಿವಿ, ರೇಡಿಯೋ ಹಾಗೂ ಇನ್ನಿತರ ಸೌಲಭ್ಯಗಳು ಸಿಗುತ್ತವೆ.
ಆದರೆ, ಕೆಲ ತಿಂಗಳುಗಳಿಂದ ತಮಗೆ 5 ಲಕ್ಷ ರು. ಹೊಂದಿಸಲು ಸಾಧ್ಯವಾಗದ ಹಿನ್ನೆಲೆಯಲ್ಲಿ ನನ್ನನ್ನು ಅಂಡಾ ಸೆಲ್ ನಿಂದ ಹೊರಗೆ ಅಟ್ಟಿ, ನನ್ನನ್ನು ಸಾಧಾರಣ ಬರಾಕ್ ಗಳಲ್ಲಿ ಹಾಕಿದ್ದಾರೆ. ಇಲ್ಲಿ ನಡೆಯುವ ದಂಧೆಯನ್ನು ಈ ಹಿಂದೆ ಕೆಳ ನ್ಯಾಯಾಲಯದ ನ್ಯಾಯಾಧೀಶರೊಬ್ಬರ ಗಮನಕ್ಕೆ ತಂದಿದ್ದಾಗ, ಜೈಲಿನ ಸಿಬ್ಬಂದಿಯು ಖೋಟಾ ಪ್ರಮಾಣ ಪತ್ರಗಳನ್ನು ನೀಡಿ ನನ್ನ ವಾದಕ್ಕೆ ಸೋಲಾಗುವಂತೆ ನೋಡಿಕೊಂಡರೆಂದೂ ಆರೋಪಿಸಿದ್ದಾರೆ.
ಇದಲ್ಲದೆ, ಜೈಲಿನ ಕ್ಯಾಂಟೀನ್ ಗಳಲ್ಲಿ ಗುಟ್ಕಾ, ಗಾಂಜಾ ಮಾರಾಟ ಮಾಡಲೂ ಅವಕಾಶ ನೀಡಲಾಗಿದೆ ಎಂದು ಅವರು ತಿಳಿಸಿದ್ದಾರೆ.
