3 ವರ್ಷದಲ್ಲಿ 36 ಸಿಬಿಐ ಅಧಿಕಾರಿಗಳ ಮೇಲೆ ಭ್ರಷ್ಟಾಚಾರದ ಪ್ರಕರಣ

ಕಳೆದ ಮೂರು ವರ್ಷದಲ್ಲಿ 36 ಸಿಬಿಐ ಅಧಿಕಾರಿಗಳ ಮೇಲೆ ಭ್ರಷ್ಟಾಚಾರದ ಪ್ರಕರಣ ದಾಖಲಾಗಿದೆ ಎಂದು ಗುರುವಾರ ಸರಕಾರ ತಿಳಿಸಿದೆ. ಸಿಬಿಐನೊಳಗಿನ ವಿಚಾರವನ್ನು ಆಂತರಿಕವಾಗಿ ನಿಗಾ ಮಾಡುವ ವ್ಯವಸ್ಥೆ ಇದೆ. ಸಂಸ್ಥೆಯೊಳಗಿನ ಅಧಿಕಾರಿಗಳ ಮೇಲೆ ಆರೋಪ ಬಂದಾಗ ಪದ್ಧತಿ ಅನುಸರಿಸಲಾಗುತ್ತದೆ.

ಕಳೆದ ಮೂರು ವರ್ಷದಲ್ಲಿ ಸಿಬಿಐನಿಂದ ಅಂತ ಹತ್ತು ಪ್ರಾಥಮಿಕ ವಿಚಾರಣೆಗಳು ಹಾಗೂ ಇಪ್ಪತ್ತು ಸಾಮಾನ್ಯ ಪ್ರಕರಣಗಳು ಮೂವತ್ತಾರು ಸಿಬಿಐ ಅಧಿಕಾರಿಗಳು ಮತ್ತು ಇತರರ ವಿರುದ್ಧ ದಾಖಲಾಗಿದೆ ಎಂದು ಸರಕಾರ ತಿಳಿಸಿದೆ.

ಕೇಂದ್ರ ವಿಚಕ್ಷಣಾ ದಳ ನಿರ್ವಹಿಸಿರುವ ದತ್ತಾಂಶದ ಪ್ರಕಾರ, 2016ರ ಜನವರಿಯಿಂದ ಜುಲೈ 2, 2019ರ ಅವಧಿಯಲ್ಲಿ ಆರು ಅಧಿಕಾರಿಗಳನ್ನು ಒಳಗೊಂಡಂತೆ ಏಳು ದೂರು ದಾಖಲಾಗಿದೆ (ಎರಡು ದೂರಿನಲ್ಲಿ ಸಿಬಿಐ ಅಧಿಕಾರಿಗಳ ಹೆಸರಿಲ್ಲ). ಭ್ರಷ್ಟಾಚಾರದ ಬಗ್ಗೆ ನಂಬಲರ್ಹ ಮಾಹಿತಿ ಮೂಲಕ ಆರೋಪ ಕೇಳಿಬಂದಿದೆ ಎಂದು ಸಚಿವ ಜಿತೇಂದ್ರ ಸಿಂಗ್ ರಾಜ್ಯಸಭೆಯಲ್ಲಿ ಉತ್ತರ ನೀಡಿದ್ದಾರೆ.

ತನಿಖೆ ಮಾಡಿ, ವರದಿ ಸಲ್ಲಿಸಬೇಕು ಎಂದು ಈ ದೂರುಗಳನ್ನೆಲ್ಲ ಸಿಬಿಐನ ಕೇಂದ್ರ ವಿಚಕ್ಷಣ ದಳದಿಂದ ಮುಖ್ಯ ವಿಚಕ್ಷಣ ಅಧಿಕಾರಿಗಳಿಗೆ ವಹಿಸಲಾಗಿದೆ.

English summary

Corruption case against 36 CBI officers in last 3 years, information revealed by union minister Jitendra Singh in Rajyasabha.