ಕೊರೊನಾ ಜೊತೆಗೆ ಜೀವನ, ಎಸಿ ತಾಪಮಾನ ಎಷ್ಟಿರಬೇಕು?
ಬೆಂಗಳೂರು, ಏಪ್ರಿಲ್ 28: ಕೊರೊನಾವೈರಸ್ ಸೋಂಕು ಹರಡುವ ಬಗ್ಗೆ ಇನ್ನೂ ಚರ್ಚೆ ಜಾರಿಯಲ್ಲಿದೆ. ಈ ನಡುವೆ ಬೇಸಿಗೆಯ ಬಿಸಿಯಲ್ಲಿ ಮನೆಯಲ್ಲಿರುವ ಎಸಿ ಹಾಕುವ ಮುನ್ನ ಎಚ್ಚರ. ಎಸಿ, ತಂಪು ವಾತಾವರಣ ಕೊರೊನಾಕ್ಕೆ ನೀಡಬಹುದು ಆಹ್ವಾನ ಎಂಬ ಸುದ್ದಿ ಬಂದಿದೆ.
Recommended Video
ವೈರಸ್ ಹರಡದಂತೆ ಏರ್ ಕಂಡೀಷನರ್ ಬಳಸುವುದು ಹೇಗೆ? ಬಳಸಲು ಯಾವುದಾದರೂ ಮಾರ್ಗಸೂಚಿ ಇದೆಯೆ? ಎಂಬ ಪ್ರಶ್ನೆಗೆ ಇಲ್ಲಿದೆ ಉತ್ತರ...
ವಿಜ್ಞಾನಿಗಳ ಸಲಹೆ ಮೇರೆಗೆ ಸದ್ಯಕ್ಕೆ ಲಭ್ಯವಾಗಿರುವ ಮಾಹಿತಿಯಂತೆ ಏರ್ ಕೂಲರ್, ಏರ್ ಕಂಡೀಷನರ್ ಬಳಕೆಯಿಂದ ಕೊರೊನಾ ಹರಡುವುದಿಲ್ಲ. ಆದರೆ, ಥಂಡಿ ವಾತಾವರಣವಿದ್ದರೆ ಕೆಲವರಿಗೆ ಶೀತ ಉಂಟಾಗುವ ಸಾಧ್ಯತೆ ಯಿರುತ್ತದೆ. ಹೀಗಾಗಿ, ಕೇಂದ್ರ ಲೋಕೋಪಯೋಗಿ ಇಲಾಖೆ (CPWD) ತನ್ನ ಫೀಲ್ಡ್ ಆಫೀಸರ್ ಗಳಿಗೆ ಕಚೇರಿಗಳಿಗೆ ನಿರ್ದಿಷ್ಟ ತಾಪಮಾನ ಬಳಕೆಯಲ್ಲಿ ಎಸಿ ಬಳಸಲು ಸೂಚನೆ ನೀಡಿದೆ.
ಎಸಿ ತಾಪಮಾನ: ಏರ್ ಕಂಡೀಷನರ್ ತಾಪಮಾನ 24 ಡಿಗ್ರಿ ಸೆಲ್ಸಿಯಸ್ ನಿಂದ 30 ಡಿಗ್ರಿ ಸೆಲ್ಸಿಯಸ್ ನಷ್ಟಿರಬೇಕು. ತೇವಾಂಶ 40 ರಿಂದ 70% ರಷ್ಟಿರಬೇಕು ಎಂದು ಸೂಚನೆ ನೀಡಲಾಗಿದೆ. ಹೀಟಿಂಗ್ ರೆಫ್ರಿಜೆರೇಟಿಂಗ್ ಹಾಗೂ ಏರ್ ಕಂಡೀಷನರ್ ಇಂಜಿನಿಯರ್ಸ್ ಸೊಸೈಟಿ ನೀಡಿದ ಸಲಹೆಯಂತೆ ಈ ಮಾರ್ಗಸೂಚಿ ನೀಡಲಾಗಿದೆ.
ವೈರಸ್ ಹರಡುವಿಕೆ 20.5 nand 24 ಡಿಗ್ರಿ ಸೆಂಟಿಗ್ರೇಡ್ ಇದ್ದಾಗ ಕಡಿಮೆ ಪ್ರಮಾಣದಲ್ಲಿರುತ್ತದೆ. 30 ಡಿಗ್ರಿ ಮೇಲ್ಪಟ್ಟು ವೈರಸ್ ಇರುವಿಕೆ ತೀರಾ ಕಡಿಮೆ ಎಂದು ತಿಳಿದು ಬಂದಿದೆ.
ಆದಷ್ಟು ಹೊರಗಿನ ವಾತಾವರಣ, ಗಾಳಿ ಸೇವನೆ ಒಳ್ಳೆಯದು, ಫ್ಯಾನ್, ಏರ್ ಕೂಲರ್, ಎಸಿ ಬಳಕೆ ಕಡಿಮೆ ಮಾಡಿ, ಅಗತ್ಯವಿದ್ದರೆ, ಸೂಚನೆ ಪಾಲಿಸಿ ಎಂದು ಸೂಚಿಸಲಾಗಿದೆ.