2007-2017ರ ಮಧ್ಯೆ 37 ಬಾರಿ ಭಾರತಕ್ಕೆ ಕಾಲಿಟ್ಟಿತ್ತು ಚೀನಾ ಸೇನೆ!
ನವದೆಎಹಲಿ, ಆಗಸ್ಟ್ 1: ಉತ್ತರಖಂಡದ ಚಮೋಲಿ ಜಿಲ್ಲೆಯ ಬಾರಹೋಟಿಯಲ್ಲಿ ಭಾರತದ ಭೂ ಪ್ರದೇಶವನ್ನು ಚೀನಾ ಸೇನೆ ಪ್ರವೇಶಿಸಿದೆ. ಒಂದು ವಾರದ ಹಿಂದೆ ನಡೆದ ಈ ಘಟನೆ ಇದೀಗ ವಿವಾದಕ್ಕೆ ಕಾರಣವಾಗಿದೆ. ಈ ಕುರಿತು ಪ್ರತಿಕ್ರಿಯೆ ನೀಡಿರುವ ದೆಹಲಿಯ ಗೃಹ ಇಲಾಖೆ ಉನ್ನತ ಅಧಿಕಾರಿ, ಇದೇನು ಹೊಸದಲ್ಲ. ಈ ರೀತಿ ಹಿಂದೆ ತುಂಬಾ ಸಲ ಆಗಿದೆ. ಮತ್ತು ಈ ಸಂದರ್ಭಗಳಲ್ಲಿ ಸಮಸ್ಯೆಯನ್ನು ಸ್ಥಳೀಯವಾಗಿಯೇ ಪರಿಹರಿಸಿರುವುದಾಗಿ ಹೇಳಿದ್ದಾರೆ.
ಚೀನಾದ ಅತಿಕ್ರಮಣ ಯತ್ನ ವಿಫಲಗೊಳಿಸಿದ ಭಾರತೀಯ ಸೈನಿಕರು
ವರ್ಷದ ಹಿಂದೆಯೂ ಚೀನಾದ ಪೀಪಲ್ಸ್ ಲಿಬರೇಷನ್ ಆರ್ಮಿ ಇದೇ ರೀತಿ ಇದೇ ಪ್ರದೇಶದಲ್ಲಿ ಕಾಣಿಸಿಕೊಂಡಿತ್ತು. ಆದರೆ ಈ ಸಮಸ್ಯೆಯನ್ನು ಅಲ್ಲೇ ಬಗೆಹರಿಸಲಾಗಿತ್ತು.
ವಿಶೇಷವೆಂದರೆ ಈ ರೀತಿಯ ಸಮಸ್ಯೆಗಳು 1958ರಲ್ಲಿ ಮೊದಲ ಬಾರಿಗೆ ತಲೆದೋರಿದ್ದವು. ನಂತರ ಅದೇ ವರ್ಷ ಚೀನಾದ ನಿಯೋಗ ಭಾರತಕ್ಕೆ ಭೇಟಿ ನೀಡಿತ್ತು. ಕೊನೆಗೆ ಈ ಪ್ರದೇಶಕ್ಕೆ ಎರಡೂ ದೇಶಗಳು ಸೇನೆ ಕಳುಹಿಸುವುದು ಬೇಡ ಎಂಬ ತೀರ್ಮಾನಕ್ಕೆ ಬರಲಾಯಿತು. ಆದರೆ ಈ ಕುರಿತು ಅಂತಿಮ ತೀರ್ಮಾನ ಮಾತ್ರ ಇನ್ನೂ ಆಗಿಲ್ಲ.
ಪರ್ವತವನ್ನು ಅಲ್ಲಾಡಿಸಬಹುದು ಚೀನಾ ಸೇನೆಯನ್ನಲ್ಲ: ಭಾರತಕ್ಕೆ ಎಚ್ಚರಿಕೆ
ಇನ್ನು ಈ ಕುರಿತು ಇಂಡೋ ಟಿಬೇಟಿಯನ್ ಬಾರ್ಡರ್ ಪೊಲೀಸ್ (ಐಟಿಬಿಪಿ) ವರದಿಯೊಂದನ್ನು ಗೃಹ ಇಲಾಖೆಗ ಕಳುಹಿಸಿದೆ. ಈ ವರದಿಯಲ್ಲಿ ಚೀನಾ ಸೇನೆ 2007ರಿಂದ 2012ರ ನಡುವೆ 37 ಬಾರಿ ಭಾರತದ ಗಡಿಯೊಳಕ್ಕೆ ಬಂದಿತ್ತು ಎಂಬುದಾಗಿ ಹೇಳಿದೆ.