Click it and Unblock the Notifications
Just In
-
-
-
Don't Miss
-
Earbuds: 2000 ರೂ. ಒಳಗೆ ಲಭ್ಯ ಇರುವ ಅತ್ಯುತ್ತಮ ಇಯರ್ಬಡ್ಸ್! ಸಖತ್ ಫೀಚರ್ಸ್... -
mukesh ambaniಗೆ 67 ವರ್ಷ, ಅವರು ಹೊಂದಿರುವ ದುಬಾರಿ ವಸ್ತುಗಳು ಏನೇನು ಗೊತ್ತಾ? -
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಭಾರತದ ಗಡಿಗೆ ಹೊಸ ಕಮಾಂಡರ್ ನೇಮಿಸಿದ ಚೀನಾ
ನವದೆಹಲಿ, ಡಿಸೆಂಬರ್ 21: ಭಾರತದ ಗಡಿಯೊಂದಿಗಿನ ಚಟುವಟಿಕೆಗಳನ್ನು ನೋಡಿಕೊಳ್ಳುವ ವೆಸ್ಟರ್ನ್ ಥಿಯೇಟರ್ ಕಮಾಂಡ್ (ಡಬ್ಲ್ಯೂಟಿಸಿ) ವಿಭಾಗಕ್ಕೆ ಚೀನಾ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್ ಅವರು ಹೊಸ ಕಮಾಂಡರ್‌ನನ್ನು ನೇಮಿಸಿದ್ದಾರೆ. ಲಡಾಖ್‌ನಲ್ಲಿ ಭಾರತ-ಚೀನಾ ಗಡಿ ಉದ್ವಿಗ್ನತೆ ಮುಂದುವರಿದಿರುವ ವೇಳೆಯಲ್ಲಿಯೇ ಈ ಹೊಸ ನೇಮಕಾತಿ ನಡೆದಿದೆ.
ಡಬ್ಲ್ಯೂಟಿಸಿಯಲ್ಲಿ ಪ್ರಬಲ ಕಮಾಂಡರ್ ಎನಿಸಿದ್ದ ಜನರಲ್ ಝಾವೊ ಜೊಂಗ್‌ಕಿ ನಿವೃತ್ತರಾಗುತ್ತಿದ್ದು, ಅವರ ಸ್ಥಾನಕ್ಕೆ ಜನರಲ್ ಝಾಂಗ್ ಕ್ಸುಡೊಂಗ್ ಅವರನ್ನು ನೇಮಿಸಲಾಗಿದೆ. ಝಾಂಗ್ ಅವರು ಚೀನಾ ರಾಜಧಾನಿ ಬೀಜಿಂಗ್‌ನ ಭದ್ರತಾ ಜವಾಬ್ದಾರಿ ನೋಡಿಕೊಳ್ಳುವ ಸೆಂಟ್ರಲ್ ಥಿಯೇಟರ್ ಕಮಾಂಡ್ ವಿಭಾಗದ ಎರಡನೆಯ ಹಂತದ ಕಮಾಂಡ್ ಆಗಿದ್ದರು.
ಡಬ್ಲ್ಯೂಟಿಸಿಯ ಕಮಾಂಡರ್ ಆಗಿ ಝಾಂಗ್, ಪೀಪಲ್ಸ್ ಲಿಬರೇಷನ್ ಆರ್ಮಿಯ (ಪಿಎಲ್‌ಎ) ಭೂದಳ (ಸೇನೆ), ವಾಯುಪಡೆ ಮತ್ತು ರಾಕೆಟ್ ದಳದ ಚಟುವಟಿಕೆಗಳ ನೇತೃತ್ವ ವಹಿಸಲಿದ್ದಾರೆ. ಇದರ ಜತೆಗೆ ಅವರು ಟಿಬೆಟ್ ಹಾಗೂ ಕ್ಸಿಂಜಿಯಾಂಗ್ ಪ್ರದೇಶಗಳಲ್ಲಿನ ಸೇನಾ ಚಟುವಟಿಕೆಗಳನ್ನೂ ನಿಭಾಯಿಸಲಿದ್ದಾರೆ.
ಕ್ಸಿ ಜಿನ್‌ಪಿಂಗ್ ಅವರು ಝಾಂಗ್ ಅವರನ್ನು ನೂತನ ಡಬ್ಲ್ಯೂಟಿಸಿ ಕಮಾಂಡರ್ ಆಗಿ ನೇಮಿಸಿರುವುದು ಲಡಾಖ್‌ನಲ್ಲಿನ ಗಡಿ ಬಿಕ್ಕಟ್ಟಿನ ವಿಚಾರದಲ್ಲಿ ಯಾವುದೇ ಪ್ರಭಾವ ಬೀರುವುದಿಲ್ಲ ಎಂದು ಭಾರತೀಯ ಸೇನಾ ಮೂಲಗಳು ತಿಳಿಸಿವೆ. ಇದು ಮಾಮೂಲಿ ನೇಮಕಾತಿ. ಈ ಚಳಿಗಾಲದ ಅವಧಿಯಲ್ಲಿ ಗಡಿಯಲ್ಲಿ ಉಭಯ ಪಡೆಗಳು ಹೆಚ್ಚು ಕ್ರಿಯಾಶೀಲವಾಗಿಲ್ಲ. ಹೀಗಾಗಿ ಅವರಿಗೆ ಗಡಿಯ ಸ್ಥಿತಿಗತಿಗಳನ್ನು ತಿಳಿದುಕೊಳ್ಳಲು ಸಾಕಷ್ಟು ಸಮಯ ಸಿಕ್ಕಂತಾಗಿದೆ.
