ಚಂದ್ರಯಾನ 3 ಮತ್ತಷ್ಟು ವಿಳಂಬ, 2022ರಲ್ಲಿ ಉಡಾವಣೆ ಸಾಧ್ಯತೆ
ನವದೆಹಲಿ,ಫೆಬ್ರವರಿ 21: ಚಂದ್ರಯಾನ 3 ಮತ್ತಷ್ಟು ವಿಳಂಬವಾಗಲಿದ್ದು 2022ರಲ್ಲಿ ಉಡಾವಣೆಯಾಗುವ ಸಾಧ್ಯತೆ ಇದೆ ಎಂದು ಇಸ್ರೋ ಮುಖ್ಯಸ್ಥ ಕೆ ಶಿವನ್ ಹೇಳಿದ್ದಾರೆ.
ಈ ಹಿಂದಿನ ಚಂದ್ರಯಾನಗಳಲ್ಲಿ ಆರ್ಬಿಟರ್ ಇತ್ತು. ಆದರೆ ಚಂದ್ರಯಾನ-3 ಆರ್ಬಿಟರ್ ರಹಿತವಾಗಿರಲಿದೆ. ಚಂದ್ರಯಾನ-3 ರೆಡೆಗೆ ನಾವು ಕೆಲಸ ಮಾಡುತ್ತಿದ್ದೇವೆ, ಚಂದ್ರಯಾನ-2 ಮಾದರಿಯಲ್ಲೇ ಚಂದ್ರಯಾನ-3 ರ ಸಂರಚನೆ ಇರಲಿದ್ದು, 2022 ಕ್ಕೆ ಉಡಾವಣೆಯಾಗುವ ನಿರೀಕ್ಷೆ ಇದೆ ಎಂದು ಶಿವನ್ ಪಿಟಿಐ ಗೆ ತಿಳಿಸಿದ್ದಾರೆ.
ಮಾನವ ಸಹಿತ ಚಂದ್ರಯಾನ ನಾಸಾ ತಂಡದಲ್ಲಿ ಓರ್ವ ಭಾರತೀಯ
ಕೋವಿಡ್-19 ಲಾಕ್ ಡೌನ್ ನ ಪರಿಣಾಮವಾಗಿ ಭಾರತೀಯ ಬಾಹ್ಯಾಕಾಶ ಸಂಸ್ಥೆ (ಇಸ್ರೋ) ಯ ಹಲವು ಯೋಜನೆಗಳು ವಿಳಂಬವಾಗಿದ್ದವು.
ಚಂದ್ರಯಾನ-2 ರೋವರ್ ನ್ನು ಚಂದ್ರನ ದಕ್ಷಿಣ ಧ್ರುವದ ಮೇಲೆ ಇಳಿಸಿ ಅಲ್ಲಿನ ಅನ್ವೇಷಣೆಗೆ ಉದ್ದೇಶಿಸಲಾಗಿತ್ತು. ಆದರೆ ಹಾರ್ಡ್ ಲ್ಯಾಂಡಿಂಗ್ ನಿಂದಾಗಿ ಯೋಜನೆ ನಿರೀಕ್ಷೆಯಂತೆ ಕಲಸ ಮಾಡಲಿಲ್ಲ.
2020 ರ ವರ್ಷಾಂತ್ಯಕ್ಕೆ ಉಡಾವಣೆಯಾಗಬೇಕಿದ್ದ ಚಂದ್ರಯಾನ-3 ಹಾಗೂ ಗಗನ್ ಯಾನ್ (ಮೊದಲ ಬಾರಿಗೆ ಮಾನವ ಸಹಿತ ಬಾಹ್ಯಾಕಾಶ ಯಾನ) ಯೋಜನೆಗಳು ಮುಂದೂಡಲ್ಪಟ್ಟಿವೆ.