ಸುಖೋಯ್‌ ಯುದ್ಧ ವಿಮಾನದಿಂದ ಬ್ರಹ್ಮೋಸ್‌ ಕ್ಷಿ‍‍ಪಣಿ ಯಶಸ್ವಿ ಉಡಾವಣೆ

ನವದೆಹಲಿ, ನವೆಂಬರ್ 22: ಭಾರತದ ರಕ್ಷಣಾ ಇಲಾಖೆ ಬುಧವಾರ ಹೊಸ ದಾಖಲೆ ಬರೆದಿದೆ. ಸುಖೋಯ್‌ ಯುದ್ಧ ವಿಮಾನದಿಂದ ಅತ್ಯಾಧುನಿಕ ಸೂಪರ್‌ಸಾನಿಕ್ ಬ್ರಹ್ಮೋಸ್‌ ಕ್ಷಿಪಣಿಯನ್ನು ಯಶಸ್ವೀ ಉಡಾವಣೆ ಮಾಡಲಾಗಿದೆ.

ಇದೇ ಮೊದಲ ಬಾರಿಗೆ ಭಾರತೀಯ ವಾಯು ಸೇನೆಯ ಸುಖೋಯ್‌-30ಎಂಕೆಐ ಯುದ್ಧ ವಿಮಾನದಿಂದ ಬ್ರಹ್ಮೋಸ್‌ (Air Launched Cruise Missile -ALCM) ಕ್ಷಿಪಣಿ ಉಡಾವಣೆ ಮಾಡಲಾಗಿದೆ. ಮೊದಲ ಉಡಾವಣೆಯೇ ಯಶಸ್ವಿಯಾಗಿದ್ದು ಭಾರತ ಹೊಸ ದಾಖಲೆ ನಿರ್ಮಿಸಿದೆ.

ಬುಧವಾರ ನಡೆಸಲಾದ ಪರೀಕ್ಷಾರ್ಥ ಉಡಾವಣೆಯಲ್ಲಿ ಬ್ರಹ್ಮೋಸ್ ಕ್ಷಿಪಣಿ ಸುಖೋಯ್ ವಿಮಾನದಿಂದ ಶಬ್ದಾತೀತವಾಗಿ ಮುನ್ನುಗ್ಗಿ ಬಂಗಾಳ ಕೊಲ್ಲಿಯಲ್ಲಿ ನಿಗದಿ ಪಡಿಸಿದ್ದ ಗುರಿಯನ್ನು ಯಶಸ್ವಿಯಾಗಿ ತಲುಪಿತು.

ಕ್ಷಿಪಣಿ ಉಡಾವಣೆಗೆ ಎಚ್‌ಎಎಲ್‌ ಸುಖೋಯ್‌-30ಎಂಕೆಐ ಯುದ್ಧವಿಮಾನದಲ್ಲಿ ಕೆಲ ಬದಲಾವಣೆಗಳನ್ನು ಮಾಡಿತ್ತು. ಈ ಬದಲಾಣೆ ಮಾಡಲಾದ ಸುಖೋಯ್ ಮೂಲಕ 2.5 ಟನ್‌ ತೂಕದ ಗಂಟೆಗೆ 3,400 - 3,700 ಕಿ.ಮೀ. ಚಲಿಸುವ ಕ್ಷಿಪಣಿಯ ಪ್ರಯೋಗ ನಡೆಸಲಾಯಿತು.

India creates a world record and completes Supersonic Cruise Missile Triad by successfully testing #BRAHMOS #ALCM from Indian Air Force Sukhoi-30MKI fighter aircraft. Smt @nsitharaman congratulates Team Brahmos & @DRDO_India for this historic achievement.

— Raksha Mantri (@DefenceMinIndia) November 22, 2017

ಭಾರತದ ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿಆರ್‌ಡಿಒ) ಹಾಗೂ ರಷ್ಯಾದ ಎನ್‌ಪಿಒಎಂ ಜಂಟಿಯಾಗಿ ಈ ಕ್ಷಿಪಣಿ ಅಭಿವೃದ್ಧಿಪಡಿಸಿವೆ.

English summary

The air version of BrahMos supersonic cruise missile was on Wednesday successfully test fired from Sukhoi-30MKI fighter jet. With this test firing, BrahMos became first weapon system in the world to have the capability to be fired from land, sea and air.