Click it and Unblock the Notifications
Just In
-
-
-
Don't Miss
-
HMD ಪಲ್ಸ್ ಸರಣಿ ಅಡಿಯಲ್ಲಿ 3 ಹೊಸ ಸ್ಮಾರ್ಟ್ಫೋನ್ ಲಾಂಚ್! ಫೀಚರ್ಸ್ ಏನಿವೆ? -
ವಿಮಾನದಂತಹ ಸೌಲಭ್ಯ ಹೊಂದಿರುವ ವಂದೇ ಭಾರತ್ ಸರಣಿ ರೈಲುಗಳು ಶೀಘ್ರ ಬರಲಿವೆ.. ಆರಾಮದಾಯಕ ಪ್ರಯಾಣ! -
April 25 Gold Rate: ಇಂದಿನ ಚಿನ್ನದ ಬೆಲೆ, ಬೆಂಗಳೂರಿನಲ್ಲಿ ದರ ಎಷ್ಟಿದೆ ತಿಳಿಯಿರಿ -
ಬೆಳ್ಳುಳ್ಳಿ ಕಬಾಬ್ ಅಂದುಕೊಂಡ್ರಾ? ಇದು ಚಿಕನ್ ರುಚಿಯ ಹೂವಿನ ಫ್ರೈ..! -
2009ರ ಐಪಿಎಲ್ ಫೈನಲ್ನಲ್ಲಿ ಆರ್ಸಿಬಿ ಸೋಲಲು ಕಾರಣ ತಿಳಿಸಿದ ಅನಿಲ್ ಕುಂಬ್ಳೆ -
'ಯುವ ರಣಧೀರ ಕಂಠೀರವ' ಸಿನಿಮಾ ನಿಂತಿದ್ದೇಕೆ? ಕಥೆಗಾರ ಭಗೀರಥ ಏನಂದ್ರು? -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪ್ರಧಾನಿ ಮೋದಿಗಾಗಿ 2020ಕ್ಕೆ ಬರಲಿವೆ 'ಏರ್ ಫೋರ್ಸ್ ಒನ್' ವಿಮಾನಗಳು
ನವದೆಹಲಿ, ಅಕ್ಟೋಬರ್ 9: ಮುಂದಿನ ವರ್ಷದ ಜೂನ್ ಹೊತ್ತಿಗೆ ಪ್ರಧಾನಿ ನರೇಂದ್ರ ಮೋದಿ ಅವರಿಗಾಗಿ ಎರಡು ಹೊಸ ವಿಶೇಷ ವಿಮಾನಗಳು ಭಾರತಕ್ಕೆ ಬರಲಿವೆ. ಅವುಗಳನ್ನು ಏರ್ ಇಂಡಿಯಾ ಬದಲಿಗೆ ಭಾರತೀಯ ವಾಯುಸೇನೆ ಸುಪರ್ದಿಗೆ ನೀಡಬಹುದು ಎಂದು ಸೌತ್ ಬ್ಲಾಕ್ ನ ಇಬ್ಬರು ಅಧಿಕಾರಿಗಳು ತಿಳಿಸಿದ್ದಾರೆ.
ಎರಡು ಬೋಯಿಂಗ್ 777- 300ER ವಿಮಾನವನ್ನು ಬೋಯಿಂಗ್ ಡಲ್ಲಾಸ್ ಕೇಂದ್ರದಲ್ಲಿ ಸಿದ್ಧಗೊಳಿಸಲಾಗುತ್ತಿದೆ. 2020ರ ಜೂನ್ ನಲ್ಲಿ ನವದೆಹಲಿಯನ್ನು ತಲುಪುವ ನಿರೀಕ್ಷೆಯಿದೆ. ವಿಮಾನದಲ್ಲಿ ಕ್ಷಿಪಣಿ ರಕ್ಷಣಾಅ ವ್ಯವಸ್ಥೆ ಕೂಡ ಇರಲಿದ್ದು, ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಬಳಸುವ ಬೋಯಿಂಗ್ 747- 200B ರೀತಿಯಲ್ಲೇ ಸಿದ್ಧಗೊಳ್ಳುತ್ತದೆ.
ಭಾರತದ ರಾಷ್ಟ್ರಪತಿ, ಉಪರಾಷ್ಟ್ರಪತಿ ಹಾಗೂ ಪ್ರಧಾನಮಂತ್ರಿಗಳಿಗೆ ಅಂತಲೇ ಮೀಸಲಾದ ಭಾರತದ ಮೊದಲ ವಿಮಾನ ಇದು. ಇವರು ವಿದೇಶಗಳಿಗೆ ತೆರಳುವಾಗ ಏರ್ ಇಂಡಿಯಾದ ಖಾಸಗಿ ವಿಮಾನಗಳನ್ನು ಬಳಸುತ್ತಾರೆ. ಹತ್ತಿರದ ಸ್ಥಳಗಳಿಗೆ ತೆರಳುವಾಗ ಭಾರತೀಯ ವಾಯುಸೇನೆಯ ವಿವಿಐಪಿ ವಿಮಾನಗಳನ್ನು ಬಳಸುತ್ತಾರೆ.
ಸ್ಪೆಷಲ್ ಪ್ರೊಟೆಕ್ಷನ್ ಸೂಟ್ ಹೊಂದಿರುವ ಮೊದಲ ಭಾರತೀಯ ವಿಮಾನ ಬೋಯಿಂಗ್ 777 ಆಗಲಿದೆ. ಇದು ಶತ್ರು ದೇಶಗಳ ರಾಡಾರ್ ತರಂಗಗಳನ್ನು ಕೂಡ ತಡೆಯಬಲ್ಲದು. ಉಷ್ಣತೆ ಬೇಡುವ ಕ್ಷಿಪಣಿಗಳ ದಿಕ್ಕು ತಪ್ಪಿಸಬಲ್ಲದು. ಅತ್ಯಾಧುನಿಕ ಕ್ಷಿಪಣಿ ವ್ಯವಸ್ಥೆಯನ್ನು ಯಾವುದೇ ಸಿಬ್ಬಂದಿ ಸಹಾಯ ಇಲ್ಲದೆ ನಿಗಾ ಮಾಡಬಲ್ಲದು.
ಏರ್ ಇಂಡಿಯಾದಿಂದ ಬಂಡವಾಳ ಹಿಂತೆಗೆತಕ್ಕೆ ಸರ್ಕಾರ ಯೋಚಿಸುತ್ತಿರುವುದರಿಂದ ಭಾರತೀಯ ವಾಯು ಸೇನೆ ಸುಪರ್ದಿಯಲ್ಲಿ ಈ ವಿಮಾನಗಳು ಇರುತ್ತವೆ. ಈ ಕ್ಷಿಪಣಿ ರಕ್ಷಣಾ ವ್ಯವಸ್ಥೆಗೆ 19 ಕೋಟಿ ಅಮೆರಿಕನ್ ಡಾಲರ್ ವೆಚ್ಚವಾಗಿದೆ ಎಂದು ಮೂಲಗಳು ತಿಳಿಸಿವೆ.
