ಇಟಲಿಯಲ್ಲಿ ಮದುವೆಯಾದ ವಿರಾಟ್ ಕೊಹ್ಲಿ ದೇಶಭಕ್ತನಲ್ಲ: ಬಿಜೆಪಿ ಶಾಸಕ
Recommended Video
ಗುನಾ, ಡಿಸೆಂಬರ್ 19: "ವಿರಾಟ್ ಹಣ ಗಳಿಸಿರುವುದು ಭಾರತದಲ್ಲಿ...ಆದರೆ ದೇಶದಲ್ಲಿ ಮದುವೆಯಾಗುವುದಕ್ಕೆ ಸ್ಥಳವೇ ಸಿಗಲಿಲ್ಲ. ಹಿಂದೂಸ್ತಾನವು ಅಸ್ಪೃಶ್ಯವೇ?" ಎಂದು ಮಧ್ಯಪ್ರದೇಶದ ಬಿಜೆಪಿ ಶಾಸಕ ಪನ್ನಾಲಾಲ್ ಶಕ್ಯಾ ಪ್ರಶ್ನಿಸಿದ್ದಾರೆ.
ಈ ಮೂಲಕ ಭಾರತ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿಯವರ ದೇಶಭಕ್ತಿಯನ್ನು ಪ್ರಶ್ನೆ ಮಾಡಿದ್ದಾರೆ. ಈಚೆಗಷ್ಟೇ ವಿರಾಟ್ ಕೊಹ್ಲಿ ಅವರು ಬಾಲಿವುಡ್ ನಟಿ ಅನುಷ್ಕಾ ಶರ್ಮಾರನ್ನು ಇಟಲಿಯಲ್ಲಿ ಮದುವೆಯಾಗಿದ್ದರು.
ವಿರುಷ್ಕಾ ಆರತಕ್ಷತೆ ಆಹ್ವಾನ, ಪರಿಸರ ಕಾಳಜಿಗೆ ಜೈಕಾರ!
ರಾಮ, ಕೃಷ್ಣ, ವಿಕ್ರಮಾದಿತ್ಯ, ಯುಧಿಷ್ಠಿರ ಇವರೆಲ್ಲ ಈ ನೆಲದಲ್ಲಿ ಮದುವೆಯಾಗಿದ್ದಾರೆ. ನೀವೆಲ್ಲ ಇಲ್ಲೇ ಮದುವೆಯಾಗಬೇಕಿತ್ತು. ನಾವ್ಯಾರೂ ವಿದೇಶದಲ್ಲಿ ಮದುವೆಯಾಗಿಲ್ಲ.. ಕೊಹ್ಲಿ ಇಲ್ಲಿ ಹಣ ಸಂಪಾದಿಸಿ, ಕೋಟ್ಯಂತರ ರುಪಾಯಿ ಇಟಲಿಯಲ್ಲಿ ಖರ್ಚು ಮಾಡಿದ್ದಾರೆ. ಆತನಿಗೆ ಈ ದೇಶದ ಬಗ್ಗೆ ಗೌರವವಿಲ್ಲ. ಆತ ದೇಶಭಕ್ತನಲ್ಲ ಎಂದು ಇದರಿಂದ ಸಾಬೀತಾಗಿದೆ ಎಂದು ಶಾಸಕ ದೂಷಿಸಿದ್ದಾರೆ.
"ಇನ್ನೂ ಸೂಕ್ಷ್ಮವಾಗಿ ಯೋಚಿಸಿದರೆ ನಿಮಗೆ ಗೊತ್ತಾಗುತ್ತದೆ. ಇಟಲಿಯ ನೃತ್ಯಗಾರರು/ಗಾರ್ತಿಯರು ಇಲ್ಲಿ ಕೋಟ್ಯಧಿಪತಿಗಳಾಗಿದ್ದಾರೆ. ನೀವು ದೇಶದ ಹಣವನ್ನು ಅಲ್ಲಿಗೆ ತೆಗೆದುಕೊಂಡು ಹೋಗುತ್ತಿದ್ದೀರಿ. ಹಾಗಿದ್ದರೆ ಈ ದೇಶಕ್ಕೆ ನೀವು ಏನು ಕೊಡ್ತೀರಿ? ಆತ್ನ ಎಂಥ ದೊಡ್ಡ ವ್ಯಕ್ತಿಯೇ ಆಗಿರಬಹುದು ಆದರೆ ಆದರ್ಶನೀಯ ಅಲ್ಲ. ದೇಶಕ್ಕೆ ನಿಷ್ಠನಾದ ವ್ಯಕ್ತಿ ಮತ್ತು ಪರಿಶ್ರಮದಿಂದ ಹಣ ಗಳಿಸಿದ ವ್ಯಕ್ತಿ ಮಾತ್ರ ನಮ್ಮ ಆದರ್ಶ" ಎಂದಿದ್ದಾರೆ.