ಬಜೆಟ್ ದಿನದಂದು ಹುಟ್ಟುವ ಆರ್ಥಿಕ ತಜ್ಞರ ಬಗ್ಗೆ ಜಾಗ್ರತೆ
ಬೆಂಗಳೂರು, ಫೆಬ್ರವರಿ 01: ತಮ್ಮ ಆದಾಯವೆಷ್ಟು, ಖರ್ಚೆಷ್ಟು, ಕೆಜಿ ಅಕ್ಕಿಗೆ ಎಷ್ಟು ಬೆಲೆ ಎಂದೂ ಗೊತ್ತಿರದವರೆಲ್ಲಾ ಬಜೆಟ್ ದಿನದಂದು ಆರ್ಥಿಕ ತಜ್ಞರಾಗಿಬಿಡುತ್ತಾರೆ. ಇಂದು ಸಹ ಸಾಮಾಜಿಕ ಜಾಲತಾಣದಲ್ಲಿ ದಿಢೀರ್ ಉದ್ಭವಿತ ಆರ್ಥಿಕ ತಜ್ಞರು ಖಂಡಿತ ಕಾಣಸಿಗುತ್ತಾರೆ.
ಬಜೆಟ್ ಪ್ರಾರಂಭವಾಗುವ ಒಂದು ದಿನ ಮುನ್ನವೇ ಟ್ವಿಟರ್ನಲ್ಲಿ #Budget2018 ಹ್ಯಾಷ್ಟ್ಯಾಗ್ ಟ್ರೆಂಡಿಂಗ್ ಆಗಿದ್ದು, ಲಕ್ಷಾಂತರ ಜನ ಈಗಾಗಲೇ ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಳ್ಳುತ್ತಿದ್ದಾರೆ.
ಕೇಂದ್ರ ಆಯವ್ಯಯ 2018 LIVE : ಜೇಟ್ಲಿಯಿಂದ ಕೃಷಿ ಪ್ರಧಾನ ಬಜೆಟ್
ಇವರಲ್ಲಿ ಎಲ್ಲವೂ ಗುಣಮಟ್ಟದ ಸರಿಯಾದ ವಿಶ್ಲೇಷಣೆ ಎನ್ನಲಾಗದು, ಕೇವಲ ತಮ್ಮ ಇರುವಿಕೆ ದಾಖಲಿಸಲು ಸ್ವಲ್ಪ ಮೈಲೇಜ್ ಗಿಟ್ಟಿಸಿಕೊಳ್ಳಲಷ್ಟೆ ತೋಚಿದ್ದು ಗೀಚುವ ಪ್ರಚಾರ ಪ್ರಿಯ ಆರ್ಥಿಕ ತಜ್ಞರೂ ಇರುತ್ತಾರೆ. ಬಜೆಟ್ ಮಾಹಿತಿಗಾಗಿ ಸಾಮಾಜಿಕ ಜಾಳತಾಣಗಳ ಮೊರೆ ಹೋಗುವವರು ಈ ಬಗ್ಗೆ ಸ್ವಲ್ಪ ಜಾಗೃತೆ ವಹಿಸಬೇಕು.
ಅಧಿಕೃತ ಖಾತೆ ಹೊಂದಿದ ವ್ಯಕ್ತಿಗಳಿಂದ ಬಂದ ಅಭಿಪ್ರಾಯಗಳನ್ನು, ವಿಶ್ಲೇಷಣೆಗಳನ್ನು ನಂಬಬಹುದು ಅದನ್ನು ಹೊರತು ಪಡಿಸಿದರೆ ಸುದ್ದಿ ಮಾಧ್ಯಮಗಳು, ಸುದ್ದಿ ಏಜೆನ್ಸಿಗಳ ಖಾತೆಗಳಿಂದ ಬರುವ ಸುದ್ದಿಗಳು ಸತ್ಯವೆನ್ನಬಹುದು.
Pic 1 : Number of economists on other days
— Gatirodh (@Gatirodh) February 1, 2018
Pic 2 : Number of economists on budget day#Budget2018 pic.twitter.com/MeVfWnqL6S
ಫೇಕ್ ಸುದ್ದಿ ವಾಹಿನಿಗಳ ಪೇಜ್ ಬಗ್ಗೆ ಜಾಗೃತೆ ಇರಲಿ. ಅಧಿಕೃತ ಖಾತೆ ಅಲ್ಲದಿದ್ದರೂ ಸಹಿತ ನಂಬಲರ್ಹ, ಗುಣಮಟ್ಟದ ಅಭಿಪ್ರಾಯಗಳನ್ನು ಪ್ರಕಟಿಸುವ ಖಾತೆಗಳೂ ಸಾಕಷ್ಟಿವರೆ ಆದರೆ ಅವನ್ನು ಆಯ್ದು ಕೊಳ್ಳುವುದು ಓದುಗರ ಬುದ್ಧಿಮತ್ತೆಗೆ ಬಿಟ್ಟಿದ್ದು.