ಚಿತ್ತೂರು: 51 ವರ್ಷದ ಪಾದ್ರಿಯಿಂದ ಬಾಲಕಿ ಅತ್ಯಾಚಾರ
ಆಂಧ್ರ ಪ್ರದೇಶದಲ್ಲಿ 51 ವರ್ಷದ ಪಾದ್ರಿಯಿಂದ 12 ವರ್ಷದ ಬಾಲಕಿ ಮೇಲೆ ಅತ್ಯಾಚಾರ. ಚಿತ್ತೂರಿನ ರೇಣಿಗುಂಟ ಮಂಡಲದ ಕುರುವಾಕಲುವಾ ಎಂಬ ಹಳ್ಳಿಯಲ್ಲಿ ನಡೆದ ಘಟನೆ.
ಚಿತ್ತೂರು, ಸೆಪ್ಟೆಂಬರ್ 7: ಇಲ್ಲಿನ ಕುರುವಾಕಲುವಾ ಎಂಬ ಹಳ್ಳಿಯಲ್ಲಿ 51 ವರ್ಷದ ಪಾದ್ರಿಯೊಬ್ಬ ಅದೇ ಹಳ್ಳಿಯ 12 ವರ್ಷದ ಬಾಲಕಿಯ ಮೇಲೆ ಅತ್ಯಾಚಾರ ಮಾಡಿದ್ದಾನೆಂಬ ಆರೋಪ ಕೇಳಿಬಂದಿದ್ದು ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ.
ಪಾದ್ರಿಯನ್ನು ಪನ್ನೀರ್ ಸೆಲ್ವಂ ಎಂದು ಹೇಳಲಾಗಿದ್ದು, ಸೋಮವಾರ ರಾತ್ರಿ (ಸೆಪ್ಟೆಂಬರ್ 4) ಈ ಘಟನೆ ನಡೆದಿದ್ದು ಪ್ರಕರಣದ ತಡವಾಗಿ ಬೆಳಕಿಗೆ ಬಂದಿದೆ.
ಈ ಹಳ್ಳಿಯಲ್ಲಿರುವ ಪುಟ್ಟ ಚರ್ಚ್ ಗೆ ಕೆಲ ಕ್ರೈಸ್ತ ಬಾಂಧವರು ಆಗಮಿಸುತ್ತಿದ್ದರು. ಪ್ರತಿ ಭಾನುವಾರ ಇಲ್ಲಿ ಸಾಮಾನ್ಯ ಪ್ರಾರ್ಥನೆಗಳು ನಡೆಯುತ್ತಿದ್ದವು. ಹಾಗೆಯೇ, ಪ್ರತಿ ದಿನ ಸಂಜೆಯೂ ಪ್ರಾರ್ಥನೆಗಳು ಜರುಗುತ್ತಿದ್ದವು. ಹೀಗೆ ಜನರು ಬಂದು ಹೋಗುತ್ತಿದ್ದಾಗ ಈ ಚರ್ಚ್ ನ ಸುತ್ತ ಮುತ್ತ ಜನಸಂದಣಿ ಕಾಣುತ್ತಿತ್ತೇ ಹೊರತು ಮಿಕ್ಕ ಸಮಯದಲ್ಲಿ ಇಲ್ಲಿ ಯಾರೂ ತಿರುಗಾಡುತ್ತಿರಲಿಲ್ಲ ಎಂದು ಹೇಳಲಾಗಿದೆ.
ಸೋಮವಾರ ರಾತ್ರಿ, ಸುಮಾರು 8 ಗಂಟೆ ಸುಮಾರಿಗೆ ಬಾಲಕಿಯು ಚರ್ಚ್ ಬಳಿಯಿಂದ ಹಾದು ಹೋಗುವಾಗ ಈಕೆ ಬಲವಂತಪಡಿಸಿರುವ ಪಾದ್ರಿಯು ಈಕೆಯ ಮೇಲೆ ಅತ್ಯಾಚಾರ ಎಸಗಿದ್ದಾನೆಂದು ಆರೋಪಿಸಲಾಗಿದೆ.