ಇವಿಎಂ ಬಗ್ಗೆ ತಗಾದೆ ತೆಗೆದ ವಿರೋಧಿಗಳಿಗೆ ಅಮಿತ್ ಶಾ 6 ಪ್ರಶ್ನೆ

ನವದೆಹಲಿ, ಮೇ 22: ಚುನಾವಣೆ ಫಲಿತಾಂಶಕ್ಕೆ ಮುನ್ನಾ ಇವಿಎಂ ಬಗ್ಗೆ ತಕರಾರು ಎತ್ತಿರುವ ವಿರೋಧ ಪಕ್ಷಗಳಿಗೆ ಬಿಜೆಪಿ ಅಧ್ಯಕ್ಷ ಅಮಿತ್ ಶಾ ಅವರು ಆರು ಪ್ರಶ್ನೆಗಳನ್ನು ಕೇಳಿದ್ದಾರೆ.

ನಾಳೆ ಚುನಾವಣಾ ಫಲಿತಾಂಶ ಪ್ರಕಟವಾಗಲಿದ್ದು, ಎಕ್ಸಿಟ್ ಪೋಲ್‌ಗಳಲ್ಲಿ ಎನ್‌ಡಿಎಗೆ ಸ್ಪಷ್ಟ ಬಹುಮತ ಬರಲಿದೆ ಎಂಬ ವರದಿ ಹೊರಬೀಳುತ್ತಿದ್ದಂತೆ, ವಿಪಕ್ಷಗಳು ಇವಿಎಂ ಬಗ್ಗೆ ತಕರಾರು ಎತ್ತಿವೆ.

ಕಾಂಗ್ರೆಸ್‌ ಸೇರಿ ಬಹುತೇಕ ವಿರೋಧ ಪಕ್ಷಗಳು ನಿನ್ನೆ ದೆಹಲಿಯಲ್ಲಿ ಸಭೆ ನಡೆಸಿ ಚುನಾವಣಾ ಆಯೋಗಕ್ಕೆ ಭೇಟಿ ನೀಡಿ, ಇವಿಎಂ ಬಗ್ಗೆ ತಮ್ಮ ಅನುಮಾನವನ್ನು ವ್ಯಕ್ತಪಡಿಸಿದ್ದು, ಆಯೋಗಕ್ಕೆ ದೂರು ಸಹ ನೀಡಿವೆ.

ಇವಿಎಂ ಬಗ್ಗೆ ಅನುಮಾನ ವ್ಯಕ್ತಪಡಿಸುತ್ತಿರುವವರನ್ನು ಬಿಜೆಪಿ ಟೀಕಿಸುತ್ತಲೇ ಬಂದಿದ್ದು, ಅಮಿತ್ ಶಾ ಅವರು ಇಂದು ಟ್ವಿಟ್ಟರ್‌ನಲ್ಲಿ ಇವಿಎಂ ವಿರೋಧಿಗಳನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. ಇವಿಎಂ ವಿರೋಧಿಗಳಿಗೆ ಆರು ಪ್ರಶ್ನೆಗಳನ್ನು ಅವರು ಕೇಳಿದ್ದಾರೆ.

ಅಮಿತ್ ಶಾ ಕೇಳಿರುವ ಆರು ಪ್ರಶ್ನೆಗಳು ಇಂತಿವೆ.

प्रश्न-1 : EVM की विश्वसनीयता पर प्रश्न उठाने वाली इन अधिकांश विपक्षी पार्टियों ने कभी न कभी EVM द्वारा हुए चुनावों में विजय प्राप्त की है।

यदि उन्हें EVM पर विश्वास नहीं है तो इन दलों ने चुनाव जीतने पर सत्ता के सूत्र को क्यों सम्भाला ?

— Chowkidar Amit Shah (@AmitShah) May 22, 2019

'ಇವಿಎಂ ಮೇಲೆ ನಂಬಿಕೆ ಇಲ್ಲದಿದ್ದರೆ ವಿಜಯ ಹೇಗೆ ಸ್ವೀಕರಿಸಿದಿರಿ'

ಪ್ರಶ್ನೆ 1: ಇವಿಎಂ ಬಗ್ಗೆ ಈಗ ಪ್ರಶ್ನಿಸುತ್ತಿರುವ ವಿರೋಧ ಪಕ್ಷಗಳು ಇವಿಎಂ ಬಳಸಿ ನಡೆಸಿದ ಒಂದಲ್ಲಾ ಒಂದು ಚುನಾವಣೆಯಲ್ಲಿ ಗೆಲುವು ಸಾಧಿಸಿವೆ, ಇವಿಎಂ ಮೇಲೆ ನಂಬಿಕೆ ಇಲ್ಲದಿದ್ದ ಮೇಲೆ ಅವು ಏಕೆ ಆ ವಿಜಯವನ್ನು ಒಪ್ಪಿಕೊಂಡವು ಮತ್ತು ಸರ್ಕಾರ ರಚಿಸಿದವು ಎಂದು ಪ್ರಶ್ನಿಸಿದ್ದಾರೆ.

प्रश्न-2: देश की सर्वोच्च अदालत ने तीन से ज्यादा PIL का संज्ञान लेने के बाद चुनावी प्रक्रिया को अंतिम स्वरूप दिया है। जिसमें की हर विधानसभा क्षेत्र में पांच VVPAT को गिनने का आदेश दिया है।

तो क्या आप लोग सर्वोच्च न्यायालय के आदेश पर भी प्रश्नचिन्ह लगा रहे है ?

— Chowkidar Amit Shah (@AmitShah) May 22, 2019

ಸುಪ್ರಿಂಕೋರ್ಟ್‌ ತೀರ್ಪನ್ನು ವಿರೋಧಿಸುತ್ತೀರಾ?

ಪ್ರಶ್ನೆ 2: ದೇಶದ ಸರ್ವೋಚ್ಛ ನ್ಯಾಯಾಲಯವು ಮೂರು ಸಾರ್ವಜನಿಕ ಹಿತಾಸಕ್ತಿ ಅರ್ಜಿಗಳನ್ನು ವಿಚಾರಣೆ ನಡೆಸಿದ ಬಳಿಕ ಚುನಾವಣಾ ಪ್ರಕ್ರಿಯೆಯ ಬಗ್ಗೆ ಸ್ಪಷ್ಟ ಸೂಚನೆಗಳನ್ನು ನೀಡಿದೆ. ಪ್ರತಿ ವಿಧಾನಸಭಾ ಕ್ಷೇತ್ರದಲ್ಲಿ ಐದು ವಿವಿಪ್ಯಾಟ್‌ಗಳನ್ನು ತುಲನೆ ಮಾಡುವಂತೆ ಹೇಳಿದೆ. ಹಾಗಿದ್ದರೂ ನೀವು ಇವಿಎಂ ಅನ್ನು ವಿರೋಧಿಸುವಿರಾದರೆ, ನೀವು ಸರ್ವೋಚ್ಛ ನ್ಯಾಯಾಲಯವನ್ನು ವಿರೋಧಿಸಿದ ಹಾಗೆಯೇ ಅಲ್ಲವೇ?

प्रश्न-3 : मतगणना के सिर्फ दो दिन पूर्व 22 विपक्षी दलों द्वारा चुनावी प्रक्रिया में परिवर्तन की मांग पुर्णतः असंवैधानिक है क्योंकि इस तरह का कोई भी निर्णय सभी दलों की सर्वसम्मति के बिना सम्भव नहीं है।

— Chowkidar Amit Shah (@AmitShah) May 22, 2019

ಚುನಾವಣಾ ಪ್ರಕ್ರಿಯೆಯಲ್ಲಿ ಬದಲಾವಣೆ ಏಕೆ?: ಅಮಿತ್ ಶಾ

ಪ್ರಶ್ನೆ 3: ಫಲಿತಾಂಶದ ಎರಡು ದಿನ ಹಿಂದೆ ವಿರೋಧ ಪಕ್ಷಗಳು ಚುನಾವಣಾ ಪ್ರಕ್ರಿಯೆಯನ್ನು ಬದಲಾಯಿಸುವಂತೆ ಚುನಾವಣಾ ಆಯೋಗಕ್ಕೆ ಮನವಿ ಮಾಡಿದ್ದೀರಿ, ಆದರೆ ಇದು ಎಲ್ಲ ಪಕ್ಷಗಳ ಒಪ್ಪಿಗೆ ಇಲ್ಲದೆ ಸಾಧ್ಯವಿಲ್ಲ, ಹಾಗಿದ್ದರೂ 22 ವಿರೋಧ ಪಕ್ಷಗಳು ಮಾತ್ರವೇ ಏಕೆ ಮನವಿ ಸಲ್ಲಿಸಿದಿರಿ?

प्रश्न-4: विपक्ष ने EVM के विषय पर हंगामा छः चरणों का मतदान समाप्त होने के बाद शुरू किया। एक्जिट पोल के बाद यह और तीव्र हो गया।

एक्जिट पोल EVM के आधार पर नहीं बल्कि मतदाता से प्रश्न पूछ कर किया जाता है। अतः एक्जिट पोल के आधार पर आप EVM की विश्वसनीयता पर कैसे प्रश्न उठा सकते है?

— Chowkidar Amit Shah (@AmitShah) May 22, 2019

'ಎಕ್ಸಿಟ್ ಪೋಲ್ ಬಂದ ಮೇಲೆ ಇವಿಎಂ ಮೇಲೆ ಅನುಮಾನ'

ಪ್ರಶ್ನೆ 4: ವಿಪಕ್ಷಗಳು ಮತದಾನದ ನಂತರ ಇವಿಎಂ ಬಗ್ಗೆ ಪ್ರಶ್ನೆಗಳನ್ನು ಎತ್ತಲು ಆರಂಭಿಸಿದವು, ಎಕ್ಸಿಟ್ ಪೋಲ್ ನಂತರ ಇದು ಇನ್ನಷ್ಟು ಹೆಚ್ಚಾಯಿತು. ಸಮೀಕ್ಷೆಗಳನ್ನು ಮತದಾರರನ್ನು ಪ್ರಶ್ನಿಸಿ ಮಾಡಲಾಗುತ್ತದೆಯೇ ವಿನಃ ಇವಿಎಂ ಆಧಾರದಲ್ಲಿ ಅಲ್ಲ, ಹಾಗಿದ್ದ ಮೇಲೆ ಎಕ್ಸಿಟ್ ಪೋಲ್ ಫಲಿತಾಂಶದ ಆಧಾರದ ಮೇಲೆ ಏಕೆ ವಿಪಕ್ಷಗಳು ಇವಿಎಂ ಅನ್ನು ದೂಷಿಸುತ್ತಿವೆ?

प्रश्न-5 : EVM में गड़बड़ी के विषय पर प्रोएक्टिव कदम उठाते हुए चुनाव आयोग ने सार्वजनिक रूप से चुनौती देकर इसके प्रदर्शन का आमंत्रण दिया था। परन्तु उस चुनौती को किसी भी विपक्षी दल ने स्वीकार नहीं किया।

— Chowkidar Amit Shah (@AmitShah) May 22, 2019

'ಚುನಾವಣಾ ಆಯೋಗದ ಸವಾಲನ್ನೇಕೆ ಸ್ವೀಕರಿಸಲಿಲ್ಲ?'

ಪ್ರಶ್ನೆ 5: ಇವಿಎಂ ಅನ್ನು ಹ್ಯಾಕ್ ಮಾಡಬಹುದು ಎಂಬ ಸುದ್ದಿ ಹರಡಿದಾಗ, ಇವಿಎಂ ಅನ್ನು ಹ್ಯಾಕ್ ಮಾಡಲು ಚುನಾವಣೆ ಆಯೋಗವೇ ಸವಾಲು ಎಸೆದು, ಅದಕ್ಕೆ ಅವಕಾಶವನ್ನೂ ಕಲ್ಪಿಸಿತ್ತು ಆದರೆ ಆಗ ಏಕೆ ಯಾವ ವಿಪಕ್ಷಗಳೂ ಇದರಲ್ಲಿ ಭಾಗವಹಿಸಲಿಲ್ಲ? ಇವಿಎಂ ಹ್ಯಾಕ್ ಮಾಡಬಹುದು ಎಂದು ಏಕೆ ತೋರಿಸಲಿಲ್ಲ?

प्रश्न-6: कुछ विपक्षी दल चुनाव परिणाम अनुकूल न आने पर ‘हथियार उठाने’ और “खून की नदिया बहाने“ जैसे आपत्तिजनक बयान दे रहे है।

विपक्ष बताये कि ऐसे हिंसात्मक और अलोकतांत्रिक बयान के द्वारा वह किसे चुनौती दे रहा है?

— Chowkidar Amit Shah (@AmitShah) May 22, 2019

ಯಾರಿಗೆ ಬೆದರಿಕೆ ಹಾಕುತ್ತಿದ್ದಾರೆ: ಶಾ

ಪ್ರಶ್ನೆ 6: ಚುನಾವಣೆ ಫಲಿತಾಂಶ ತಮಗೆ ವ್ಯತಿರಿಕ್ತವಾಗಿ ಬಂದರೆ, ಆಯುಧ ಕೈಗೆತ್ತಿಕೊಳ್ಳುವ, ರಕ್ತದ ನದಿ ಹರಿಸುವ ಬಗ್ಗೆ ಮಾತನಾಡುತ್ತಿದ್ದಾರೆ, ವಿಪಕ್ಷಗಳು ಇದನ್ನು ಗಮನಿಸಬೇಕು, ಅವರು ಯಾರ ವಿರುದ್ಧ ಈ ಬಹಿರಂಗ ಬೆದರಿಕೆ ಹಾಕುತ್ತಿದ್ದಾರೆಂದು ವಿವರಿಸಬೇಕು ಎಂದು ಅಮಿತ್ ಶಾ ಪ್ರಶ್ನೆ ಮಾಡಿದ್ದಾರೆ.

English summary

BJP president Amit Shah asks 6 questions to oppositions who expressing doubt on EVMs. The ones who questioning the EVM they also won some elections in EVM.