ಅಭಿನಂದನ್ 'ಸಾಮಾಜಿಕ' ಖಾತೆ ಬಗ್ಗೆ ಸ್ಪಷ್ಟನೆ ಕೊಟ್ಟ ವಾಯು ಸೇನೆ
ನವದೆಹಲಿ, ಮಾರ್ಚ್ 06: ಭಾರತೀಯ ವಾಯು ಸೇನೆಯ ವಿಂಗ್ಕಮಾಂಡರ್ ಅಭಿನಂದನ್ವರ್ಧಮಾನ್ಅವರ ಸಾಮಾಜಿಕ ಜಾಲತಾಣ ಖಾತೆಗಳ ಬಗ್ಗೆ ವಾಯುಸೇನೆಯ ಅಧಿಕೃತ ಟ್ವಿಟ್ಟರ್ ನಲ್ಲಿ ಬುಧವಾರದಂದು ಸ್ಪಷ್ಟನೆ ನೀಡಲಾಗಿದೆ.
ಅಭಿನಂದನ್ ಹೆಸರಿನಲ್ಲಿ ಚಾಲ್ತಿಯಲ್ಲಿರುವ ಖಾತೆಗಳೆಲ್ಲವೂ ನಕಲಿ, ಆ ಖಾತೆಗಳನ್ನು ಹಿಂಬಾಲಿಸಿ, ತಪ್ಪು ಮಾಹಿತಿ ಹರಡುವವರನ್ನು ಬೆಂಬಲಿಸಬೇಡಿ ಎಂದು ಭಾರತೀಯ ವಾಯುಪಡೆ ಸ್ಪಷ್ಟನೆ ನೀಡಿದೆ.
ಪೈಲಟ್ ಅಭಿನಂದನ್ ವರ್ಧಮಾನ್ ಹೆಸರಲ್ಲಿ 'ನಕಲಿ' ಟ್ವಿಟ್ಟರ್ ಖಾತೆ
ಮಿಗ್ 21 ನಲ್ಲಿದ್ದ ಅಭಿನಂದನ್ಅವರು ಪಾಕಿಸ್ತಾನದಲ್ಲಿ ಬಂಧನಕ್ಕೊಳಗಾಗಿ ವಾಪಸ್ ಬಂದ ನಂತರ ಅವರ ಹೆಸರಿನಲ್ಲಿ ಟ್ರೆಂಡ್ ಹೆಚ್ಚಾಗಿದೆ. ಅಭಿನಂದನ್ ಹೆಸರಿನ ಜನಪ್ರಿಯತೆಯನ್ನು ಬಳಸಿಕೊಳ್ಳಲು ಅವರ ಹೆಸರಿನಲ್ಲಿ ಟ್ವಿಟ್ಟರ್, ಫೇಸ್ಬುಕ್, ಇನ್ಸ್ಟಾಗ್ರಾಂ ಮತ್ತು ಇತರೆ ಸಾಮಾಜಿಕ ಜಾಲತಾಣಗಳಲ್ಲಿ ನಕಲಿ ಖಾತೆಗಳನ್ನು ಆರಂಭಿಸಲಾಗಿದೆ. ಅಭಿನಂದನ್ ಕುರ್ತ ಮಾಹಿತಿಗಳನ್ನು ಹಾಕಲಾಗಿದ್ದು, ಇದೇ ಅವರ ಟ್ವಿಟ್ಟರ್ ಖಾತೆ ಎಂದು ಬಿಂಬಿಸಲಾಗುತ್ತಿದೆ. ಅನೇಕ ಮಂದಿ ಇದು ಅಭಿನಂದನ್ ಅವರದ್ದೇ ಖಾತೆಗಳು ಎಂದು ಪ್ರತಿಕ್ರಿಯಿಸುತ್ತಿದ್ದಾರೆ. ಆದರೆ, ಈ ಖಾತೆಗಳನ್ನು ಬಳಸಿಕೊಂಡು ಹಲವು ಸುಳ್ಳು ಸುದ್ದಿಗಳನ್ನು ಹಬ್ಬಿಸುತ್ತಿರುವುದು ಕಂಡು ಬಂದಿದೆ.
ಈ ಬಗ್ಗೆ ಸ್ಪಷ್ಟನೆ ನೀಡಿರುವ ಭಾರತೀಯ ವಾಯುಪಡೆ, ಅಭಿನಂದನ್ ಹೆಸರಿನಲ್ಲಿರುವ ನಕಲಿ ಖಾತೆಗಳನ್ನು ಫಾಲೋ ಮಾಡಬೇಡಿ, ಅಭಿನಂದನ್ ಅವರ ನಕಲಿ ಖಾತೆ ತೆರೆಯಲಾಗಿದ್ದು, ಸುಳ್ಳು ಸುದ್ದಿಗಳನ್ನು ಹಬ್ಬಿಸಲಾಗುತ್ತಿದೆ, ಅವರು ಯಾವುದೇ ಖಾತೆಯನ್ನು ಹೊಂದಿಲ್ಲ ಎಂದು ಹೇಳಿದ್ದು, ಅಭಿನಂದನ್ಅವರ ಹೆಸರಿನಲ್ಲಿ ಹೆಚ್ಚು ಜನಪ್ರಿಯಗೊಳ್ಳುತ್ತಿರುವ 6 ನಕಲಿ ಖಾತೆಗಳ ಐಡಿಗಳನ್ನು ಹಾಕಿ ಟ್ವೀಟ್ ಮಾಡಲಾಗಿದೆ.
#FAKE ACCOUNTS : Wg Cdr Abhinandan Varthaman does not have a social media account on any portal (Facebook /Instagram /Twitter). Please avoid following any fake accounts being used in the name of any IAF Airwarrior for spreading misinformation.
— Indian Air Force (@IAF_MCC) March 6, 2019
Jai Hind!!! pic.twitter.com/nG8C7ZUkQ6
ಮಂಗಳೂರಲ್ಲೂ ಅಭಿನಂದನ್ ಮೀಸೆಯ ಸ್ಟೈಲ್ ಕ್ರೇಜ್ ಶುರು
ಭಾರತೀಯ ವಾಯುಸೇನೆಯ ಈ ಕ್ರಮಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿ ಸಾರ್ವಜನಿಕರು ಟ್ವೀಟ್ ಮಾಡಿದ್ದಾರೆ.
It's good that the official handle is thrashing all the fake news . This is information warfare and all the social media handles of the armed forces need to be on alert !
— @mavericktroopr (@mavericktroopr) March 6, 2019