ಹೊಸ ವರ್ಷದಂದು ಭಾರತದಲ್ಲಿ 60,000 ಶಿಶುಗಳ ಜನನ; ಯುನಿಸೆಫ್
ನವದೆಹಲಿ, ಜನವರಿ 01: 60,000 ಶಿಶುಗಳ ಜನನದೊಂದಿಗೆ ಭಾರತ 2021ರ ಹೊಸ ವರ್ಷದಂದು ವಿಶ್ವದಲ್ಲೇ ಅತಿ ಹೆಚ್ಚು ಜನನ ಸಂಖ್ಯೆಯನ್ನು ದಾಖಲಿಸಲಿದೆ. ಆದರೆ 2020ರ ಹೊಸ ವರ್ಷಕ್ಕೆ ಹೋಲಿಸಿದರೆ, 7,390 ಕಡಿಮೆ ಶಿಶುಗಳು ಜನಿಸಿವೆ ಎಂದು ಯುನಿಸೆಫ್ ಮಾಹಿತಿ ನೀಡಿದೆ.
ಈ ವರ್ಷದ ಜನವರಿ 1ರಂದು ಚೀನಾ ಭಾರತಕ್ಕಿಂತ ಅರ್ಧದಷ್ಟು ಕಡಿಮೆ ಜನನ ಸಂಖ್ಯೆ ಹೊಂದಿದ್ದು, 35,615 ಶಿಶುಗಳು ಜನಿಸಿವೆ. ವಿಶ್ವದಾದ್ಯಂತ ಈ ದಿನ 371504 ಶಿಶುಗಳು ಜನಿಸುವುದಾಗಿ ಯುನಿಸೆಫ್ ಅಂದಾಜಿಸಿದೆ. ಈ ಪೈಕಿ ಹತ್ತು ದೇಶಗಳಲ್ಲಿ 52% ಜನನ ಪ್ರಮಾಣ ಇರಲಿದೆ. ಈ ವರ್ಷ ವಿಶ್ವದಾದ್ಯಂತ 84 ವರ್ಷದ ಜೀವಿತಾವಧಿಯೊಂದಿಗೆ 140 ದಶಲಕ್ಷ ಮಕ್ಕಳು ಜನಿಸುವ ಸಾಧ್ಯತೆಯಿರುವುದಾಗಿ ತಿಳಿಸಿದೆ.
ಉತ್ತರ ಪ್ರದೇಶದಲ್ಲಿ 2 ವರ್ಷದ ಮಗುವಿಗೆ ರೂಪಾಂತರಿ ಕೊರೊನಾ ಸೋಂಕು
ಇಂದು ಜನಿಸಿದ ಮಕ್ಕಳು, ಭಿನ್ನವಾಗಿರುವ ಜಗತ್ತಿಗೆ ಬರುತ್ತಿದ್ದಾರೆ. ಹೊಸ ವರ್ಷ ಹೊಸ ಅವಕಾಶವನ್ನು ತರುತ್ತಿದೆ. ಸಾಂಕ್ರಾಮಿಕ ರೋಗ, ಆರ್ಥಿಕ ಹಿನ್ನಡೆ, ಬಡತನ ಹಾಗೂ ಅಸಮಾನತೆಯನ್ನು ಇಡೀ ಜಗತ್ತೇ ಎದುರಿಸುತ್ತಿರುವ ಈ ಸಂದರ್ಭದಲ್ಲಿ ಯುನಿಸೆಫ್ ಅಗತ್ಯ ಹೆಚ್ಚಿದೆ ಎಂದು ಯುನಿಸೆಫ್ ಕಾರ್ಯನಿರ್ವಾಹಕ ನಿರ್ದೇಶಕ ಹೆನ್ರಿಟಾ ಫೋರ್ ತಿಳಿಸಿದ್ದಾರೆ. ಈ ವರ್ಷ ಯುನಿಸೆಫ್ 75ನೇ ವಾರ್ಷಿಕೋತ್ಸವವನ್ನೂ ಆಚರಿಸಿಕೊಳ್ಳಲಿದೆ.
ಭಾರತದಲ್ಲಿ 2021ರಲ್ಲಿ ಜನಿಸಿದ ಶಿಶುಗಳ ಜೀವಿತಾವಧಿ 80.9 ವರ್ಷಗಳಾಗಿದ್ದು, ಇದು ಜಾಗತಿಕ ಸರಾಸರಿಗಿಂತ ಮೂರು ವರ್ಷ ಕಡಿಮೆಯಾಗಿದೆ ಎಂದು ತಿಳಿಸಿದೆ.