• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಭಾರತಕ್ಕೆ 4 ಕ್ರಯೋಜೆನಿಕ್ ಆಕ್ಸಿಜನ್ ಕಂಟೇನರ್ ಕಳುಹಿಸಿದ ಇಂಡೋನೆಷ್ಯಾ

|

ನವದೆಹಲಿ, ಮೇ 10: ಕೊರೊನಾವೈರಸ್ ಸಾಂಕ್ರಾಮಿಕ ಪಿಡುಗಿನ ಎರಡನೇ ಅಲೆಯಿಂದ ಭಾರತದಲ್ಲಿ ಸೃಷ್ಟಿಯಾಗಿರುವ ವೈದ್ಯಕೀಯ ಆಮ್ಲಜನಕದ ಕೊರತೆ ನೀಗಿಸಲು ಜಗತ್ತಿನ ಹಲವು ರಾಷ್ಟ್ರಗಳು ನೆರವಿನ ಹಸ್ತ ಚಾಚಿವೆ.
ಜಕರ್ತಾ ಮತ್ತು ಇಂಡೋನೆಷ್ಯಾದಿಂದ ಕ್ರಯೋಜೆನಿಕ್ ಆಕ್ಸಿಜನ್ ಕಂಟೇನರ್ ಅನ್ನು ಹೊತ್ತ ಭಾರತೀಯ ವಾಯುಪಡೆ ಐಎಸ್-76ಎಸ್ ವಿಮಾನ ಭಾನುವಾರ ಆಂಧ್ರ ಪ್ರದೇಶದ ವಿಶಾಖಪಟ್ಟಣಂಕ್ಕೆ ಬಂದಿಳಿದಿದೆ. ಕೊವಿಡ್-19 ಎರಡನೇ ಅಲೆ ಹಿನ್ನೆಲೆ ವಾಯುಪಡೆಯ ಹಲವು ಸಿಬ್ಬಂದಿಯು ವಿದೇಶಗಳಿಂದ ಆಕ್ಸಿಜನ್ ಕಂಟೇನರ್ ತರುವುದು, ದೇಶದೊಳಗೆ ಬೇರೆ ಬೇರೆ ರಾಜ್ಯಗಳಿಗೆ ಆಮ್ಲಜನಕದ ಕಂಟೇನರ್ ಅನ್ನು ಸಾಗಿಸುವ ಕಾರ್ಯದಲ್ಲಿ ತೊಡಗಿಸಿಕೊಂಡಿದ್ದಾರೆ.

ದೇಶದ ಶೇ 98ರಷ್ಟು ಜನತೆ ಮೇಲೆ ಲಾಕ್‌ಡೌನ್ ಹೇರಿಕೆದೇಶದ ಶೇ 98ರಷ್ಟು ಜನತೆ ಮೇಲೆ ಲಾಕ್‌ಡೌನ್ ಹೇರಿಕೆ

ಐಎಸ್-76ಎಸ್ ವಿಮಾನದಲ್ಲಿ ಭಾರತೀಯ ವಾಯುಪಡೆ ಸಿಬ್ಬಂದಿಯು ಜಕರ್ತಾ ಮತ್ತು ಇಂಡೋನೆಷ್ಯಾದಿಂದ 4 ಕ್ರಯೋಜೆನಿಕ್ ಆಕ್ಸಿಜನ್ ಕಂಟೇನರ್ ಅನ್ನು ವಿಶಾಖಪಟ್ಟಣಂಗೆ ತರಲಾಗಿದೆ ಎಂದು ಅಧಿಕೃತ ಮೂಲಗಳು ಸ್ಪಷ್ಟಪಡಿಸಿವೆ.

ವಿವಿಧ ರಾಷ್ಟ್ರಗಳಿಂದ ವೈದ್ಯಕೀಯ ಸಾಮಗ್ರಿ:
ಭಾರತಕ್ಕೆ ವಿವಿಧ ರಾಷ್ಟ್ರಗಳಿಂದ ವೈದ್ಯಕೀಯ ಸಾಮಗ್ರಿಗಳನ್ನು ತರಲಾಗುತ್ತಿದೆ. ಭಾರತೀಯ ವಾಯುಪಡೆಯ ಸಿ-17 ವಿಮಾನದಲ್ಲಿ ಜಿಯೋಲೈಟ್ ಎಂಬ ಉಸಿರಾಟ ಸಂಬಂಧಿತ ರೋಗ ಚಿಕಿತ್ಸೆ ಸಾಧನವನ್ನು ಜರ್ಮನಿಯ ಫ್ರಾಂಕ್ ಫರ್ಟ್ ನಿಂದ ಮಹಾರಾಷ್ಟ್ರದ ಮುಂಬೈಗೆ ತರಲಾಗಿದೆ. ಇನ್ನೊಂದು ಕಡೆ ಎರಡು ಸಿ-17 ವಿಮಾನಗಳಲ್ಲಿ ಫ್ರಾನ್ಸಿನ ಬೋರ್ಡಿಯಕ್ಸ್ ನಿಂದ ಉತ್ತರ ಪ್ರದೇಶದ ಗಜಿಯಾಬಾದ್ ನಗರಕ್ಕೆ ಎರಡು ಆಕ್ಸಿಜನ್ ಕಂಟೇನರ್ ಅನ್ನು ತರಲಾಗಿದೆ.
ದೇಶದ ಪ್ರಮುಖ ನಗರಗಳಿಗೆ ಆಕ್ಸಿಜನ್ ರವಾನೆ:
ಭಾರತೀಯ ವಾಯುಪಡೆಯು ಸಿ-17 ವಿಮಾನಗಳಲ್ಲಿ ಆಕ್ಸಿಜನ್ ಮತ್ತು ವೈದ್ಯಕೀಯ ಉಪಕರಣಗಳನ್ನು ಪ್ರಮುಖ ನಗರಗಳಿಗೆ ತಲುಪಿಸುವ ಕಾರ್ಯವನ್ನು ಮಾಡುತ್ತಿದೆ. ಪುಣೆಯಿಂದ ಜಾಮಾನಗರಕ್ಕೆ 4, ಗ್ವಾಲಿಯಾರ್ ಮತ್ತು ಭೋಪಾಲ್ ನಿಂದ ರಾಂಚಿಗೆ 7 ಹಾಗೂ ಹಿಂಡೋನ್ ನಿಂದ ರಾಂಚಿಗೆ 2 ಕ್ರಯೋಜೆನಿಕ್ ಆಕ್ಸಿಜನ್ ಕಂಟೇನರ್ ಸಾಗಿಸಲಾಗಿದೆ. ಇದರ ಜೊತೆಗೆ ವಿಜಯವಾಡದಿಂದ ಭುವನೇಶ್ವರಗೆ 2, ಚಂಡೀಘರ್ ನಿಂದ ರಾಂಚಿಗೆ 6, ಆಗ್ರಾದಿಂದ ಜಾಮಾನಗರಕ್ಕೆ 2, ಹೈದ್ರಾಬಾದ್ ನಿಂದ ಭುವನೇಶ್ವರ 6 ಮತ್ತು ಜೋಧಪುರದಿಂದ ಜಾಮಾನಗರಕ್ಕೆ 2 ಕ್ರಯೋಜೆನಿಕ್ ಆಕ್ಸಿಜನ್ ಕಂಟೇನರ್ ರವಾನಿಸಲಾಗಿದೆ.

English summary
4 Oxygen Container Imports From Indonesia To India In IAF IL-76 Flight.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X