2019 ರ ಟಾಪ್ 8 ಭ್ರಷ್ಟ ರಾಜ್ಯಗಳ ಪಟ್ಟಿ ಬಿಡುಗಡೆ: ಕರ್ನಾಟಕಕ್ಕೆ ಯಾವ ಸ್ಥಾನ?
ನವದೆಹಲಿ, ನವೆಂಬರ್ 30: ಈ ವರ್ಷದ ಸಾಲಿನ ಟಾಪ್ 10 ಭ್ರಷ್ಟ ರಾಜ್ಯಗಳ ಪಟ್ಟಿ ಬಿಡುಗಡೆ ಆಗಿದ್ದು, ಕರ್ನಾಟಕ ಅಲ್ಪ ಸಮಾಧಾನಕರ ಸ್ಥಾನದಲ್ಲಿದೆ.
ಟ್ರಾನ್ಸ್ಪರೆನ್ಸಿ ಇಂಟರ್ನ್ಯಾಶನಲ್ ಇಂಡಿಯಾ ಸಂಸ್ಥೆಯು ಸ್ಥಳೀಯರೊಂದಿಗೆ ಸೇರಿ ಮಾಡಿದ ಸರ್ವೆ ಪ್ರಕಾರ ಭಾರತದ ಅತ್ಯಂತ ಭ್ರಷ್ಟ ರಾಜ್ಯ ರಾಜಸ್ಥಾನವಂತೆ.
ರೈತನಿಂದ ಲಂಚ ಪಡೆದು ಜೈಲು ಸೇರಿದ ಕೆ.ಆರ್. ಪೇಟೆ ಎಎಸ್ ಐ
ಕರ್ನಾಟಕವು ಈ ಪಟ್ಟಿಯಲ್ಲಿ 7 ನೇ ಸ್ಥಾನದಲ್ಲಿದೆ. ಕರ್ನಾಟಕದಲ್ಲಿ 63% ಶೇಕಡಾ ಜನ ಕೆಲಸ ಮಾಡಿಸಿಕೊಳ್ಳಲು ಲಂಚ ಕೊಡುತ್ತಾರಂತೆ. ಕೇವಲ 9% ಜನ ಮಾತ್ರವೇ ಹಣ ಕೊಡದೇ ಕೆಲಸ ಮಾಡಿಸಿಕೊಂಡಿದ್ದಾರೆ. ಉಳಿದಂತೆ ಒಂದೆರಡು ಬಾರಿ ಲಂಚ ಕೊಟ್ಟಿರುವವರ ಸಂಖ್ಯೆ ಹೆಚ್ಚಿದೆ.
ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿ ರಾಜಸ್ಥಾನ ಇದೆ. ಈ ರಾಜ್ಯದಲ್ಲಿ 78% ಜನ ಸರ್ಕಾರಿ ಕೆಲಸಗಳನ್ನು ಮಾಡಿಸಿಕೊಳ್ಳಲು ಲಂಚ ಕೊಡುತ್ತಾರಂತೆ. ದೇಶದ ಅತಿ ಭ್ರಷ್ಟ ರಾಜ್ಯ ರಾಜಸ್ಥಾನ.
ಸುಧಾರಣೆ ಕಾಣದ ಬಿಹಾರ ರಾಜ್ಯ
ಎರಡನೇ ಅತಿ ಭ್ರಷ್ಟ ರಾಜ್ಯ ಸ್ಥಾನ ಬಿಹಾರಕ್ಕೆ ಹೋಗಿದೆ. ಈ ರಾಜ್ಯವು ಹಲವು ವರ್ಷಗಳಿಂದ ಭ್ರಷ್ಟಾಚಾರದ ಪಟ್ಟಿಯಲ್ಲಿದೆ. ಯಾವುದೇ ಸರ್ಕಾರಗಳು ಬಂದರು ಹೆಚ್ಚಿನ ಬದಲಾವಣೆಗಳು ಆಗುತ್ತಿಲ್ಲ. ಇಲ್ಲಿ 75% ಜನ ಲಂಚ ಕೊಡುತ್ತಾರಂತೆ.
ಸಣ್ಣ ರಾಜ್ಯದಲ್ಲಿ ಇಷ್ಟೋಂದು ಭ್ರಷ್ಟಾಚಾರ!
ಸಣ್ಣ ರಾಜ್ಯವಾದರೂ ಜಾರ್ಖಂಡ್ ಭ್ರಷ್ಟಾಚಾರ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದೆ. ಈ ರಾಜ್ಯದಲ್ಲಿ 74% ಜನ ತಮ್ಮ ಕೆಲಸ ಮಾಡಿಸಿಕೊಳ್ಳಲು ಲಂಚ ಕೊಡುತ್ತಾರೆಂದು ವರದಿ ಹೇಳಿದೆ.
ಭ್ರಷ್ಟಾಚಾರ ತಡೆದಿದ್ದಕ್ಕೇ ರೋಹಿಣಿ ಸಿಂಧೂರಿ ವರ್ಗಾವಣೆ?
ಯೋಗಿ ಸರ್ಕಾರಕ್ಕೆ ಎಷ್ಟನೇ ಸ್ಥಾನ?
ನಾಲ್ಕನೇ ಸ್ಥಾನವನ್ನು ಉತ್ತರ ಪ್ರದೇಶ ಪಡೆದುಕೊಂಡಿದೆ. ಈ ರಾಜ್ಯದಲ್ಲಿ ಸಹ 74% ಜನ ಲಂಚ ನೀಡಿಯೇ ಕೆಲಸ ಮಾಡಿಸಿಕೊಳ್ಳುತ್ತಾರಂತೆ. ಐದನೇ ಸ್ಥಾನದಲ್ಲಿ ಪಕ್ಕದ ತೆಲಂಗಾಣ ಇದೆ. ಮೊದಲ ಐದು ಸ್ಥಾನದಲ್ಲಿರುವ ದಕ್ಷಿಣದ ರಾಜ್ಯ ತೆಲಂಗಾಣವಾಗಿದೆ. ಈ ರಾಜ್ಯದಲ್ಲಿ 67% ಜನ ಲಂಚ ಕೊಡುತ್ತಾರಂತೆ.
ತಮಿಳುನಾಡಿಗೆ ಯಾವ ಸ್ಥಾನ?
ಪಂಜಾಬ್ ರಾಜ್ಯವು ಆರನೇ ಸ್ಥಾನದಲ್ಲಿದೆ. ಈ ರಾಜ್ಯದಲ್ಲಿ 63% ಜನ ತಮ್ಮ ಕೆಲಸ ಮಾಡಿಸಿಕೊಳ್ಳಲು ಲಂಚ ನೀಡುತ್ತಾರೆ. ಏಳನೇ ಸ್ಥಾನದಲ್ಲಿ ಕರ್ನಾಟಕ ಸ್ಥಿತವಾಗಿದೆ. ಎಂಟನೇ ಸ್ಥಾನದಲ್ಲಿ ತಮಿಳುನಾಡು ರಾಜ್ಯವಿದೆ. ಈ ರಾಝ್ಯದಲ್ಲಿ 62% ಜನ ಲಂಚ ನೀಡುತ್ತಾರಂತೆ.
ಅತ್ಯಂತ ಕಡಿಮೆ ಭ್ರಷ್ಟ ರಾಜ್ಯ ಯಾವುದು?
ಕೇರಳ ದೇಶದ ಅತ್ಯಂತ ಕಡಿಮೆ ಭ್ರಷ್ಟ ರಾಜ್ಯವೆಂದು ವರದಿ ಹೇಳಿದೆ. ಕೇರಳದಲ್ಲಿ ಕೇವಲ 10% ಮಂದಿ ಮಾತ್ರವೇ ಲಂಚ ಕೊಡುತ್ತಾರಂತೆ. ಮಧ್ಯಪ್ರದೇಶ, ಗೋವಾ, ಗುಜರಾತ್, ಪಶ್ಚಿಮಬಂಗಾಳ ರಾಜ್ಯಗಳಲ್ಲಿಯೂ ಸಹ ಹೆಚ್ಚು ಭ್ರಷ್ಟಾಚಾರ ನಡೆಯುವಿದಿಲ್ಲವೆಂದು ವರದಿ ಹೇಳಿದೆ.