ಪಾಸ್ಪೋರ್ಟ್ ಸೇವಾ ಆ್ಯಪ್ ಸೂಪರ್ ಹಿಟ್, 2 ದಿನದಲ್ಲಿ 10 ಲಕ್ಷ ಡೌನ್ಲೋಡ್
ನವದೆಹಲಿ, ಜೂನ್ 29: ಎರಡೇ ಎರಡು ದಿನದಲ್ಲಿ ಕೇಂದ್ರ ಸರಕಾರದ ಪಾಸ್ಪೋರ್ಟ್ ಸೇವಾ ಮೊಬೈಲ್ ಆ್ಯಪ್ ಭಾರೀ ಜನಪ್ರಿಯತೆ ಪಡೆದುಕೊಂಡಿದೆ. ಈ ಅವಧಿಯಲ್ಲಿ ಬರೋಬ್ಬರಿ 10 ಲಕ್ಷ ಆ್ಯಪ್ ಗಳು ಡೌನ್ಲೋಡ್ ಆಗಿವೆ. ಶುಕ್ರವಾರ ಈ ಸುದ್ದಿಯನ್ನು ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್ ಟ್ವಿಟ್ಟರ್ ನಲ್ಲಿ ಖಚಿತಪಡಿಸಿದ್ದಾರೆ.
ಬುಧವಾರದಂದು ಆರನೇ ಪಾಸ್ಪೋರ್ಟ್ ಸೇವಾ ದಿವಸದ ಸಂದರ್ಭದಲ್ಲಿ ಈ ಮೊಬೈಲ್ ಆ್ಯಪ್ ಗೆ ಚಾಲನೆ ನೀಡಲಾಗಿತ್ತು.
ಪಾಸ್ಪೋರ್ಟ್ ಪಡೆಯಲು ವಿವಾಹ ಪ್ರಮಾಣ ಪತ್ರ ಬೇಕಾಗಿಲ್ಲ: ಸುಷ್ಮಾ
"ಇತ್ತೀಚೆಗೆ ವಿದೇಶಾಂಗ ಸಚಿವಾಲಯ ಪಾಸ್ಪೋರ್ಟ್ ಸೇವಾ ಮೊಬೈಲ್ ಆ್ಯಪ್ ನ್ನು ಬಿಡುಗಡೆ ಮಾಡಿತ್ತು. ಈಗಾಗಲೇ ಇದು10 ಲಕ್ಷ ಡೌನ್ಲೋಡ್ ಆಗಿದೆ," ಎಂದು ಸುಷ್ಮಾ ಸ್ವರಾಜ್ ಟ್ವೀಟ್ ಮಾಡಿದ್ದಾರೆ. ಅವರು ಈ ಆ್ಯಪ್ ಬಿಡುಗಡೆಗೂ ಮುನ್ನವೇ ಇದೊಂದು ಕ್ರಾಂತಿಕಾರಿ ನಡೆ ಎಂದು ಬಣ್ಣಿಸಿದ್ದರು. ಐಒಎಸ್ ಮತ್ತು ಆ್ಯಂಡ್ರಾಯ್ಡ್ ಗೆ ಈ ಆ್ಯಪ್ ಲಭ್ಯವಿದೆ.
Passport Seva mobile App launched recently by the Ministry of External Affairs recently has already registered 1 million downloads. https://t.co/P2sQEGWETp
— Sushma Swaraj (@SushmaSwaraj) June 29, 2018
ಈ ಆ್ಯಪ್ ಮೂಲಕ ಬಳಕೆದಾರರು ಪಾಸ್ಪೋರ್ಟ್ ಗೆ ಅರ್ಜಿ ಸಲ್ಲಿಸಿ, ಹಣ ಕಟ್ಟಿ ಭೇಟಿಗೆ ಸಮಯ ನಿಗದಿಪಡಿಸಿಕೊಳ್ಳಬಹುದಾಗಿದೆ. ಸುಲಭ ಪಾಸ್ಪೋರ್ಟ್ ಪಡೆಯುವಂತೆ ಮಾಡುವ ವಿದೇಶಾಂಗ ಇಲಾಖೆಯ ಉದ್ದೇಶಕ್ಕೆ ಬೆಂಬಲವಾಗಿ ಈ ಆ್ಯಪ್ ಬಿಡುಗಡೆ ಮಾಡಲಾಗಿದೆ.
ನೀವು ಎಲ್ಲೇ ನೆಲೆಸಿದ್ದರೂ ಈ ಆ್ಯಪ್ ಮೂಲಕ ಅರ್ಜಿ ಸಲ್ಲಿಸುವಾಗ ಪ್ರಾದೇಶಿಕ ಪಾಸ್ಪೋರ್ಟ್ ಕೇಂದ್ರ, ಪಾಸ್ಪೋರ್ಟ್ ಸೇವಾ ಕೇಂದ್ರ ಅಥವಾ ಪೋಸ್ಟ್ ಆಫೀಸ್ ಪಾಸ್ಪೋರ್ಟ್ ಸೇವಾ ಕೇಂದ್ರಗಳನ್ನು ಆಯ್ಕೆ ಮಾಡಿಕೊಳ್ಳಬಹುದಾಗಿದೆ.