• search
  • Live TV
ಹೈದರಾಬಾದ್ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಡ್ರಗ್ಸ್ ಜಾಲ: ಈವರೆಗೆ ವಿಚಾರಣೆಗೆ ಒಳಪಟ್ಟ ತೆಲುಗು ಸಿನಿ ತಾರೆಗಳು

By ಒನ್ ಇಂಡಿಯಾ ನ್ಯೂಸ್ ಡೆಸ್ಕ್
|

ಹೈದರಾಬಾದ್, ಜುಲೈ 25: ತೆಲುಗು ಚಿತ್ರರಂಗವನ್ನಾವರಿಸಿರುವ ಡ್ರಗ್ಸ್ ಪೆಡಂಭೂತದ ಜಾಲದಲ್ಲಿ ತಮ್ಮನ್ನೂ ಹೆಸರಿಸಿರುವ ತನಿಖಾಧಿಕಾರಿಗಳ ವಿರುದ್ಧ ತೆಲುಗು ಚಿತ್ರ ನಟಿ ಚಾರ್ಮಿ ಕೌರ್, ಹೈದರಾಬಾದ್ ಹೈಕೋರ್ಟ್ ನಲ್ಲಿ ಮೊಕದ್ದಮೆ ದಾಖಲಿಸಿದ್ದಾರೆ. ಡ್ರಗ್ಸ್ ಜಾಲದಲ್ಲಿ ತಮ್ಮ ವಿರುದ್ಧ ಆರೋಪ ಹೊರಿಸಿರುವುದರಿಂದ ತಮ್ಮ ಇಮೇಜ್ ಗೆ ಧಕ್ಕೆಯಾಗಿದೆ ಎಂದು ಅವರು ದೂರಿತ್ತಿದ್ದಾರೆ.

ಡ್ರಗ್ಸ್ ಕೇಸ್ : ನಿರ್ದೇಶಕ ಪೂರಿ ಜಗನ್ನಾಥ್ ವಿಚಾರಣೆಗೆ ಹಾಜರು

ಅಲ್ಲದೆ, ತಮ್ಮಿಂದ ಈ ಹಿಂದೆ ಪಡೆಯಲಾಗಿದ್ದ ರಕ್ತ ಮತ್ತು ಉಗುರುಗಳ ಪರೀಕ್ಷಾ ವರದಿಯಲ್ಲಿ ತಾವು ಡ್ರಗ್ಸ್ ತೆಗೆದುಕೊಂಡಿರುವುದು ಸಾಬೀತಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಆದರೆ, ಈ ಪರೀಕ್ಷಾ ವರದಿಯು ನೈತಿಕತೆಯಿಂದ ಕೂಡಿದೆ ಎಂಬುದರ ಬಗ್ಗೆಯೇ ಅನುಮಾನಗಳಿವೆ ಎಂದು ಅವರು ದೂರಿನಲ್ಲಿ ತಿಳಿಸಿದ್ದಾರೆ.

ಡ್ರಗ್ ಕೇಸ್ : ನಟಿ ಕಾಜಲ್ ಅವರ ಮ್ಯಾನೇಜರ್ ಬಂಧನ

ಅಂದಹಾಗೆ, ಕೇವಲ ಚಾರ್ಮಿ ಮಾತ್ರ ಈ ಜಾಲದಲ್ಲಿ ಸಿಕ್ಕಿಹಾಕಿಕೊಂಡಿಲ್ಲ. ಹಲವಾರು ಖ್ಯಾತ ನಾಮರೂ ಪೊಲೀಸರು ಸಲ್ಲಿಸಿರುವ ಆರೋಪಪಟ್ಟಿಯಲ್ಲಿದ್ದಾರೆ. ಕ್ಯಾಲ್ವಿನ್ ಮಾಸ್ಕರೆನ್ಹಾಸ್ ಎಂಬ ವ್ಯಕ್ತಿಯೇ ಈ ಎಲ್ಲಾ ಡ್ರಗ್ಸ್ ಜಾಲದ ರೂವಾರಿಯೆಂದು ಪೊಲೀಸರು ತಿಳಿಸಿದ್ದಾರೆ. ಆ ಖ್ಯಾತ ನಾಮರು ಯಾರು, ಅವರ ಹಿನ್ನೆಲೆಗಳ ಬಗ್ಗೆ ಸಂಕ್ಷಿಪ್ತ ಮಾಹಿತಿ ಇಲ್ಲಿದೆ.

ಮಾದಕ ವಸ್ತು ಬಳಕೆ ಮಾಡಿಲ್ಲ ಎಂದ ನಿರ್ದೇಶಕ

ಮಾದಕ ವಸ್ತು ಬಳಕೆ ಮಾಡಿಲ್ಲ ಎಂದ ನಿರ್ದೇಶಕ

ತೆಲುಗು ಚಿತ್ರರಂಗ ಕಂಡ ಸ್ಟೈಲಿಷ್ ನಿರ್ದೇಶಕ. ಇದೀಗ, ಡ್ರಗ್ಸ್ ಮಾಫಿಯಾ ಸುಳಿಯಲ್ಲಿ ಸಿಲುಕಿರುವ ಅವರು, ಇತ್ತೀಚೆಗೆ ಎಸ್ಐಟಿ ಮುಂದೆ ವಿಚಾರಣೆಗೆ ಹಾಜರಾದರು. ಸುಮಾರು 10 ಗಂಟೆಗಳ ಕಾಲ ಅವರ ವಿಚಾರಣೆ ನಡೆಸಲಾಯಿತು. ಆ ಸಂದರ್ಭದಲ್ಲಿ ಅವರು, ಕ್ಯಾಲ್ವಿನ್ ನನ್ನು ಭೇಟಿಯಾಗಿಲ್ಲ ಎಂದು ಸ್ಪಷ್ಟಪಡಿಸಿರುವ ಅವರು, ತಾವು ಮಾದಕ ವಸ್ತುಗಳನ್ನು ಬಳಸಿಲ್ಲ ಎಂದೂ ತಿಳಿಸಿರುವುದಾಗಿ ಮೂಲಗಳು ತಿಳಿಸಿವೆ.

ಸ್ಪಷ್ಟವಾಗಿ ಏನನ್ನೂ ಹೇಳದ ಸಿನಿಮಾಟೋಗ್ರಾಫರ್

ಸ್ಪಷ್ಟವಾಗಿ ಏನನ್ನೂ ಹೇಳದ ಸಿನಿಮಾಟೋಗ್ರಾಫರ್

ಇತ್ತೀಚೆಗೆ, ಅಂದರೆ ಜೂನ್ 20ರಂದು ಸಿನಿಮಾಟ್ರೋಗ್ರಾಫರ್ ಶ್ಯಾಮ್ ಕೆ. ನಾಯ್ಡು ಅವರು, ಎಸ್ಐಟಿ ಮುಂದೆ ಹಾಜರಾಗಿದ್ದಾರೆ. ತಮ್ಮೊಂದಿಗೆ ತಮ್ಮ ಆಪ್ತ ಸಹಾಯಕ ಹಾಗೂ ಸಂಬಂಧಿಯೊಬ್ಬರನ್ನೂ ಅವರು ಕರೆದುಕೊಂಡು ವಿಚಾರಣೆಗೆ ಬಂದಿದ್ದರು. ಆದರೆ, ತನಿಖಾಧಿಕಾರಿಗಳ ಮುಂದೆ ಅವರು ಸ್ಪಷ್ಟವಾಗಿ ಏನನ್ನೂ ಹೇಳಲಿಲ್ಲವಂತೆ.

ನೇರ ಸಂಪರ್ಕ ಇವರಿಗೆ ಇಲ್ಲವಂತೆ!

ನೇರ ಸಂಪರ್ಕ ಇವರಿಗೆ ಇಲ್ಲವಂತೆ!

ಇನ್ನು, ಬಾಹುಬಲಿ ಚಿತ್ರದಲ್ಲಿ ನಟಿಸಿರುವ ಹೆಗ್ಗಳಿಕೆ ಹೊಂದಿರುವ ಪಿ. ಸುಬ್ಬರಾಜು ಅವರು, ಜೂನ್ 21ರಂದು ವಿಚಾರಣೆಗೆ ಹಾಜರಾಗಿದ್ದರು. ಇವರ ವಿಚಾರಣೆ 12 ಗಂಟೆ ನಡೆದಿದೆ. ಆದರೆ, ಇವರು ಕ್ಯಾಲ್ವಿನ್ ಜತೆ ತಮಗೆ ನೇರ ಸಂಪರ್ಕ ಇಲ್ಲ ಎಂದು ವಿಚಾರಣೆ ವೇಳೆ ತಿಳಿಸಿದ್ದಾರೆ.

ಪಬ್ ಹೆಸರು ಪ್ರಸ್ತಾಪ

ಪಬ್ ಹೆಸರು ಪ್ರಸ್ತಾಪ

ನಟ ತರುಣ್ ಅವರನ್ನು ತನಿಖಾಧಿಕಾರಿಗಳು ಜೂನ್ 22ರಂದು ಸುಮಾರು 13 ಗಂಟೆಗಳ ಕಾಲ ವಿಚಾರಣೆಗೆ ಒಳಪಡಿಸಿದ್ದಾರೆ. 2009ರಲ್ಲಿ ಪ್ರತಿಷ್ಠಿತರು ಇರುವ ಬಂಜಾರಾ ಹಿಲ್ಸ್ ನಲ್ಲಿ ಪಬ್ ಆರಂಭಿಸಿದ್ದರು. ಆ ಪಬ್ ಇದೀಗ ಡ್ರಗ್ಸ್ ಜಾಲದಲ್ಲಿ ಕಾಣಿಸಿಕೊಂಡಿರುವುದರಿಂದ ತರುಣ್ ಅವರನ್ನು ವಿಚಾರಣೆಗೆ ಒಳಪಡಿಸಲಾಗಿದೆ.

ಸ್ವಲ್ಪ ಡಿಫರೆಂಟ್ ಉತ್ತರ ಕೊಟ್ಟ ನಟ

ಸ್ವಲ್ಪ ಡಿಫರೆಂಟ್ ಉತ್ತರ ಕೊಟ್ಟ ನಟ

ಜುಲೈ 24ರಂದು ಪಲ್ಲಪೊಲ್ಲು ನವದೀಪ್ ಅವರ ವಿಚಾರಣೆ ನಡೆದಿದೆ. ಡ್ರಗ್ಸ್ ಪ್ರಕರಣದ ಸ್ಫೋಟಗೊಳ್ಳುತ್ತಲೇ ತಮ್ಮನ್ನು ವಿಚಾರಣೆಗೆ ಆಹ್ವಾನಿಸುತ್ತಾರೆಂದು ಅವರಿಗೆ ಮೊದಲೇ ಗೊತ್ತಿತ್ತಂತೆ! ಕ್ಯಾಲ್ವಿನ್ ಬಂಧನವಾದ ಕೂಡಲೇ ತನ್ನನ್ನು ವಿಚಾರಣೆಗೆ ಕರೆಯಬಹುದು ಎಂದು ಅವರಿಗೆ ಅನ್ನಿಸಿತ್ತಂತೆ. ಆದರೆ, ಕ್ಯಾಲ್ವಿನ್ ಅವರನ್ನು ತಾವು ಕೇವಲ ಇವೆಂಟ್ ಮ್ಯಾನೇಜರ್ ಆಗಿ ಬಲ್ಲೆ. ಅವರು ಡ್ರಗ್ಸ್ ವ್ಯವಹಾರ ನಡೆಸುತ್ತಿದ್ದರೆಂಬುದು ತಮಗೆ ಗೊತ್ತಿರಲಿಲ್ಲ ಎಂದು ಅವರು ತಿಳಿಸಿದ್ದಾರೆ ಎಂದು ಹೇಳಲಾಗಿದೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
The Telugu Cine stars who engulfed in the drug scandal, came before Special investigative team for inquiry recently. The Telugu film industry is currently reeling under a drug scandal after officials of Telangana Excise (Enforcement) Department busted a major drug racket that supplied high-end drugs to people in the corporate sector, students and celebrities.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more