ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಅಂಧ ಮಕ್ಕಳನ್ನು ಬೆತ್ತದಿಂದ ನಿರ್ದಯವಾಗಿ ಬಾರಿಸಿದ ಶಿಕ್ಷಕ

By Prasad
|
Google Oneindia Kannada News

Teacher mercilessly beats up blind students
ಹೈದರಾಬಾದ್, ಜು. 21 : ಇದೊಂದು ದೃಶ್ಯವನ್ನು ಕಣ್ಣು ಮಂಜಾಗಿಸಿಕೊಳ್ಳದೆ ನೋಡಲು ಸಾಧ್ಯವೇ ಇಲ್ಲ. ತಪ್ಪಾಯ್ತು ಕ್ಷಮಿಸಿ ಹೊಡೀಬೇಡಿ ಎಂದು ಗೋಗರೆಯುತ್ತಿದ್ದ ದೃಷ್ಟಿಮಾಂದ್ಯ ಮಕ್ಕಳನ್ನು ಬೆತ್ತದಿಂದ ಆ ಶಿಕ್ಷಕ ನಿರ್ದಯವಾಗಿ ಬಾರಿಸುತ್ತಿದ್ದರೆ ಮಾನವೀಯತೆಗೆ ಬೆಲೆಯೇ ಇಲ್ಲವಾ ಎಂದು ಅಂದುಕೊಂಡರೂ ಅಚ್ಚರಿಯಿಲ್ಲ.

ಹತ್ತು ವರ್ಷಕ್ಕಿಂತ ಕೆಳಗಿನ ಮೂವರು ಅಂಧ ಮಕ್ಕಳ ಬೆನ್ನಿನ ಮೇಲೆ ಕಣ್ಣಿಗೆ ಕಪ್ಪು ಕನ್ನಡಕ ಹಾಕಿಕೊಂಡಿದ್ದ ವ್ಯಕ್ತಿ ಹಿಗ್ಗಾಮುಗ್ಗಾ ಬಾರಿಸುತ್ತಿರುವ ಮೂರು ನಿಮಿಷಗಳ ವಿಡಿಯೋ ಹೃದಯ ಹಿಂಡುವಂತಿದೆ. ಈ ವಿಡಿಯೋ ತುಣುಕನ್ನು ಮೊಬೈಲ್ ಬಳಸಿ ಚಿತ್ರೀಕರಿಸಲಾಗಿದೆ.

ಆ ಬಾಲಕನನ್ನು ಥಳಿಸಲು ಅನುಕೂಲವಾಗಲೆಂದು ಮತ್ತೊಬ್ಬ ವ್ಯಕ್ತಿ ಬಾಲಕನನ್ನು ಗಟ್ಟಿಯಾಗಿ ಹಿಡಿದುಕೊಂಡಿದ್ದಾನೆ. ಕಪ್ಪು ಕನ್ನಡಕ ಧರಿಸಿದ್ದ ವ್ಯಕ್ತಿ ಬೆತ್ತ ಹಿಡಿದುಕೊಂಡು ಬಾರಿಸುತ್ತಿರುವ ದೃಶ್ಯ ಎಂಥವರನ್ನೂ ಮನಕಲಕುವಂತೆ ಮಾಡುತ್ತದೆ. ಈ ರೀತಿ ನಿರ್ದಯವಾಗಿ ಥಳಿಸಲು ಕಾರಣವಾದರೂ ಏನು ಎಂಬುದು ತನಿಖೆಯಿಂದ ತಿಳಿದುಬರಬೇಕಿದೆ.


ಬಾಲಕನ ಶರ್ಟನ್ನು ಹಿಡಿದು ಎಳೆದಾಡಿದ (ಅ)ಶಿಕ್ಷಕ ಆತನ ತಲೆಯನ್ನು ಗೋಡೆಗೆ ಘಟ್ಟಿಸಿದ್ದಾನೆ. ನೋವನ್ನು ತಡೆಯಲಾರದೆ ಬಾಲಕ ಬೆತ್ತವನ್ನು ಹಿಡಿದು, ಹೊಡೆಯಬೇಡಿರೆಂದು ಗೋಗರೆಯುತ್ತಿದ್ದರೂ ಕೇಳದ ಶಿಕ್ಷಕ ಬೆತ್ತವನ್ನು ಕಸಿದುಕೊಂಡು ಮನಸೋಯಿಚ್ಛೆ ಹೊಡೆದಿದ್ದಾನೆ. [ವಿಬ್ ಗಯಾರ್ ಪ್ರಕರಣ : ಆರೋಪಿ ಮುಸ್ತಫಾ ಬಂಧನ]

ಕಾಕಿನಾಡದ ಪೊಲೀಸರ ಪ್ರಕಾರ, ಈ ಘಟನೆ ಗ್ರೀನ್‌ಫೀಲ್ಡ್ ವಸತಿ ಶಾಲೆಯಲ್ಲಿ ನಡೆದಿದ್ದು, ಮಕ್ಕಳನ್ನು ಮನಬಂದಂತೆ ಥಳಿಸಿದ ವ್ಯಕ್ತಿ ಮತ್ತು ಶಾಲೆಯ ಪ್ರಿನ್ಸಿಪಾಲ್‌ರನ್ನು ಬಂಧಿಸಲಾಗಿದೆ. ರಾಜ್ಯದ ಮಕ್ಕಳ ಹಕ್ಕು ಸಮಿತಿ ಈ ಘಟನೆಯ ತನಿಖೆಯನ್ನು ಪ್ರತ್ಯೇಕವಾಗಿ ನಡೆಸುತ್ತಿದೆ. ವಸತಿ ಶಾಲೆಯಲ್ಲಿ 60ಕ್ಕೂ ಹೆಚ್ಚು ಮಕ್ಕಳು ಕಲಿಯುತ್ತಿದ್ದಾರೆ.

ಶಿಕ್ಷಕನನ್ನು ಥಳಿಸಿದ ಪೋಷಕರು : ಈ ಸುದ್ದಿ ಬಹಿರಂಗವಾಗುತ್ತಿದ್ದಂತೆ ಶಾಲೆಗೆ ನುಗ್ಗಿದ ಮಕ್ಕಳ ಪೋಷಕರು ಶಿಕ್ಷಕನನ್ನು ಮತ್ತು ಮ್ಯಾನೇಜರನ್ನು ಹಿಡಿದು ಯದ್ವಾತದ್ವಾ ಥಳಿಸಿದ್ದಾರೆ. ನಂತರ ಆತನನ್ನು ಪೊಲೀಸರಿಗೆ ಒಪ್ಪಿಸಿದ್ದಾರೆ.

English summary
In a video, a teacher of a blind school mercilessly beats up three blinds students, though they beg, cry to spare them. The incident has happened in Kakinada, Andhra Pradesh. You simply cant watch this video.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X