ಮದುವೆಯಾದ ದಂಪತಿ ಕೊರೊನಾಗೆ ಖಂಡಿತ ಥ್ಯಾಂಕ್ಸ್ ಹೇಳ್ತಾರೆ!

''ಪ್ರತ್ಯೇಕವಾಗಿ ಇರಲು ಅವಕಾಶ ಮಾಡಿಕೊಟ್ಟ ಕೊರೊನಾ ವೈರಸ್ ಗೆ ಮದುವೆಯಾದ ದಂಪತಿಗಳು ಖಂಡಿತ ಥ್ಯಾಂಕ್ಸ್ ಹೇಳ್ತಾರೆ'' - ಹೀಗಂತ ನಾವು ಹೇಳ್ತಿಲ್ಲ ಸ್ವಾಮಿ. ತೆಲುಗು ಚಿತ್ರರಂಗದ ವಿವಾದಾತ್ಮಕ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಟ್ವೀಟ್ ಮಾಡಿದ್ದಾರೆ.

ಕೊಂಕು ಮತ್ತು ವ್ಯಂಗ್ಯವಾಗಿ ಟ್ವೀಟ್ ಮಾಡುವುದರಲ್ಲಿ ರಾಮ್ ಗೋಪಾಲ್ ವರ್ಮಾ ಹೆಸರುವಾಸಿ. ಕೊರೊನಾ ವೈರಸ್ ಭಾರತಕ್ಕೆ ಕಾಲಿಟ್ಟಾಗ, ''ನಮ್ಮ ಸಾವು ಕೂಡ ಮೇಡ್ ಇನ್ ಚೀನಾ ಆಗುತ್ತೆ ಎಂದು ಭಾವಿಸಿರಲಿಲ್ಲ'' ಅಂತ ಟ್ವೀಟ್ ಮಾಡಿದ್ದ ರಾಮ್ ಗೋಪಾಲ್ ವರ್ಮಾ ಇದೀಗ ಕೊರೊನಾ ವೈರಸ್ ಸೋಂಕನ್ನು ತಡೆಗಟ್ಟಲು 'Isolation' ಗೆ ಒಳಗಾಗುತ್ತಿರುವವರ ಬಗ್ಗೆ ಟ್ವೀಟಿಸಿದ್ದಾರೆ.

''99.99999% ಮದುವೆಯಾದ ದಂಪತಿಗಳು ತಮ್ಮನ್ನ ಪ್ರತ್ಯೇಕವಾಗಿ ಇರಿಸಿದ್ದಕ್ಕೆ ಕೊರೊನಾ ವೈರಸ್ ಗೆ ಥ್ಯಾಂಕ್ಸ್ ಹೇಳ್ತಾರೆ. ಉಳಿದ 0.00001% ರಷ್ಟು ಮದುವೆಯಾದ ದಂಪತಿಗಳು ಸಾವನ್ನಪ್ಪಿದ್ದಾರೆ'' ಎಂದು ರಾಮ್ ಗೋಪಾಲ್ ವರ್ಮಾ ಟ್ವೀಟ್ ಮಾಡಿದ್ದಾರೆ.

99.99999 % of married couples will thank Coronavirus for isolating them 🙏 and the 0.00001 % of married couples are dead

— Ram Gopal Varma (@RGVzoomin) March 17, 2020

''ಪರಸ್ಪರ ದ್ವೇಷಿಸುವ ಗಂಡ ಹೆಂಡತಿಗೆ 'Isolation' (ಪ್ರತ್ಯೇಕವಾಗಿರುವುದು) ತುಂಬಾ ಒಳ್ಳೆಯ ವಿಚಾರ'' ಅಂತಲೂ ರಾಮ್ ಗೋಪಾಲ್ ವರ್ಮಾ ಟ್ವೀಟ್ ಮಾಡಿದ್ದಾರೆ.

Good thing about isolation is, it’s a Great thing for husbands and wives who hate each other 😌

— Ram Gopal Varma (@RGVzoomin) March 17, 2020

ಕೊರೊನಾ ವೈರಸ್ ಬಗ್ಗೆ ಆರ್.ಜಿ.ವಿ ಮಾಡಿರುವ ಟ್ವೀಟ್ ಗಳನ್ನು ನೋಡಿ, ''ಈಗಿನ ಆತಂಕದ ವಾತಾವರಣದಲ್ಲಿ ಇಂತಹ ಐಡಿಯಾಗಳು ಆರ್.ಜಿ.ವಿಗೆ ಮಾತ್ರ ಬರಲು ಸಾಧ್ಯ'' ಎನ್ನುತ್ತಿದ್ದಾರೆ ನೆಟ್ಟಿಗರು.

ಅಂದ್ಹಾಗೆ, ಭಾರತದಲ್ಲಿ ಇಲ್ಲಿಯವರೆಗೂ 139 ಕೊರೊನಾ ಸೋಂಕಿತ ಪ್ರಕರಣಗಳು ದಾಖಲಾಗಿವೆ. ಅದರಲ್ಲಿ ಈಗಾಗಲೇ 14 ಮಂದಿ ಗುಣಮುಖರಾಗಿದ್ದಾರೆ. 3 ಮಂದಿ ಸಾವನ್ನಪ್ಪಿದ್ದಾರೆ.

English summary

Tollywood Director Ram Gopal Varma tweets about Coronavirus Isolation.