ಸಾಮಾಜಿಕ ಅಂತರದಿಂದ ಏನಾಗುತ್ತೆ? ಅತ್ಯುತ್ತಮ ಉದಾಹರಣೆ ಇಲ್ಲಿದೆ!
ವಿಶ್ವದಾದ್ಯಂತ ಮಹಾಮಾರಿ ಕೊರೊನಾ ವೈರಸ್ ಬೆಂಬಿಡದೆ ಕಾಡುತ್ತಿದೆ. ಜಗತ್ತಿನ 186 ದೇಶಗಳಲ್ಲಿ ಕೊರೊನಾ ವೈರಸ್ ಸೋಂಕು ಹರಡಿದೆ. ಸೋಂಕನ್ನು ತಡೆಗಟ್ಟಲು ವಿವಿಧ ದೇಶಗಳು, ಹಲವು ಕ್ರಮಗಳನ್ನು ಕೈಗೊಳ್ಳುತ್ತಿವೆ. ಅದರಲ್ಲಿ ಬಹುಮುಖ್ಯವಾದದ್ದು 'ಸಾಮಾಜಿಕ ಅಂತರ'.
ಕೋವಿಡ್-19 ಒಬ್ಬರಿಂದ ಮತ್ತೊಬ್ಬರಿಗೆ ಹರಡುತ್ತಿರುವ ಕಾರಣ, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಂತೆ ಎಲ್ಲಾ ವೈದ್ಯರು ಸೂಚಿಸುತ್ತಿದ್ದಾರೆ. ''ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದರಿಂದ ಏನೂ ಪ್ರಯೋಜನ ಇಲ್ಲ'' ಎಂದು ಮೂಗು ಮುರಿಯುವವರು ಒಮ್ಮೆ ಈ ವಿಡಿಯೋ ನೋಡಿ...
ಮದುವೆಯಾದ ದಂಪತಿ ಕೊರೊನಾಗೆ ಖಂಡಿತ ಥ್ಯಾಂಕ್ಸ್ ಹೇಳ್ತಾರೆ!
Proof that social distancing works pic.twitter.com/hEh7BV9OjC
— Ram Gopal Varma (@RGVzoomin) March 20, 2020
ಟಾಲಿವುಡ್ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಟ್ವೀಟ್ ಮಾಡಿರುವ ಈ ವಿಡಿಯೋದಲ್ಲಿ ಒಂದು ಬೆಂಕಿ ಕಡ್ಡಿಯಿಂದ ಇನ್ನೊಂದು ಬೆಂಕಿ ಕಡ್ಡಿಗೆ ಕಿಡಿ ಹೇಗೆ ತಗುಲುತ್ತೆ, ಮತ್ತು ಎಲ್ಲಾ ಬೆಂಕಿ ಕಡ್ಡಿಗಳಿಗೂ ಕಿಡಿ ಹೊತ್ತಿಕೊಳ್ಳದ ಹಾಗೆ ತಡೆಯಲು ಚೇನ್ ಬ್ರೇಕ್ ಮಾಡಿದರೆ ಸಾಕು ಎಂಬುದನ್ನು ಸ್ಪಷ್ಟವಾಗಿ ತೋರಿಸಲಾಗಿದೆ.
ಕೊರೊನಾ ವೈರಸ್ ಸೋಂಕು ಕೂಡ ಅಷ್ಟೇ. ಹತ್ತಿರವಿದ್ದರೆ, ಸೋಂಕು ಒಬ್ಬರಿಂದ ಮತ್ತೊಬ್ಬರಿಗೆ ಸುಲಭವಾಗಿ ಅಂಟುತ್ತದೆ. ಆದ್ರೆ, ಅಂತರ ಕಾಯ್ದುಕೊಂಡು ಚೇನ್ ಬ್ರೇಕ್ ಮಾಡಿದರೆ ಸೋಂಕು ಹರಡುವುದನ್ನು ತಡೆಗಟ್ಟಬಹುದು.
ಹೀಗಾಗಿ, ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ.. ಮನೆಯಲ್ಲಿರಿ.. ಕೊರೊನಾ ಸೋಂಕಿನ ಚೇನ್ ಬ್ರೇಕ್ ಮಾಡಿ.. ನಿಮ್ಮ ಮತ್ತು ನಿಮ್ಮ ಕುಟುಂಬದ ಆರೋಗ್ಯ ಕಾಪಾಡಿಕೊಳ್ಳಿ.