ತೆಲಂಗಾಣದಲ್ಲಿ ಕೊರೊನಾವೈರಸ್ ಕೊಲ್ಲುವ ಹೊಸ ತಂತ್ರಜ್ಞಾನ ಅಭಿವೃದ್ಧಿ
ಹೈದರಾಬಾದ್, ಸೆಪ್ಟೆಂಬರ್ 16: ತೆಲಂಗಾಣದ ಸ್ಥಳೀಯ ಸಂಶೋಧಕ ನರಸಿಂಹ ಚಾರಿ ಕೊರೊನಾವೈರಸ್ ಕೊಲ್ಲುವ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸಿದ್ದಾರೆ.
ನೇರಳಾತೀತ ಪೆಟ್ಟಿಗೆಯಲ್ಲಿ ಫಿಲಾಮೆಂಟ್(ತಂತು)ಲೆಸ್ ಯುವಿ(ತರಂಗ) ಬೆಳಕನ್ನು ಬಳಸಿ ಕೊರೊನಾ ವೈರಸ್ನ್ನು ಕೊಲ್ಲಬಹುದು ಎಂದು ತೋರಿಸಿಕೊಟ್ಟಿದ್ದಾರೆ.
ಸಾಮಾನ್ಯ ನೆಗಡಿಯಿದ್ದರೂ ಕೊವಿಡ್ ಪರೀಕ್ಷೆ ಮಾಡಿಸಿ: ವೈದ್ಯರ ಸಲಹೆ
Recommended Video
ಸೆಂಟರ್ ಸೆಲ್ಯುಲರ್ ಮಲಿಕ್ಯೂಲರ್ ಬಯಾಲಜಿ ನೀಡಿರುವ ಮಾಹಿತಿ ಪ್ರಕಾರ ಇದು ಶೇ.99ರಷ್ಟು ವೈರಲ್ ಕಣಗಳನ್ನು ಯಶಸ್ವಿಯಾಗಿ ತಟಸ್ಥಗೊಳಿಸಬಲ್ಲದು ಎಂಬುದು ತಿಳಿದುಬಂದಿದೆ.
ಸಿಸಿಎಂಬಿ ನಿರ್ದೇಶಕ ರಾಕೇಶ್ ಮಿಶ್ರಾ ಅವರ ಇನ್ಸ್ಟಿಟ್ಯೂಟ್ ನರಸಿಂಹ ಚಾರಿ ಅವರೊಂದಿಗೆ ಒಪ್ಪಂದ ಮಾಡಿಕೊಂಡಿದ್ದಾರೆ.
ರಾಕೇಶ್ ಮಿಶ್ರಾ ಮಾತನಾಡಿ, ಸಣ್ಣ ಸ್ಟಾರ್ಟ್ಅಪ್ಗಳು ಈ ರೀತಿಯ ಸಂಶೋಧನೆಯನ್ನು ಮಾಡುತ್ತಿರುವುದು ಸಂತಸದ ವಿಚಾರ ಸಿಸಿಎಂಬಿಯು ತಾಂತ್ರಿಕ ಸಲಹೆ ನೀಡಲು ಬದ್ಧವಿದೆ.
ಕೊರೊನಾ ವೈರಸ್ ಸೀಸನಲ್ ಆಗುವ ಆತಂಕ: ಬೀರುವ ದುಷ್ಪರಿಣಾಮಗಳೇನು?
ಫಿಲಾಮೆಂಟ್(ತಂತು) ಟ್ಯೂಬ್ ಇಲ್ಲದೆಯೇ ಮೊದಲ ಬಾರಿಗೆ ಈ ಪ್ರಯೋಗ ನಡೆಸಲಾಗಿದೆ.30ವ್ಯಾಟ್ 250 ನ್ಯಾನೋಮೀಟರ್ ಯುವಿ ಲೈಟ್(ತರಂಗ) 15ರಿಂದ 1200 ಸೆಕೆಂಡುಗಳಲ್ಲಿ 30 ಸೆಂ.ಮೀ ದೂರವಿರುವ ವೈರಸ್ನ್ನು ನಾಶಪಡಿಸಬಲ್ಲದಾಗಿದೆ.
ಫಿಲಾಮೆಂಟ್ ಟ್ಯೂಟ್ ಇಂಟೆನ್ಸಿಟಿ ಹೆಚ್ಚಾದಾಗ ಸ್ಫೋಟವಾಗುವ ಸಾಧ್ಯತೆ ಹೆಚ್ಚಿರುತ್ತದೆ. ಆದರೆ ಇದನ್ನು ಮರ್ಕ್ಯೂರಿ ಲೈಟ್ನಿಂದ ಅಭಿವೃದ್ಧಿಪಡಿಸಲಾಗಿದ್ದು, ತಂತುವಿನ ತೀವ್ರತೆ ಎಷ್ಟೇ ಹೆಚ್ಚಾದರೂ ಯಾವುದೇ ತೊಂದರೆಯಾಗುವುದಿಲ್ಲ.