10 ರುಪಾಯಿಗೆ ಸೀರೆ ಮಾರಾಟ; ಹೈದರಾಬಾದ್ ಶಾಪಿಂಗ್ ಮಾಲ್ ನಲ್ಲಿ ಕಾಲ್ತುಳಿತ
ಹೈದರಾಬಾದ್, ಫೆಬ್ರವರಿ 17: ಹೈದರಾಬಾದ್ ನ ಸಿದ್ದಿಪೇಟ್ ನಲ್ಲಿರುವ ಶಾಪಿಂಗ್ ಮಾಲ್ ನಲ್ಲಿ ವಿಪರೀತ ಜನವೋ ಜನ. ಕಾಲ್ತುಳಿತ ಆಗುವ ಮಟ್ಟಕ್ಕೆ ಹೋಯಿತು. ಮಹಿಳೆಯರಿಂದ ನೂಕುನುಗ್ಗಲು. ಅದಕ್ಕೆ ಕಾರಣವಾಗಿದ್ದು ಹತ್ತು ರುಪಾಯಿ ಸೀರೆ ಮಾರಾಟ. ಆ ಬೆಲೆಗೆ ಮಾರಾಟ ಆಗುತ್ತಿದ್ದ ಸೀರೆ ಖರೀದಿಗೆ ಮುಗಿಬಿದ್ದರು.
ಸಿಎಂಆರ್ ಶಾಪಿಂಗ್ ಮಾಲ್ ನಲ್ಲಿ ಹತ್ತು ರುಪಾಯಿಗೆ ಸೀರೆ ಮಾರಾಟ ಆಗುತ್ತಿದೆ ಎಂದು ಗೊತ್ತಾಗುತ್ತಿದ್ದಂತೆ ಮಹಿಳೆಯರು-ಯುವತಿಯರು ಭಾರೀ ಸಂಖ್ಯೆಯಲ್ಲಿ ಬಂದರು. ಯಾವಾಗ ಸಂಖ್ಯೆ ಮಿತಿ ಮೀರಿತೋ ಆಗ ಕಾಲ್ತುಳಿತಕ್ಕೆ ಕಾರಣವಾಯಿತು ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ. ಈ ಘಟನೆಯಲ್ಲಿ ಹಲವರಿಗೆ ಗಾಯಗಳಾಗಿವೆ.
ತೆಲಂಗಾಣ: ಉಚಿತ ಸೀರೆಗಾಗಿ ಜುಟ್ಟು ಹಿಡಿದು ಕಿತ್ತಾಡಿದ ನಾರಿಯರು!
ಈ ನೂಕಾಟದ ಮಧ್ಯೆ ಐದು ತೊಲದ ಚಿನ್ನದ ಸರ, ಆರು ಸಾವಿರ ನಗದು ಹಾಗೂ ಡೆಬಿಟ್ ಕಾರ್ಡ್ ಅನ್ನು ಕಳೆದುಕೊಂಡಿದ್ದಾಗಿ ಮಹಿಳೆಯೊಬ್ಬರು ದೂರಿದ್ದಾರೆ. ಈ ದೂರು ಬಂದ ನಂತರ ಸ್ಥಳೀಯ ಪೊಲೀಸರು ಸಿಎಂಆರ್ ಶಾಪಿಂಗ್ ಮಾಲ್ ತಲುಪಿದ್ದು, ಈ ವಿಚಾರದ ಬಗ್ಗೆ ತನಿಖೆ ಆರಂಭಿಸಿದ್ದಾರೆ.