ಹುಬ್ಬಳ್ಳಿ : ಹಳಿ ದುರಸ್ತಿ ಕಾರ್ಯ ಹಲವು ರೈಲುಗಳ ಸಂಚಾರ ರದ್ದು
ಹುಬ್ಬಳ್ಳಿ, ಏಪ್ರಿಲ್ 12 : ಹುಬ್ಬಳ್ಳಿ-ವಿಜಯಪುರ-ಹುಬ್ಬಳ್ಳಿ ಪ್ಯಾಸೆಂಜರ್ ರೈಲಿನ ಸಂಚಾರವನ್ನು ಏಪ್ರಿಲ್ 16 ರಿಂದ 21ರ ತನಕ ರದ್ದುಗೊಳಿಸಲಾಗಿದೆ. ಹಳಿಗಳ ನಿರ್ವಹಣೆ ಕಾರ್ಯದ ಹಿನ್ನಲೆಯಲ್ಲಿ ರೈಲು ಸಂಚಾರ ರದ್ದಾಗಿದೆ.
ಹುಬ್ಬಳ್ಳಿ-ವಿಜಯಪುರ-ಹುಬ್ಬಳ್ಳಿ ಪ್ಯಾಸೆಂಜರ್ (06919/06920) ರೈಲು ಸಂಚಾರ ರದ್ದು ಮಾಡಲಾಗಿದೆ. ಕೆಲವು ರೈಲುಗಳು ತಡವಾಗಿಯೂ ಸಂಚಾರ ನಡೆಸಲಿವೆ ಎಂದು ರೈಲ್ವೆ ಇಲಾಖೆಯ ಪ್ರಕಟಣೆ ತಿಳಿಸಿದೆ.
ಏ.16 ರಿಂದ 21ರ ತನಕ ಸೊಲ್ಲಾಪುರ-ಗದಗ ನಡುವೆ ಸಂಚರಿಸುವ (71303), ಏಪ್ರಿಲ್ 17 ರಿಂದ 22ರ ತನಕ ಗದಗದಿಂದ ಸೊಲ್ಲಾಪುರಕ್ಕೆ ಸಂಚರಿಸುವ (71304), ಏಪ್ರಿಲ್ 16 ರಿಂದ 21ರ ತನಕ ಸೊಲ್ಲಾಪುರ-ಹುಬ್ಬಳ್ಳಿ-ಸೊಲ್ಲಾಪುರ ನಡುವಿನ ಇಂಟರ್ ಸಿಟಿ ರೈಲು (11423/11424) ರೈಲು ಸಂಚಾರವನ್ನು ರದ್ದು ಮಾಡಲಾಗಿದೆ.
ಬಾಗಲಕೋಟೆ-ಮೈಸೂರು ಬಸವ ಎಕ್ಸ್ಪ್ರೆಸ್ (17308) ರೈಲು ಏ.15ರಂದು 50 ನಿಮಿಷ. ಏಪ್ರಿಲ್ 16ರಂದು 150 ನಿಮಿಷ, ಏಪ್ರಿಲ್ 17, 18 ಮತ್ತು 60 ರಂದು 60 ನಿಮಿಷ, ಏಪ್ರಿಲ್ 21ರಂದು 100 ನಿಮಿಷ ತಡವಾಗಿ ಬಾಗಲಕೋಟೆಯಿಂದ ಹೊರಡಲಿದೆ.