ಹುಬ್ಬಳ್ಳಿಯ ಮೂರುಸಾವಿರ ಮಠದ ಪಕ್ಕದಲ್ಲೇ ಕೊರೊನಾ ವೈರಸ್!
ಹುಬ್ಬಳ್ಳಿ, ಜೂನ್ 24: ಹುಬ್ಬಳ್ಳಿಯ ಮೂರುಸಾವಿರ ಮಠದ ಪಕ್ಕದಲ್ಲೇ ಕೊರೊನಾ ವೈರಸ್ ಸೋಂಕು ದೃಢಪಟ್ಟಿದೆ. ಹೀಗಾಗಿ ಮಠದ ವ್ಯಾಪ್ತಿಯಲ್ಲಿ ಸೀಲ್ ಡೌನ್ ಮಾಡಲಾಗಿದೆ.
Recommended Video
ಪಿ-9418 ವ್ಯಕ್ತಿಗೆ ಕೊರೊನಾ ವೈರಸ್ ಸೋಂಕು ದೃಢಪಟ್ಟಿದೆ. ಹೀಗಾಗಿ ಈ ವ್ಯಕ್ತಿ ಮಠದ ಸಮೀಪದಲ್ಲಿರುವ ಕಾರಣ ಭಕ್ತರು ಬರದಂತೆ ಜಿಲ್ಲಾಡಳಿತ ಬ್ಯಾರಿಕೇಡ್ ಹಾಕಿದೆ. ಮಠದ ಶಾಲೆಯ ಪಕ್ಕದಲ್ಲಿ ಮಠಕ್ಕೆ ಪರ್ಯಾಯ ರಸ್ತೆಯನ್ನು ಜಿಲ್ಲಾಡಳಿತ ಮಾಡಿಕೊಟ್ಟಿದೆ.
ಕರ್ನಾಟಕದಲ್ಲಿ ಪ್ಲಾಸ್ಮಾ ಥೆರಪಿ ಯಶಸ್ವಿ: ಹುಬ್ಬಳ್ಳಿ ಕಿಮ್ಸ್ಗೆ ಶ್ಲಾಘನೆ
ಧಾರವಾಡ ಜಿಲ್ಲೆಯಲ್ಲಿ ಇಂದು 4 ಕೋವಿಡ್-19 ಪಾಸಿಟಿವ್ ಪ್ರಕರಣಗಳು ಪತ್ತೆಯಾಗಿವೆ ಎಂದು ಜಿಲ್ಲಾಧಿಕಾರಿ ದೀಪಾ ಚೋಳನ್ ತಿಳಿಸಿದ್ದಾರೆ. ಪಿ-9416 (55 ವರ್ಷ, ಪುರುಷ) ಇವರು ಧಾರವಾಡ ಮಿಚಗನ್ ಕಾಂಪೌಂಡ್ ಲೋಬೋ ಅವೆಂಜಾ ಅಪಾರ್ಟ್ ಮೆಂಟ್ ನಿವಾಸಿ, ಬೆಂಗಳೂರು ಪ್ರಯಾಣ ಹಿನ್ನೆಲೆ ಹೊಂದಿದ್ದಾರೆ.
ಪಿ-9417 (57 ವರ್ಷ, ಪುರುಷ) ಹುಬ್ಬಳ್ಳಿ ಅಂಚಟಗೇರಿ ನಿವಾಸಿ, ನೆಗಡಿ, ಕೆಮ್ಮು, ತೀವ್ರ ಜ್ವರದಿಂದ (ILI) ಬಳಲುತ್ತಿದ್ದರು. ಪಿ-9418 (36 ವರ್ಷ, ಪುರುಷ ) ಹುಬ್ಬಳ್ಳಿ ಮೂರುಸಾವಿರಮಠ ಹತ್ತಿರದ ನಿವಾಸಿ, ನೆಗಡಿ, ಕೆಮ್ಮು ಹಾಗೂ ತೀವ್ರ ಜ್ವರದಿಂದ (ILI) ಬಳಲುತ್ತಿದ್ದರು.
ಪಿ-9419 (43 ವರ್ಷ, ಪುರುಷ) ನವಲಗುಂದ ತಾಲೂಕು ಮೊರಬ ಗ್ರಾಮದ ಹಳ್ಳಿಗೇರಿ ಓಣಿ ನಿವಾಸಿ, ಪಿ-8289 ಅವರೊಂದಿಗೆ ಸಂಪರ್ಕ ಹೊಂದಿದ್ದರು.
ಧಾರವಾಡ ಲಾಕ್ ಡೌನ್: ಹುಬ್ಬಳ್ಳಿ ಯಥಾಸ್ಥಿತಿ, ಈ ಭಾಗದಲ್ಲಿ ಮಾತ್ರ ಅಂಗಡಿ ಓಪನ್ ಗೆ ಅನುಮತಿ
ಕೊರೊನಾ ವೈರಸ್ ನಿಂದ ಗುಣಮುಖರಾಗಿರುವ 14 ಜನ ಮಂಗಳವಾರ, ಜೂನ್ 22 ರಂದು ಕಿಮ್ಸ್ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಪಿ-6842(35 ವರ್ಷ ಮಹಿಳೆ), ಪಿ-6520(4 ವರ್ಷ, ಬಾಲಕ), ಪಿ-5381 (24 ವರ್ಷ, ಮಹಿಳೆ), ಪಿ-5382, (11 ವರ್ಷ, ಬಾಲಕಿ),
ಪಿ-6251(34 ವರ್ಷ ಮಹಿಳೆ), ಪಿ-6255 (49 ವರ್ಷ, ಪುರುಷ), ಪಿ-6259(62 ವರ್ಷ, ಮಹಿಳೆ), ಪಿ-5380 (21 ವರ್ಷ, ಮಹಿಳೆ), ಪಿ-6522 (29 ವರ್ಷ, ಮಹಿಳೆ), ಪಿ-7032 (50 ವರ್ಷ, ಪುರುಷ), ಪಿ-7033 (2 ವರ್ಷ, ಗಂಡು ಮಗು), ಪಿ-7035(10 ವರ್ಷ, ಬಾಲಕಿ), ಪಿ-7037 (27 ವರ್ಷ, ಪುರುಷ), ಪಿ-7050 (72 ವರ್ಷ, ಪುರುಷ), ಬಿಡುಗಡೆಯಾದ ವ್ಯಕ್ತಿಗಳಾಗಿದ್ದಾರೆ.
ಧಾರವಾಡ ಜಿಲ್ಲೆಯಲ್ಲಿ ಕೊರೊನಾ ವೈರಸ್ ಪ್ರಕರಣಗಳ ಸಂಖ್ಯೆ 206 ಕ್ಕೆ ಏರಿಕೆಯಾಗಿದೆ. ಈಗಾಗಲೇ 90 ಜನ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ.