ವಿಡಿಯೋ: ಗಳಗಳನೇ ಅತ್ತ ದೊಡ್ಡಗೌಡ್ರು, ಜೊತೆಯಾದ ಮೊಮ್ಮಗ!

'ದೇವೇಗೌಡ್ರು ಅತ್ಬಿಟ್ರಂತೆ!' ಅನ್ನೋ ಸುದ್ದಿ ಸಾಮಾಜಿಕ ಮಾಧ್ಯಮಗಳಲ್ಲಿ ಟ್ರೆಂಡಿಂಗ್ ಸುದ್ದಿಯಾಗಿ, ಟ್ರೆಂಡಿಂಗ್ ಟ್ರೋಲ್ ಆಗಿ ತರಹೇವಾರಿ ಕಮೆಂಟ್ ಗಳಿಗೆ ಎಡೆ ಮಾಡಿಕೊಟ್ಟಿದೆ. ದೇವೇಗೌಡರು ಮತ್ತು ಮೊಮ್ಮಗ ಪ್ರಜ್ವಲ್ ರೇವಣ್ಣ, ಸೊಸೆ ಭವಾನಿ ರೇವಣ್ಣ ಅವರು ವೇದಿಕೆಯಲ್ಲೇ ಅಳುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

'ದೇವೇಗೌಡರು ಕೇವಲ ತಮ್ಮ ಕುಟುಂಬಕ್ಕೆ ಮಾಡ್ತಾರೆ ಅಂತಾರೆ. ಆದ್ರೆ ನಮ್ಮ ಕುಟುಂಬದಲ್ಲಿ ಯಾರೂ ತಮಗಾಗಿ ಏನನ್ನೂ ಮಾಡಿಕೊಂಡಿಲ್ಲ. ಈ ದೇಹದಲ್ಲಿ ಶಕ್ತಿ ಇರೋವರೆಗೂ ನಾನು ಜನರಿಗಾಗಿ ಕೆಲಸ ಮಾಡುತ್ತೇನೆ' ಎಂದು ಭಾವುಕರಾದ ಮಾಜಿ ಪ್ರಧಾನಿ ದೇವೇಗೌಡರು, ಗಳಗಳನೇ ಅತ್ತುಬಿಟ್ಟರು!

ನಂತರ ಹಾಸನಕ್ಕೆ ಪ್ರಜ್ವಲ್ ರೇವಣ್ಣ ಅಧಿಕೃತ ಅಭ್ಯರ್ಥಿ ಎಂದು ಅವರೇ ಘೋಷಿಸುತ್ತಿದ್ದಂತೆಯೇ, 'ತಾತ' ನಿಗೆ ಸಾಥ್ ನೀಡುವಂತೆ ಪ್ರಜ್ವಲ್ ರೇವಣ್ಣ ಅವರೂ ಬಿಕ್ಕಿ ಬಿಕ್ಕಿ ಅತ್ತರು. ಅದೇ ವೇದಿಕೆಯಲ್ಲಿದ್ದ ಭವಾನಿ ರೇವಣ್ಣ ಅವರ ಕಣ್ಣಂಚಿನಲ್ಲೂ ನೀರಿತ್ತು. ಈ ಎಲ್ಲ ಪ್ರಹಸನಗಳಿಗೂ ಸಾಕ್ಷಿಯಾದ ಗೌಡರ ಕುಟುಂಬದ ಅಭಿಮಾನಿಗಳು ತಾತ-ಮೊಮ್ಮಗನಿಗೆ ಜೈಕಾರ ಹಾಕಿದರು. ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

#WATCH Former PM&JD(S) leader HD Deve Gowda gets emotional as he announces that his grandson Prajwal Revanna will be JD(S) candidate from Hassan constituency; says, "With your blessings&blessings of Channakeshava God, I've chosen Prajwal Revanna from Hassan." #Karnataka (13.03) pic.twitter.com/gCE0ZN1yK2

— ANI (@ANI) March 14, 2019

ಅಷ್ಟಕ್ಕೂ ಈ ಘಟನೆ ನಡೆದಿದ್ದು ಹಾಸನ ಜಿಲ್ಲೆಯ ಹೊಳೆನರಸಿಪುರದಲ್ಲಿ. ಮೊಮ್ಮಗನಿಗಾಗಿ ಕ್ಷೇತ್ರ ಬಿಟ್ಟುಕೊಟ್ಟಿದ್ದೇನೆ ಎನ್ನುವ ಊಲಕ ದೇವೇಗೌಡರು ಸಹಸ್ರಾರು ಅಭಿಮಾನಿಗಳಲ್ಲೂ ಕಣ್ಣೀರುಕ್ಕಿಸಿದರು.

English summary

A video of former PM HD Deve Gowda and his grandson Prjwal revanna crying in a stage in Hassan becomes viral on social media.