ದುಬೈಯಲ್ಲಿ ಭೀಕರ ಅಪಘಾತ, 12 ಭಾರತೀಯರು ಸೇರಿದಂತೆ 17 ಮಂದಿ ಸಾವು
ದುಬೈ, ಜೂನ್ 07: ದುಬೈಯಲ್ಲಿ ಸಂಭವಿಸಿದ ಭೀಕರ ರಸ್ತೆ ಅಪಘಾತದಲ್ಲಿ 17 ಮಂದಿ ಮೃತರಾಗಿದ್ದು, ಅವರಲ್ಲಿ 12 ಜನ ಭಾರತೀಯರು ಎಂಬುದು ತಿಳಿದುಬಂದಿದೆ.
ಘಟನೆಯಲ್ಲಿ ಐವರು ಗಂಭೀರವಾಗಿ ಗಾಯಗೊಂಡಿದ್ದಾರೆಂದು ಎಎನ್ ಐ ಸುದ್ದಿ ಸಂಸ್ಥೆ ವರದಿ ಮಾಡಿದೆ.
ಈದ್ ಆಚರಣೆಯನ್ನು ಮುಗಿಸಿ ಒಮಾನ್ ಗೆ ವಾಪಸ್ಸಾಗುತ್ತಿದ್ದ ವೇಳೆ ಈ ದುರಂತ ಸಂಭವಿಸಿದೆ ಎನ್ನಲಾಗಿದೆ. ಘಟನೆ ಕುರಿತು ಹೆಚ್ಚಿನ ಮಾಹಿತಿ ಲಭ್ಯವಾಗಬೇಕಿದೆ.
ಈ ಕುರಿತು ಟ್ವೀಟ್ ಮಾಡಿರುವ (ಇಂಡಿಯಾ ಇನ್ ದುಬೈ) ದುಬೈನ ಭಾರತೀಯ ರಾಯಭಾರ ಕಚೇರಿ, ಮೃತ ಎಂಟು ಜನರ ಹೆಸರನ್ನು ತಿಳಿಸಿದ್ದು, ಸಂಬಂಧಿಗಳು ಯಾವುದೇ ರೀತಿಯ ನೆರವಿವಾಗಿ ಸಹಾಯವಾಣಿಗೆ ಕರೆ ಮಾಡಲು ಕೋರಿದೆ.
2/2) The names of those who have passed away are: Mr. Rajagopalan, Mr. Feroz Khan Pathan, Mrs. Reshma Feroz Khan Pathan, Mr. Deepak Kumar, Mr. Jamaludeen Arakkaveettil, Mr. Kiran Johnny, Mr. Vasudev, Mr. Tilakram Jawahar Thakur.
— India in Dubai (@cgidubai) June 6, 2019
ಮೃತ ದುರ್ದೈವಿಗಳ ಪಟ್ಟಿ ಇಲ್ಲಿದೆ: ರಾಜಗೋಪಾಲನ್, ಫಿರೋಜ್ ಖಾನ್ ಪಠಾಣ್, ರೇಶ್ಮಾ ಫಿರೋಜ್ ಖಾನ್ ಪಠಾಣ್, ದೀಪಕ್ ಕುಮಾರ್, ಜಮಾಲುದ್ದಿನ್ ಅರ್ಕ್ಕಾವೀಟ್ಟಿಲ್, ಕಿರಣ್ ಜಾನ್ನಿ, ವಾಸುದೇವ್, ತಿಲಕರಾಮ್ ಜವಾಹರ್ ಠಾಕೂರ್
2/2) We will update the exact details as soon as they become available from local authorities. Our officers are in Rashid Hospital, Dubai to extend assistance. Any queries could be addressed to our officer Mr Sanjeev Kumar, Mob +971-504565441or on our helpline +971-565463903.
— India in Dubai (@cgidubai) June 6, 2019
ಈ ಕುರಿತು ಯಾವುದೇ ಮಾಹಿತಿಗೆ ಸಹಾಯವಾಣಿ ಸಂಖ್ಯೆಗೆ ಕರೆ ಮಾಡುವಂತೆ ದುಬೈಯಲ್ಲಿರುವ ಭಾರತೀಯ ರಾಯಭಾರ ಕಚೇರಿ ತಿಳಿಸಿದ್ದು. ಸಹಾಯವಾಣಿ ಸಂಖ್ಯೆಗಳು ಹೀಗಿವೆ: +971-565463903, +971-504565441(ಸಂಜೀವ್ ಕುಮಾರ್, ರಾಯಭಾರ ಕಚೇರಿಯ ಅಧಿಕಾರಿ)