ದಾವಣಗೆರೆ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
Oneindia App Download

ಹರಿಹರದಲ್ಲಿ ಹೈಟೆಕ್ ಪ್ರೀ ಕಾಸ್ಟ್ ಸಾಮೂಹಿಕ ಶೌಚಾಲಯ ಉದ್ಘಾಟನೆ

By ಹರಿಹರ ಪ್ರತಿನಿಧಿ
|
Google Oneindia Kannada News

ಹರಿಹರ, ಜನವರಿ 28: ಹರಿಹರ ನಗರದಲ್ಲಿ ನಿರ್ಮಿಸಲಾಗಿರುವ ಅತ್ಯಾಧುನಿಕ ಸೌಕರ್ಯಗಳುಳ್ಳ ಹೈಟೆಕ್ ಪ್ರೀ ಕಾಸ್ಟ್ ಸಾಮೂಹಿಕ ಶೌಚಾಲಯವನ್ನು ಹರಿಹರದ ಶಾಸಕ ಎಸ್.ರಾಮಪ್ಪ ಉದ್ಘಾಟಿಸಿದರು.

"ಸ್ವಚ್ಛತೆ ಎಂಬುದು ಗಾಂಧೀಜಿಯವರ ಕನಸಾಗಿದ್ದು, ಅದನ್ನು ನನಸು ಮಾಡಲು ನಗರ ಮತ್ತು ಗ್ರಾಮೀಣ ಸ್ಥಳೀಯ ಸಂಸ್ಥೆಗಳು ಪ್ರಯತ್ನಿಸುತ್ತಿದ್ದು, ಹರಿಹರದಲ್ಲಿ ಹೈಟೆಕ್ ಸಾಮೂಹಿಕ ಶೌಚಾಲಯವನ್ನು ನಿರ್ಮಿಸುವುದರ ಮೂಲಕ ಈ ಪ್ರಯತ್ನಕ್ಕೆ ಸಹಕಾರ ದೊರೆತಿದೆ" ಎಂದು ಶಾಸಕ ರಾಮಪ್ಪ ಹೇಳಿದರು.

ಈ ವೇಳೆ ವಾರ್ಡಿನ ಸದಸ್ಯರಾದ ಎಂ.ಡಿ ಮುಜಾಮಿಲ್ಲಾ (ಬಿಲ್ಲು), ಆಯುಕ್ತರಾದ ಎಸ್.ಲಕ್ಷ್ಮೀ, ಸಹಾಯಕ ಕಾರ್ಯ ನಿರ್ವಾಹಕ ಇಂಜಿನಿಯರ್ ಎಸ್.ಎಸ್. ಬಿರಾದಾರ, ಸಹಾಯಕ ಇಂಜಿನಿಯರ್ ಅಬ್ದುಲ್ ಹಮೀದ್ ಇದ್ದರು.

Harihara: High tech Pre cast Public Toilet inaugurated

ದಾವಣಗೆರೆ ಜಿಲ್ಲೆಯ ಹರಿಹರ ನಗರಸಭೆಯು ಒಂದು ಹೆಜ್ಜೆ ಮುಂದೆ ಸಾಗಿ pre Cast (ಮುಂಚೆಯೇ ಸಿದ್ದಪಡಿಸಿದ) ಸಾಮಗ್ರಿಗಳೊಂದಿಗೆ ಹರಿಹರ ಬಸ್ ನಿಲ್ದಾಣ ಬಳಿ 30 X 10 ಅಳತೆಯ ಜಾಗದಲ್ಲಿ ಅತ್ಯಾಧುನಿಕ ಸೌಕರ್ಯಗಳುಳ್ಳ ಹೈಟೆಕ್ ಸಾಮೂಹಿಕ ಶೌಚಾಲಯವನ್ನು ನಿರ್ಮಿಸಿ ರಾಜ್ಯದ ಇತರ ಸ್ಥಳೀಯ ಸಂಸ್ಥೆಗಳಿಗೆ ಮಾದರಿಯಾಗಿದೆ.

Harihara: High tech Pre cast Public Toilet inaugurated

ಹರಿಹರ ಬಸ್ ನಿಲ್ದಾಣ ಪಕ್ಕದಲ್ಲಿ, ರೇಲ್ವೆ ಸ್ಟೇಷನ್‍ಗೆ ಹೋಗುವ ರಸ್ತೆಯಲ್ಲಿರುವ ಜಾಗ ಬಯಲು ಬಹಿರ್ದೆಸೆ ತಾಣವಾಗಿತ್ತು. ನಗರ ಪ್ರವೇಶಿಸುತ್ತಿದ್ದಂತೆ ದುರ್ನಾತದಿಂದ ಸಾರ್ವಜನಿಕರು ಮತ್ತು ಪ್ರಯಾಣಿಕರೂ ಮೂಗು ಮುಚ್ಚಿಕೊಂಡು ಓಡಾಡುವ ಪರಿಸ್ಥಿತಿ ಇತ್ತು. ಇದನ್ನು ಕಂಡು ಇದಕ್ಕೊಂದು ತಾರ್ಕಿಕ ಪರಿಹಾರ ಒದಗಿಸಲು ಸ್ಥಳೀಯ ಶಾಸಕರಾದ ಎಸ್.ರಾಮಪ್ಪ ಸೇರಿದಂತೆ ಇತರರ ಪರಿಶ್ರಮ ಮತ್ತು ಕಾಳಜಿಯ ಪರಿಣಾಮವಾಗಿ ಈಗ ಇಲ್ಲೊಂದು ಹೈಟೆಕ್ ಶೌಚಾಲಯ ನಿರ್ಮಾಣಗೊಂಡಿದೆ. ಶೌಚಾಲಯವು ಆಧುನಿಕ ಸೌಲಭ್ಯಗಳನ್ನು ಒಳಗೊಂಡಿದ್ದು, ಸಾರ್ವಜನಿಕರು ಸದ್ಬಳಕೆ ಮಾಡಿಕೊಳ್ಳಬೇಕೆಂದು ನಗರ ಸಭೆ ಮನವಿ ಮಾಡಿದೆ.

English summary
Harihara: High tech Pre cast Public Toilet inaugurated by MLA S Ramappa.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X